Indiramma Towers: తెలంగాణ ప్రజలకు సూపర్ గుడ్ న్యూస్.. ఇక జిల్లాల్లో ఇందిరమ్మ టవర్స్.. కేవలం రూ.4 లక్షలకే..

Telangana government decided to construct Indiramma Towers in all district as well.

Indiramma Towers: హైదరాబాద్ నగరంలో నిర్మిస్తున్న ఇందిరమ్మ టవర్లకు ప్రజల నుంచి విశేష స్పందన లభిస్తుండటంతో, రాష్ట్రంలోని ఇతర జిల్లాల్లో కూడా వీటిని విస్తరించాలని తెలంగాణ ప్రభుత్వం కీలక నిర్ణయం తీసుకుంది. పేద, మధ్యతరగతి వర్గాల సొంతింటి కలను నెరవేర్చే లక్ష్యంతో ఉమ్మడి జిల్లాలన్నింటిలోనూ విడతల వారీగా ఈ బహుళ అంతస్తుల భవనాలను ఏర్పాటు చేయనున్నారు. తొలి విడత కింద నిజామాబాద్, వరంగల్ జిల్లాల్లో నిర్మాణాలు చేపట్టేందుకు హౌసింగ్ బోర్డు అధికారులు వేగంగా అడుగులు వేస్తున్నారు. ఇప్పటికే ఆయా ప్రాంతాల్లో ప్రభుత్వ స్థలాల పరిశీలన పూర్తి చేసి డీపీఆర్‌ల రూపకల్పన ప్రక్రియను వేగవంతం చేశారు.

Chandrababu Naidu: పేదల సంక్షేమం కోసం కీలక నిర్ణయం.. వారికి శాశ్వత ఇళ్ల స్థలాలు.. ఏపీ కేబినెట్ ఆమోదం

తక్కువ ధరలోనే డబుల్ బెడ్‌రూమ్ ఫ్లాట్లు.. నెరవేరనున్న పేదల కల:

హైదరాబాద్ పరిధిలో ఒక్కో ఫ్లాట్ నిర్మాణానికి సుమారు రూ.11 లక్షల వరకు ఖర్చవుతుండగా, జిల్లాల్లో భూమి, నిర్మాణ వ్యయం కొంత తక్కువగా ఉంటుందని అధికారులు అంచనా వేశారు. జిల్లాల పరిధిలో ప్రతి ఫ్లాట్ నిర్మాణానికి రూ.8 లక్షల నుంచి రూ.9 లక్షల వరకు అవుతుందని భావిస్తున్నారు. ప్రభుత్వం అందించే ఇందిరమ్మ ఇళ్ల(Indiramma Towers) పథకం సబ్సిడీ పోను, లబ్ధిదారులు కేవలం రూ.4 లక్షలు చెల్లిస్తే సరిపోతుంది. ప్రభుత్వానికి చెందిన ఖాళీ స్థలాలనే ఈ టవర్ల నిర్మాణానికి సద్వినియోగం చేస్తుండటంతో నాణ్యమైన ఇళ్లు అందుబాటులోకి రానున్నాయి.

పారదర్శకంగా ఫ్లాట్ల కేటాయింపు.. జిల్లాల్లో వేగంగా ఏర్పాట్లు:

ఇప్పటికే హైదరాబాద్‌లోని పలు నియోజకవర్గాల్లో ఇందిరమ్మ టవర్ల పనులు శరవేగంగా జరుగుతున్నాయినాయి. ఇప్పుడు ఈ ప్రాజెక్టును జిల్లాలకు పొడిగించడంతో అర్హులైన వేలాది పేద కుటుంబాలకు సొంత ఇల్లు సమకూరనుంది. ఎలాంటి అక్రమాలకు తావులేకుండా అర్హులైన నిరుపేదలందరికీ పారదర్శక పద్ధతిలోనే ఈ ఫ్లాట్లను కేటాయించేలా ప్రభుత్వం ప్రత్యేక చర్యలు తీసుకుంటోంది. త్వరలోనే నిజామాబాద్, వరంగల్ ప్రాంతాల్లో పనులు ప్రారంభించి పూర్తి చేయాలని హౌసింగ్ బోర్డు లక్ష్యంగా పెట్టుకుంది.