Mahesh Kumar Goud: తెలంగాణకు కేంద్రం ద్రోహం.. అమిత్ షా పర్యటన అంతా వేస్ట్.. ఇక్కడ మీ ఆటలు సాగవు.. మహేష్ కుమార్ గౌడ్ ఘాటు వ్యాఖ్యలు

Tpcc chief mahesh kumar goud slams union minister amit shah hyderabad tour

Mahesh Kumar Goud: కేంద్ర హోంమంత్రి అమిత్ షా హైదరాబాద్‌లో నిర్వహించిన సభలు, పాదయాత్రల వల్ల తెలంగాణ రాష్ట్రానికి ఎలాంటి ప్రయోజనం లేదని టీపీసీసీ అధ్యక్షుడు మహేష్ కుమార్ గౌడ్(Mahesh Kumar Goud) తీవ్రస్థాయిలో మండిపడ్డారు. పదేళ్లకు పైగా కేంద్రంలో అధికారంలో ఉన్న బీజేపీ ప్రభుత్వం రాష్ట్రానికి ఇచ్చిన హామీలను పూర్తిగా విస్మరించి, ఇప్పుడు హైదరాబాద్‌కు వచ్చి ప్రజాస్వామ్య పరిరక్షణ యాత్ర చేపట్టడం సిగ్గుచేటని ఆయన విమర్శించారు. విభజన చట్టంలోని హామీల అమలు, నిధుల విడుదల, కాజీపేట కోచ్ ఫ్యాక్టరీ, బయ్యారం ఉక్కు పరిశ్రమలపై అమిత్ షా తెలంగాణ ప్రజలకు సమాధానం చెప్పాలని డిమాండ్ చేశారు.

Pune Pink Line Metro: దేశంలోనే తొలిసారిగా ఆల్-ఉమెన్ మెట్రో.. రూ.8,300 కోట్లతో లైన్-3.. అంతా మహిళల చేతుల్లోనే

‘ఆర్ఆర్ ట్యాక్స్’ ఆరోపణలు అబద్ధం.. బీజేపీ, బీఆర్‌ఎస్‌ల మధ్య లోపాయికారీ బంధం:

తెలంగాణపై కేంద్రం రాజకీయ వివక్ష చూపుతున్నప్పటికీ, తమ కాంగ్రెస్ ప్రభుత్వం సంక్షేమ పథకాలను సమర్థవంతంగా అమలు చేస్తోందని మహేష్ కుమార్ గౌడ్ తెలిపారు. బీజేపీ నాయకులు చేస్తున్న ‘ఆర్ఆర్ ట్యాక్స్’ ఆరోపణలు తల తోక లేనివని కొట్టిపారేశారు. గత పదేళ్ల బీఆర్‌ఎస్ పాలనలో రాష్ట్రం అప్పుల పాలైందని, ఇప్పుడు ఆ స్థానాన్ని ఆక్రమించేందుకు బీజేపీ ప్రయత్నిస్తోందని విమర్శించారు.

కాంగ్రెస్‌ను విమర్శించే ముందు శ్వేతపత్రం విడుదల చేయాలి.. టీపీసీసీ అధ్యక్షుడు సవాల్:

ఎన్నికలు వచ్చినప్పుడే బీజేపీకి తెలంగాణ గుర్తుకు వస్తుందని, మతం, భావోద్వేగాల పేరుతో రాజకీయాలు చేయడం వారికి అలవాటుగా మారిందని ఆగ్రహం వ్యక్తం చేశారు. కాంగ్రెస్ ప్రభుత్వంపై విమర్శలు చేసే ముందు తెలంగాణ అభివృద్ధికి బీజేపీ ఏం చేసిందో శ్వేతపత్రం విడుదల చేయాలని మహేష్ కుమార్ గౌడ్ సవాల్ విసిరారు.