సాధారణంగా కంట్లో చిన్న నలక పడితేనే విలవిల్లాడిపోతాం. అలాంటిది ఓ వ్యక్తి కంట్లో ఏకంగా ఏడు సెంటీమీటర్ల పొడవు గల పురుగు ఉంది. ఒకటి కాదు.. రెండు కాదు.. 12 ఏళ్లుగా అది అతడి కంట్లోనే ఉంది. అప్పుడప్పుడూ కుడి కన్ను నొప్పి వస్తున్నాగాని మాములు నొప్పి అనుకుని పట్టించుకోలేదు. కానీ, రీసెంట్ గా నొప్పి బాగా వస్తుంటే హాస్పిటల్ కు వెళ్లాడుడు. కంటి పరీక్షలు చేసిన డాక్టర్లు అతడి కంట్లో తెల్లగుడ్డును చుట్టుకుని మెరుస్తున్న సన్నని పురుగును గుర్తించారు.
గుజరాత్‌కు చెందిన జాసుభాయ్ పటేల్(70) గత కొన్నేళ్లుగా కంటి నొప్పితో బాధపడుతున్నాడు. రీసెంట్ గా భరూచ్‌లోని నారాయణ్ హాస్పిటల్ అండ్ రీసెర్చ్ సెంటర్‌‌లో డాక్టర్ మిలన్ పాంచాల్‌ ను కలిశాడు. ఆయన మైక్రోస్కోపిక్ పరికరంతో కంటిని పరిశీలించగా.. తెల్లగుడ్డు వెనుక ఏదో తాడులాంటిది కనిపించింది. దాని కదలికలను బట్టి గుర్తించారు. దాన్ని సర్జరీ చేసి తొలగించాల్సి ఉంటుందని చెప్పారు.
దీంతో డాక్టర్లు మాట్లాడుతూ.. 12 ఏళ్ల కిందట అతనికి కుక్క కరిచిందని, ఆ గాయం ద్వారా జీవి రక్తంలో కలిసి కంటికి చేరుకుని ఉండవచ్చని తెలిపారు. సాధారణంగా అవి కంటికి కనిపించవని, అది కంట్లోనే తిష్టవేసి పెద్దదైందన్నారు. ఇక పటేల్ కు మత్తు ఇచ్చి జాగ్రత్తగా కంట్లో ఉన్న ఏలిక పామును తీశారు. అది 7 సెంటీ మీటర్ల పొడవు ఉందని డాక్టర్ మిలన్ చెప్పారు. దీన్ని తీయడానికి సుమారు 25 నిమిషాలు పట్టిందన్నారు.
