Andhra Pradesh : ఏపీ అసెంబ్లీ సమావేశాలు.. టీడీపీ పొలిట్ బ్యూరో మీటింగ్

ష్ట్రంలో జరుగుతోన్న పరిణామాలు.. భవిష్యత్ కార్యాచరణపై టీడీపీ పొలిట్ బ్యూరో సమీక్ష జరుపనుంది. ఈ భేటీలో ఎన్టీఆర్ శత జయంతి వేడుకల నిర్వహాణపై కూడా చర్చించనున్నారు.

Andhra Pradesh : ఏపీ అసెంబ్లీ సమావేశాలు.. టీడీపీ పొలిట్ బ్యూరో మీటింగ్

TDP Politburo Meeting : ఏపీ అసెంబ్లీ సమావేశాలు మార్చి 07వ తేదీ నుంచి ప్రారంభం కానున్నాయి. ఇందుకు అధికారులు ఏర్పాట్లు చేస్తున్నారు. మార్చి 11వ తేదీన ఆర్థిక మంత్రి బుగ్గన రాజేంద్రనాథ్ రెడ్డి బడ్జెట్ ప్రవేశ పెట్టనున్నారని తెలుస్తోంది. బడ్జెట్ సమావేశాలు ప్రారంభమౌతుండడంతో అందరి దృష్టి టీడీపీపై నెలకొంది. ఆ పార్టీకి చెందిన ఎమ్మెల్యేలు సమావేశాలకు హాజరవుతారా ? లేదా ? అనేది తెలియరావడం లేదు. టీడీపీ పొలిట్ బ్యూరో సమావేశంలో సమావేశాలకు హాజరు కావాలా ? వద్దా ? నిర్ణయం తీసుకోనున్నార. 2022, మార్చి 03వ తేదీ గురువారం ఈ సమావేశం జరుగనుంది.

Read More :AP Assembly : ఏపీ అసెంబ్లీలో ఏం జరిగింది ?

రాష్ట్రంలో జరుగుతోన్న పరిణామాలు.. భవిష్యత్ కార్యాచరణపై టీడీపీ పొలిట్ బ్యూరో సమీక్ష జరుపనుంది. ఈ భేటీలో ఎన్టీఆర్ శత జయంతి వేడుకల నిర్వహాణపై కూడా చర్చించనున్నారు. మళ్లీ ముఖ్యమంత్రిగా గెలిచే వరకు సభలో అడుగు పెట్టనంటూ తెలుగుదేశం పార్టీ అధినేత చంద్రబాబు నాయుడు సంచలన నిర్ణయం తీసుకున్న సంగతి తెలిసిందే. అసెంబ్లీ సాక్షిగా ఆయన శపథం చేస్తూ.. వెళ్లిపోయారు. దీంతో ఆయన సభకు హాజరయ్యే అవకాశం లేదు.

Read More : AP Assembly: ఆంధ్రప్రదేశ్ అసెంబ్లీ బడ్జెట్ సమావేశాలు.. మార్చి 7నుంచి!

సభలో మాట్లాడిన చంద్రబాబు ఉద్వేగానికి లోనయ్యారు.. రెండున్నరేళ్లుగా ఎన్నో అవమానాలను భరించానని.. తన భార్యపై కూడా అసభ్యంగా మాట్లాడుతున్నారని చంద్రబాబు ఆవేదన వ్యక్తం చేశారు.. స్పీకర్‌ మైక్‌ కట్‌ చేయడంతో సభ్యులకు నమస్కరిస్తూ టీడీపీ ఎమ్మెల్యేలలు వాకౌట్ చేశారు. మరి అసెంబ్లీ బడ్జెట్ సమావేశాలకు టీడీపీ ఎమ్మెల్యేలు హాజరవుతారా ? లేదా ? అనేది చూడాలి.