AP Cabinet : కొత్త మంత్రుల్లో ఎవరెవరు ఉండనున్నారు? పాత మంత్రుల్లో ఎవరిని కొనసాగిస్తారు?

కొత్త మంత్రుల జాబితా రేపు మధ్యాహ్నం కల్లా సిద్ధం కాబోతోంది. సీఎంవో అధికారులు ఈ లిస్ట్‌ను తీసుకుని గవర్నర్‌ విశ్వభూషణ్‌ దగ్గరకు వెళ్తారు.

AP Cabinet : ఆంధ్రప్రదేశ్‌ కేబినెట్‌ పునర్‌ వ్యవస్థీకరణకు సర్వం సిద్ధమైంది. ఎల్లుండి ఉదయం 11 గంటల 31 నిమిషాలకు కొత్త కేబినెట్‌ కొలువుదీరనుంది. కొత్త మంత్రులతో గవర్నర్‌ విశ్వభూషణ్‌ హరిచందన్‌ ప్రమాణ స్వీకారం చేయించబోతున్నారు. ఇందుకోసం పెద్దఎత్తున ఏర్పాట్లు జరుగుతున్నాయి. అసలు జగన్‌ కేబినెట్‌ 2.0 ఎలా ఉండబోతోంది? కొత్త మంత్రుల్లో ఎవరెవరు ఉండబోతున్నారు? పాత మంత్రుల్లో ఎంతమందిని కొనసాగించబోతున్నారు? సీఎం జగన్మోహన్‌రెడ్డి కసరత్తులో ఏం తేల్చారు? తుది నిర్ణయం ఎలా ఉండబోతోంది?

కొత్త మంత్రుల జాబితా రేపు మధ్యాహ్నం కల్లా సిద్ధం కాబోతోంది. సీఎంవో అధికారులు ఈ లిస్ట్‌ను తీసుకుని గవర్నర్‌ విశ్వభూషణ్‌ దగ్గరకు వెళ్తారు. ఆ తర్వాత కొత్తగా మంత్రివర్గంలోకి తీసుకోబోయే వారికి సీఎం జగన్‌ స్వయంగా ఫోన్‌ చేసి ఆ విషయం చెప్పబోతున్నారు. మరోవైపు మంత్రివర్గంలో చోటు ఖాయమని నమ్ముతున్న చాలామంది నేతలు.. ఇప్పటికే కుటుంబ సభ్యులతో కలిసి విజయవాడ చేరుకున్నట్లు తెలుస్తోంది.

AP Cabinet : జగన్ కొత్త కేబినెట్ లో బీసీలకు పెద్దపీట

ఇక కొత్త మంత్రివర్గ కూర్పు ఎలా ఉండబోతోందో చూస్తే.. శ్రీకాకుళం జిల్లా నుంచి ధర్మాన ప్రసాదరావుకు కచ్చితంగా ఛాన్స్‌ ఇస్తారని సమాచారం. సాలూరు నుంచి రాజన్నదొర, పాడేరు నుంచి భాగ్యలక్ష్మి, అనకాపల్లి నుంచి గుడివాడ అమర్నాధ్, తుని నుంచి దాడిశెట్టి రాజా, పి.గన్నవరం నుంచి చిట్టిబాబు, తణుకు నుంచి కారుమూరి నాగేశ్వరరావుకు జగన్‌ కేబినెట్‌లో చోటు దక్కే అవకాశాలున్నాయి.

అటు భీమవరం నుంచి గ్రంథి శ్రీనివాస్‌, పెడన నుంచి జోగి రమేశ్‌, చిలకలూరిపేట నుంచి విడదల రజిని, ఉయ్యూరు ఎమ్మెల్యే రక్షణ నిధి, వేమూరు ఎమ్మెల్యే మేరుగు నాగార్జున కూడా కొత్త కేబినెట్‌లో ఉంటారన్న టాక్‌ వినిపిస్తోంది. ఇక సర్వేపల్లి ఎమ్మెల్యే కాకాని గోవర్ధన్‌రెడ్డితో పాటు శింగనమల ఎమ్మెల్యే జొన్నలగడ్డ పద్మావతి, శ్రీశైలం ఎమ్మెల్యే శిల్పా చక్రపాణిరెడ్డి, రైల్వేకోడూర్‌ ఎమ్మెల్యే కోరుముట్ల శ్రీనివాసులుకు కూడా జగన్‌ కేబినెట్‌లో చోటు ఖాయమని సమాచారం.

AP Cabinet : నేడు రాజ్‌భవన్‌కు పాత మంత్రుల రాజీనామాలు.. రేపు గవర్నర్‌కు కొత్త మంత్రుల జాబితా

ధర్మాన ప్రసాదరావు – శ్రీకాకుళం – బీసీ వెలమ
రాజన్నదొర- సాలూరు- ఎస్టీ
భాగ్యలక్ష్మి- పాడేరు- ఎస్టీ
గుడివాడ అమర్నాధ్- అనకాపల్లి- కాపు
దాడిశెట్టి రాజా – తుని-కాపు
చిట్టిబాబు- పి.గన్నవరం- ఎస్సీ ( మాల)
కారుమూరి నాగేశ్వరరావు- తణుకు- బీసీ
గ్రంథి శ్రీనివాస్‌- బీమవరం-కాపు
జోగి రమేశ్‌- పెడన – బీసీ
విడదల రజని- చిలకలూరిపేట- బీసీ
మేరుగ నాగార్జున- వేమూరు- ఎస్సీ ( మాల)
కాకాని గోవర్థన్‌రెడ్డి- సర్వేపల్లి – రెడ్డి
జొన్నలగడ్డ పద్మావతి- శింగనమల- ఎస్సీ ( మాల)
శిల్పా చక్రపాణిరెడ్డి- శ్రీశైలం- రెడ్డి
కోరుముట్ల శ్రీనివాస్‌- రైల్వేకోడూర్‌- ఎస్సీ ( మాల)
రక్షణ నిధి- తిరుపూరు- ఎస్సీ మాదిగ