OnePlus Independence Day Sale : వన్‌ప్లస్ ఇండిపెండెన్స్ డే సేల్.. ఈ వన్‌ప్లస్ ఫోన్లపై అదిరే డీల్స్, మరెన్నో ఆఫర్లు.. డోంట్ మిస్..!
OnePlus Independence Day Sale : వన్‌ప్లస్ ఇండిపెండెన్స్ డే సేల్‌లో OnePlus 11 5G, OnePlus 11R 5G, OnePlus Pad, Nord సిరీస్‌లోని డివైజ్‌లు సహా కొత్త వన్‌ప్లస్ డివైజ్‌లు, ఆకర్షణీయమైన ఆఫర్లు, డీల్‌లతో అందుబాటులో ఉన్నాయి.
- Published By: 10TV Digital Team ,Published On : August 4, 2023 / 04:44 PM IST
OnePlus Independence Day sale live in India
OnePlus Independence Day Sale : ప్రముఖ స్మార్ట్‌ఫోన్ మేకర్ వన్‌ప్లస్ (OnePlus) స్వాతంత్ర్య దినోత్సవ విక్రయాన్ని ప్రారంభించింది. వన్‌ప్లస్ స్మార్ట్‌ఫోన్‌లు, ఇతర డివైజ్‌ల రేంజ్‌పై అనేక డీల్‌లు, ఆఫర్‌లను అందిస్తోంది. ఈ సేల్ ఈవెంట్ ఇప్పటికే లైవ్‌లో ఉంది. ఆగస్టు 31 వరకు అందుబాటులో ఉంటుంది. ఈ కాలంలో OnePlus 11 5G, OnePlus 11R 5G, OnePlus Pad వంటి డివైజ్‌లు, నార్డ్ సిరీస్‌లోని డివైజ్‌లు ఆకర్షణీయమైన ఆఫర్లు, డీల్‌లతో అందుబాటులో ఉంటాయి. మీ పాత డివైజ్ అప్‌గ్రేడ్ చేసుకునేందుకు బెస్ట్ టైం అని చెప్పవచ్చు.
OnePlus 11 5G :
వన్‌ప్లస్ Snapdragon 8 Gen 2 SoC ఆధారిత వన్‌ప్లస్ 11 5G ఫోన్ వన్‌ప్లస్ ఇండియా వెబ్‌సైట్‌లో రూ. 56,999 (128GB) వద్ద రిటైల్ అయింది. అయితే, ICICI క్రెడిట్, డెబిట్ కార్డ్‌లను కలిగి ఉన్న యూజర్లు EMI లావాదేవీలపై రూ. 2వేలు ఇన్‌స్టంట్ బ్యాంక్ డిస్కౌంట్ పొందవచ్చు. OneCard యూజర్లు వన్‌ప్లస్ 11 5G, OnePlus 11 5G మార్బుల్ ఒడిస్సీపై రూ. 2వేలు ఇన్‌స్టంట్ బ్యాంక్ డిస్కౌంట్ పొందవచ్చు.
మీరు (Amazon) నుంచి ఫోన్‌ను కొనుగోలు చేస్తుంటే.. SBI కార్డ్ హోల్డర్‌లకు కొన్ని బ్యాంక్ ఆఫర్లు ఉన్నాయి. OnePlus 11 5G ముఖ్య ఫీచర్లలో 100W ఫాస్ట్ ఛార్జింగ్, OISతో కూడిన 50MP Sony IMX 890 కెమెరా సెన్సార్, 6.7-అంగుళాల AMOLED డిస్ప్లే, ఆండ్రాయిడ్ 13 ఆధారంగా ఆక్సిజన్‌OS రన్ అవుతుంది.
OnePlus 11R 5G :
వన్‌ప్లస్ 11 5G టోన్డ్-డౌన్ వేరియంట్, వన్‌ప్లస్ 11R 5G కూడా ఆఫర్‌లతో అందుబాటులో ఉంది. అధికారిక సైట్‌లో రూ.39,999కి విక్రయిస్తోంది. వన్‌ప్లస్ ICIC బ్యాంక్ క్రెడిట్ కార్డ్‌లు, EMI, నెట్ బ్యాంకింగ్‌తో రూ. 1,000 డిస్కౌంట్ అందిస్తోంది. అమెజాన్‌లో యూజర్లు EMI యేతర లావాదేవీల కోసం SBI క్రెడిట్ కార్డ్‌లపై 10 శాతం ఇన్‌స్టంట్ డిస్కౌంట్ (రూ. 750 వరకు) పొందవచ్చు. OnePlus 11R సాధారణ OnePlus 11 మాదిరిగానే ఉంటుంది. అయితే, కెమెరా సిస్టమ్‌లో కొన్ని ట్వీక్‌లు ఉన్నాయి. ఈ ఫోన్ Snapdragon 8+ Gen 1 SoC, 5000mAh బ్యాటరీతో పనిచేస్తుంది.
OnePlus Independence Day sale live in India
OnePlus Nord 3 5G :
గత నెలలో OnePlus Nord సమ్మర్ లాంచ్ ఈవెంట్ సందర్భంగా వన్‌ప్లస్ నార్డ్ 3 5G, వన్‌ప్లస్ నార్డ్ CE 3 5G అనే 2 కొత్త స్మార్ట్‌ఫోన్‌లను ఆవిష్కరించింది. OnePlus Nord 3 5G, OnePlus 11లో అందుబాటులో ఉన్న అదే 50MP కెమెరా Sony IMX890 సెన్సార్‌ను అందిస్తుంది. డైమెన్సిటీ 9000 SoC ద్వారా పవర్ అందిస్తుంది. వన్‌ప్లస్ నార్డ్ CE 3 ఫోన్ Qualcomm Snapdragon 782G SoC, 80W SUPERVOOC ఛార్జింగ్‌తో కూడిన 5000mAh బ్యాటరీ, AMOLED డిస్‌ప్లేను కలిగి ఉంది.
వన్‌ప్లస్ నార్డ్ 3 5G ఫోన్ అమెజాన్, వన్‌ప్లస్ ఇండియా వెబ్‌సైట్ రెండింటిలోనూ రూ. 33,999కి అందుబాటులో ఉంది. Nord CE 3 ధర రూ. 26,999 నుంచి కొనుగోలు చేయొచ్చు. ఈ రోజు సేల్ ప్రారంభం కానుంది. ICICI క్రెడిట్ కార్డ్, డెబిట్ కార్డ్ EMI యూజర్లు OnePlus స్టోర్, OnePlus ఎక్స్‌పీరియన్స్ స్టోర్‌లు, అమెజాన్ నుంచి OnePlus Nord 3 5G కొనుగోలుపై రూ. 1,000 ఇన్‌స్టంట్ బ్యాంక్ డిస్కౌంట్ పొందవచ్చు. ఆగస్ట్ 4 నుంచి 18 వరకు వన్‌ప్లస్ Nord CE3 5G కొనుగోలుపై కస్టమర్‌లు రూ. 2వేలు బెనిఫిట్స్ పొందవచ్చు.
