Minor Girl Raped : దారుణం! బాలికపై ఆరుగురు మైనర్ అబ్బాయిల అత్యాచారం.. మూడు నెలలుగా..!

బాలికను వేర్వేరు ప్రాంతాలకు తీసుకెళ్లి అత్యాచారం చేసినట్లు పోలీసుల విచారణలో తేలింది. రేప్ చేయడమే కాకుండా దాన్ని ఫోన్ లో వీడియో తీశారు. దాన్ని అడ్డుపెట్టుకుని బాలికను..

Minor Girl Raped

Minor Girl Raped : చక్కగా చదువుకోవాల్సిన వయసులో పిల్లలు దారితప్పుతున్నారు. దురాఘతాలకు పాల్పడుతున్నారు. సభ్యసమాజం ఉలిక్కిపడేలా దారుణాలకు ఒడిగడుతున్నారు. సినిమాల ప్రభావమో, స్మార్ట్ ఫోన్ల ప్రభావమో కానీ వారిలో విపరీత ప్రవర్తన ఆందోళనకు గురి చేస్తోంది. ఆడపిల్లల తల్లిదండ్రులను భయపెడుతోంది. ఆరుగురు అబ్బాయిలు (అందరూ మైనర్లే) దారుణానికి ఒడిగట్టారు. మైనర్ బాలికను అత్యాచారం చేశారు.

కర్నాటక రాష్ట్రం ధార్వడ్ లో ఈ దారుణం జరిగింది. అభంశుభం తెలియని 15ఏళ్ల మైనర్ బాలికను 17ఏళ్ల వయసున్న ఆరుగురు అబ్బాయిలు రేప్ చేశారు. దీనిపై కేసు నమోదు చేసిన పోలీసులు ఆరుగురు నిందితులను అరెస్ట్ చేశారు.

Major Financial Works : డిసెంబర్ 31లోగా ఈ పనులు పూర్తి చేయండి.. లేదంటే నష్టపోతారు..

బాలికను వేర్వేరు ప్రాంతాలకు తీసుకెళ్లి అత్యాచారం చేసినట్లు పోలీసుల విచారణలో తేలింది. ఈ విషయాన్ని తన తల్లిదండ్రులకు చెప్పకుండా బాలికను బెదిరించారు. మూడు నెలల వ్యవధిలో వేర్వేరు ప్రాంతాల్లో అఘాయిత్యానికి ఒడిగట్టారు. రేప్ చేయడమే కాకుండా దాన్ని ఫోన్ లో వీడియో తీశారు. దాన్ని అడ్డుపెట్టుకుని బాలికను బ్లాక్ మెయిల్ చేశారు.

Covid Booster Dose : కోవిడ్ బూస్టర్ డోసుకు మీరు అర్హులేనా? ఇలా తెలుసుకోండి..!

డిసెంబర్ 26న బాలిక తల్లిదండ్రులు పోలీసులకు ఫిర్యాదు చేయడంతో ఈ దారుణం వెలుగులోకి వచ్చింది. రంగంలోకి దిగిన పోలీసులు ఆరుగురు నిందితులను అరెస్ట్ చేశారు. విచారణలో షాకింగ్ విషయాలు తెలిశాయి. నిందితులు తాము తీసిన రేప్ వీడియోలను ఇంటర్నెట్ లో అప్ లోడ్ చేసి డబ్బులు సంపాదించాలని ప్లాన్ చేసినట్టు పోలీసులు తెలిపారు. బాలిక పరిచయస్తుల ద్వారా ఆ ఆరుగురు అబ్బాయిలు ఆమెతో స్నేహం చేశారు. ఆ తర్వాత మాయమాటలతో నమ్మించి దురాఘతానికి పాల్పడ్డారు. మైనర్ అబ్బాయిలు చేసిన దారుణం స్థానికంగా అందరిని షాక్ కి గురి చేసింది. పిల్లల్లో విపరీత ప్రవర్తనతో ఆందోళన చెందుతున్నారు.