Woman Bites Lips : తిక్క కుదిరింది.. అత్యాచారం చేయబోయిన యువకుడి పెదవి కొరికేసిన మహిళ
కామంతో కళ్లు మూసుకుపోయి అత్యాచారం చేయబోయిన ఓ యువకుడికి తగిన శాస్తి జరిగింది. బాధిత మహిళ ఆ యువకుడికి గట్టిగా బుద్ధి చెప్పింది. అతడి పెదవి కొరికి పడేసింది. ఈ ఘటన ఉత్తరప్రదేశ్ రాష్ట్రం మీరట్ లో జరిగింది.
- Published By: 10TV Digital Team ,Published On : February 5, 2023 / 11:51 PM IST
Woman Bites Lips : కామంతో కళ్లు మూసుకుపోయి అత్యాచారం చేయబోయిన ఓ యువకుడికి తగిన శాస్తి జరిగింది. బాధిత మహిళ ఆ యువకుడికి గట్టిగా బుద్ధి చెప్పింది. అతడి పెదవి కొరికి పడేసింది. ఈ ఘటన ఉత్తరప్రదేశ్ రాష్ట్రం మీరట్ లో జరిగింది.
ఓ మహిళ పొలంలో పని చేసుకుంటోంది. ఆ సమయంలో అక్కడికి వచ్చిన ఓ యువకుడు మహిళతో అనుచితంగా ప్రవర్తించాడు. అంతేకాదు అత్యాచారం చేసేందుకు ప్రయత్నించాడు. అయితే, ఆ మహిళ ఆ యువకుడిని తీవ్రంగా ప్రతిఘటించింది. ఈ క్రమంలో ఆ యువకుడి పెదవిని తన పళ్లతో బలంగా కొరికింది. ఆమె ఎంత గట్టిగా కొరికిందంటే.. దెబ్బకు అతడి పెదవి ఊడి కింద పడిపోయింది.
దీంతో అతడు నొప్పితో విలవిలలాడాడు. గట్టిగా కేకలు పెట్టాడు. ఇంతలో బాధితురాలు అతడి నుంచి తప్పించుకుంది. అరుపులు విని అక్కడికి చేరుకున్న గ్రామస్తులు.. ఆ యువకుడిని బంధించారు. ఆ తర్వాత పోలీసులకు ఫిర్యాదు చేశారు. రంగంలోకి దిగిన పోలీసులు కామాంధుడిని అరెస్ట్ చేశారు. ఘటనా స్థలంలో ఊడిపడిన పెదవిని స్వాధీనం చేసుకున్నారు. అనంతరం గాయపడ్డ నిందితుడిని ఆసుపత్రికి తరలించి చికిత్స అందించారు.
Also Read..Girl Raped : ఢిల్లీలో మూడేళ్ల చిన్నారిపై సామూహిక అత్యాచారం
కాగా, ఆపద సమయంలో ఆ మహిళ చూసిన ధైర్యాన్ని స్థానికులు మెచ్చుకున్నారు. కామాంధుడి తిక్క కుదిర్చావ్ అని, వాడికి తగిన శాస్తి జరిగిందని ఆమెను ప్రశంసించారు.
