Pakistan politics: నేడు ఇమ్రాన్ సర్కార్ పై అవిశ్వాస తీర్మానం.. ఓటింగ్ ఎలా జరుగుతుందంటే..
పాక్ ప్రధాని ఇమ్రాన్ ఖాన్ గద్దెదిగే సమయం అసన్నమైనట్లు కనిపిస్తోంది. లాస్ట్ బాల్ వరకు తమ పోరాటాన్ని కొనసాగిస్తామంటూ చెబుతూ వచ్చిన ఇమ్రాన్ నేడు లాస్ట్ బాల్ రూపంలో కీలకమైన అవిశ్వాస..
- Published By: 10TV Digital Team ,Published On : April 9, 2022 / 08:27 AM IST
Pak Parlament
Pakistan politics: పాక్ ప్రధాని ఇమ్రాన్ ఖాన్ గద్దెదిగే సమయం అసన్నమైనట్లు కనిపిస్తోంది. లాస్ట్ బాల్ వరకు తమ పోరాటాన్ని కొనసాగిస్తామంటూ చెబుతూ వచ్చిన ఇమ్రాన్ నేడు లాస్ట్ బాల్ రూపంలో కీలకమైన అవిశ్వాస తీర్మానాన్ని ఎదుర్కోబోతున్నారు. సుప్రింకోర్టు ఆదేశాలతో శనివారం పాకిస్థాన్ జాతీయ పార్లమెంట్ లో అవిశ్వాస తీర్మానంపై ఓటింగ్ జరగనుంది. ఈ ఓటింగ్ లో ఇమ్రాన్ ఖాన్ విజయం సాధించడం దాదాపు అసాధ్యమేనని చెప్పవచ్చు. ఎందుకంటే ఇమ్రాన్ ఖాన్ కు తన ప్రభుత్వాన్ని నిలబెట్టుకునేంత బలం లేదని తెలుస్తుంది.
Imran Khan: సుప్రీం చేతిలో ఓడిపోయిన ఇమ్రాన్ ప్రభుత్వం
తన సర్కార్ పై అవిశ్వాస తీర్మానాన్ని ప్రవేశపెట్టిన ప్రతిపక్షాలకు తొలుత ఇమ్రాన్ ఊహించని షాక్ ఇచ్చాడు. ఏప్రిల్ 3న అవిశ్వాస తీర్మానంతో ఇమ్రాన్ సర్కార్ గద్దెదిగడం ఖాయమని భావించారు. అయితే డిప్యూటీ స్పీకర్ ఖాసిమ్ సూరి ఈ అవిశ్వాస తీర్మానాన్ని తిరస్కరించారు. వెంటనే ఇమ్రాన్ పార్లమెంట్ ను రద్దుచేయాలని అధ్యక్షుడు ఆరిఫ్ అల్వీకి సిఫార్సు చేయడం, అల్వీ దాన్ని ఆమోదించడం జరిగింది. ఇమ్రాన్ ఇచ్చిన ఊహించని షాక్ నుంచి తేరుకున్న ప్రతిపక్షాలు సుప్రింకోర్టుకు వెళ్లాయి. సుప్రింకోర్టు డిప్యూటీ స్పీకర్ ఖాసిమ్ నిర్ణయాన్ని తప్పుబట్టింది. ఈ నిర్ణయం రాజ్యాంగానికి విరుద్ధంగా ఉందని తీర్మానాన్ని తిరస్కరించి మళ్లీ అవిశ్వాస ఓటింగ్ కు సుప్రింకోర్టు సూచించింది. ఈ క్రమంలో శనివారం జాతీయ అసెంబ్లీలో ఇమ్రాన్ సర్కార్ పై అవిశ్వాస ఓటింగ్ జరుగుతుంది. శనివారం జరిగే అవిశ్వాస తీర్మానంలో ఓపెన్ బ్యాలెట్ విధానంలోనే ఓటింగ్ఉం టుంది. ఒకవేళ ఇమ్రాన్ అవిశ్వాస తీర్మానంలో ఓటమిపాలైతే ఆయన ప్రధాని పదవిని కోల్పోయి నేషనల్ అసెంబ్లీలో సభ్యుడి కొనసాగుతారు.
Imran Khan: ఇమ్రాన్ ఖాన్‌కు కీలక డే.. అవిశ్వాసంలో నెగ్గేనా.. రోడ్లపైకొచ్చి నిరసన తెలపాలంటూ దేశ ప్రజలకు పిలుపు..
పాకిస్థాన్ లో ప్రభుత్వం ఏర్పాటుకు 172 మంది సభ్యుల మద్ధతు అవసరం. 2018 ఎన్నికల్లో పీటీఐ (పాకిస్తాన్ తహ్రీక్-ఎ-ఇన్సాఫ్)కి 155 సీట్లు వచ్చాయి. దీంతో మిత్రపక్షాల సాయంతో (మిత్రపక్షాలకు దాదాపు 17 సీట్లు ఉన్నాయి) ఇమ్రాన్ ప్రభుత్వాన్ని ఏర్పాటు చేశాడు. ప్రస్తుతం మిత్రపక్షాలు ఇమ్రాన్ కు దాదాపు దూరమయ్యాయి. మరోవైపు సొంత పార్టీకి చెందిన కొందరు పార్టీకి దూరమయ్యారు. ఈ క్రమంలో నేడు జరిగే అవిశ్వాస తీర్మానంలో ఇమ్రాన్ గెలిచే చాన్సే లేదని రాజకీయ విశ్లేషకులు భావిస్తున్నారు.
Imran Khan : అవిశ్వాస పరీక్షకు ముందే పాక్ ప్రధాని ఇమ్రాన్ కు పదవీగండం
ఏదైనా అనూహ్యపరిణామాలు చోటుచేసుకుంటే తప్ప ఇమ్రాన్ సర్కార్ కూలిపోవటం దాదాపు ఖాయంగా కనిపిస్తుంది. ఇదే జరిగితే పాక్ చరిత్రలో అవిశ్వాస తీర్మానం ద్వారా పదవి కోల్పోయిన తొలి ప్రధాని ఇమ్రాన్ అవుతారు. ఇమ్రాన్ సర్కార్ ఓటమిపాలైతే వెంటనే జాతీయ అసెంబ్లీ రద్దుచేసి అధ్యక్షుడు ఆరిఫ్ అల్వీకి ఉద్వాసన పలకాలని ప్రతిపక్షాలు భావిస్తున్నాయి. అవిశ్వాస తీర్మానంలో నెగ్గితే పాక్ కొత్త ప్రధానిగా పాకిస్థాన్ ముస్లిం లీగ్ అక్షుడు షెహబాజ్ షరీఫ్ ప్రమాణ స్వీకారం చేసే అవకాశాలు ఉన్నాయి. ప్రతిపక్షాలు షరీఫ్ ను బలపరుస్తున్నాయి.
