Manchu Vishnu: విష్ణు-పాయల్ పాటకు ప్రభుదేవా కొరియోగ్రఫీ!

టాలీవుడ్ యంగ్ హీరో మంచు విష్ణు నటిస్తున్న లేటెస్ట్ మూవీ ప్రస్తుతం శరవేగంగా షూటింగ్ జరుపుకుంటోంది. ఈషాన్ సూర్య డైరెక్షన్‌లో తెరకెక్కుతున్న ఈ సినిమాలో మంచు విష్ణు...

Manchu Vishnu: టాలీవుడ్ యంగ్ హీరో మంచు విష్ణు నటిస్తున్న లేటెస్ట్ మూవీ ప్రస్తుతం శరవేగంగా షూటింగ్ జరుపుకుంటోంది. ఈషాన్ సూర్య డైరెక్షన్‌లో తెరకెక్కుతున్న ఈ సినిమాలో మంచు విష్ణు ‘గాలి నాగేశ్వర రావు’ అనే పాత్రలో నటిస్తున్నాడు. ఇప్పటికే ఈ పాత్రపై ప్రేక్షకుల్లో మంచి బజ్ క్రియేట్ అయ్యింది. ఇక ఈ సినిమాలో మంచు విష్ణు సరసన అందాల భామ పాయల్ రాజ్‌పుత్, శృంగార తార సన్నీ లియోన్‌లు హీరోయిన్లుగా నటిస్తుండటంతో ఈ సినిమాపై అంచనాలు బాగానే క్రియేట్ అయ్యాయి. అయితే తాజాగా ఈ సినిమాకు సంబంధించి ఓ పాట షూటింగ్ జరుగుతున్నట్లు తెలుస్తోంది.

Manchu Vishnu : సన్నీలియోన్ తో మంచు విష్ణు సరదా ఆటలు.. తోడుగా శివబాలాజీ..

మంచు విష్ణు, పాయల్ రాజ్‌పుత్ కాంబినేషన్‌లో తెరకెక్కుతున్న ఈ పాటకు ఇండియన్ మైఖేల్ జాక్సన్, ప్రముఖ కొరియోగ్రాఫర్ ప్రభుదేవా డ్యాన్స్ కంపోజ్ చేస్తున్నాడు. దీనికి సంబంధించి ఆన్‌సెట్ ఫోటో ఒకటి సోషల్ మీడియాలో తెగ హల్‌చల్ చేస్తోంది. ఈ పాట ఈ చిత్రానికే హైలైట్‌గా ఉండబోతున్నట్లు చిత్ర యూనిట్ అంటోంది. ఇక ఈ సినిమాలో మంచు విష్ణు మరోసారి రెచ్చిపోయి తనదైన పర్ఫార్మెన్స్ ఇవ్వనున్నట్లు చిత్ర యూనిట్ అంటోంది. అయితే చాలా కాలం గ్యాప్ తరువాత ప్రభుదేవా ఓ తెలుగు సినిమా కోసం పనిచేస్తుండటం ఇప్పుడు టాక్ ఆఫ్ ది టౌన్‌గా మారింది.

Manchu Vishnu: నాన్నకి ఆహ్వానం రాకుండా అడ్డుకున్నారు.. స్టార్ల భేటీపై విష్ణు!

ఇక ఈ సినిమాలో మంచు విష్ణు పాత్ర చాలా ఎగ్జైటింగ్‌గా ఉంటుందని, గాలి నాగేశ్వరరావు అనే పాత్రలో విష్ణు అద్భుతమైన పర్ఫార్మెన్స్ ఇస్తున్నట్లు చిత్ర యూనిట్ అంటోంది. ఈ సినిమాలో సన్నీలియోన్ రేణుక అనే పాత్రలో, పాయల్ రాజ్‌పుత్ స్వాతి అనే పాత్రలో నటిస్తున్నారు. ఈ సినిమాకి కథ, స్ర్కీన్‌ప్లే‌తో పాటు క్రియేటివ్ ప్రొడ్యూసర్‌గా కోన వెంకట్ వ్యవహరిస్తున్నారు. చోటా కె.నాయుడు సినిమాటోగ్రాఫర్‌గా చేస్తున్న ఈ సినిమాకు అనూప్ రూబెన్స్ సంగీతం సమకూర్చుతున్నారు.