Ala Vaikunthapurramuloo: పుష్ప ఇచ్చిన జోష్.. హిందీలో బన్నీ సినిమా!

ఐకాన్ స్టార్ అల్లు అర్జున్ హీరోగా సుకుమార్ దర్శకత్వంలో వచ్చిన పుష్ప ది రైజ్ భారీ వసూళ్ల దిశగా వెళ్తుంది. పుష్ప.. పుష్పరాజ్ అంటూ అల్లు అర్జున్ బాక్సాఫీస్ వద్ద తన స్టామినా ఏంటో..

Ala Vaikunthapurramuloo: ఐకాన్ స్టార్ అల్లు అర్జున్ హీరోగా సుకుమార్ దర్శకత్వంలో వచ్చిన పుష్ప ది రైజ్ భారీ వసూళ్ల దిశగా వెళ్తుంది. పుష్ప.. పుష్పరాజ్ అంటూ అల్లు అర్జున్ బాక్సాఫీస్ వద్ద తన స్టామినా ఏంటో చూపిస్తున్నాడు. కేవలం తెలుగు రాష్ట్రాల్లో మాత్రమే కాకుండా మిగతా బాషల్లో కూడా అదే తరహా వసూళ్లను రాబడుతూ, సెన్సేషన్ క్రియేట్ చేస్తుంది. డిసెంబర్ 17న ప్రపంచ వ్యాప్తంగా భారీ అంచనాలతో విడుదలైన ఈ చిత్రానికి కలెక్షన్స్ అదిరిపోతున్నాయి. ముఖ్యంగా నార్త్ లో బన్నీకి గతంలో ఎన్నడూ లేని విధంగా భారీ ఆదరణ లభిస్తుంది.

Pushpa: బర్నింగ్ కలెక్షన్లు.. బాలీవుడ్ స్టార్లు బెంబేలెత్తే రికార్డులు!

దీంతో పుష్ప ఇచ్చిన జోష్ క్యాష్ చేసుకొనేందుకు.. అల్లు అర్జున్ ను మరింతగా ఉత్తరాది ప్రేక్షకులకు దగ్గర చేసేందుకు బన్నీ మరో బ్లాక్ బస్టర్ మూవీని హిందీలో దబ్ చేసి థియేటర్లలో విడుదల చేయనున్నారు. అల్లు అర్జున్ నటించిన లాస్ట్ అండ్ రీసెంట్ బ్లాక్ బస్టర్ ‘అల వైకుంఠపురములో’ సినిమాను థియేట్రికల్ గా హిందీలో రిలీజ్ చెయ్యడానికి ఫిక్స్ చేశారు. తెలుగు టైటిల్ అల వైకుంఠపురములో తోనే హిందీలో కూడా రిలీజ్ చేయడం విశేషం కాగా.. జనవరి 26న రిపబ్లిక్ డే స్పెషల్ గా ఈ సినిమా రిలీజ్ చేయనున్నారు.

Pushpa : అసలు మజా పార్ట్ 2లో ఉంది : సుకుమార్

అలా వైకుంఠపురంలో సినిమాలో పాటలకు ఉత్తరాదిన భారీ రెస్పాన్స్ వచ్చింది. బుట్టబొమ్మ సాంగ్ అయితే.. అక్కడ జరిగే ప్రతి ఈవెంట్ లో వినిపించింది. మరోవైపు పూజ హెగ్డేకి అక్కడ భారీ ఫాలోయింగ్ ఉంది. అసలే పుష్ప ఇచ్చిన పుషింగ్.. పాటలు, పూజ ప్లస్ పాయింట్లతో దిగబోతున్న అలా డబ్బింగ్ సినిమాకి అక్కడ ఎలాంటి ఆదరణ వస్తుందో చూడాలి. ఈ సినిమాని మాటల మాంత్రికుడు త్రివిక్రమ్ తెరకెక్కించగా ఈ సినిమాకి థమన్ బ్లాక్ బస్టర్ ఆల్బమ్ ఇచ్చాడు.