AICC : రాజీనామా యోచనలో రాహుల్ ? ప్రియాంక, సీడబ్ల్యూసీ భేటీలో వెల్లడి ?

రాహుల్, ప్రియాంక గాంధీలు పదవులకు రాజీనామా చేస్తారనే టాక్ వినిపిస్తోంది. పార్టీ వరుసగా పరాజయం చెందుతుండడం, ఐదు రాష్ట్రాల ఎన్నికల్లో ఘోర వైఫల్యం చెందడంతో నైతిక బాధ్యత వహిస్తూ...

AICC : రాజీనామా యోచనలో రాహుల్ ? ప్రియాంక, సీడబ్ల్యూసీ భేటీలో వెల్లడి ?

Rahul, Priyanka Gandhi : కొన్ని దశాబ్దాల పాటు దేశంలోని మెజార్టీ ప్రాంతాల్లో కాంగ్రెస్ అధికారంలో కొనసాగింది. దేశ రాజధాని ఢిల్లీ నుంచి మొదలుకుని అన్నీ రాజకీయ పదవులను అనుభవంచింది ఈ పార్టీ. కానీ ప్రస్తుతం ఆ పార్టీ ప్రాభవం కోల్పోతోంది. ప్రతిష్ట మసకబారుతోంది. ఐదు రాష్ట్రాల ఎన్నికల అనంతరం పార్టీ పునర్ ఆలోచనలో పడిపోయింది. ఎక్కడ వైఫల్యం ఉంది ? ఒకప్పుడు ‘చేయి’ని ఆదరించిన ప్రజలు ఇప్పుడు ఎందుకు చీదరించుకొంటున్నారు ? తదితర కారణాలు వెతుక్కొనే పనిలో పడింది.

Read More : Rahul Gandhi : ఐదు రాష్ట్రాల ఎన్నికల ఫలితాలపై స్పందించిన రాహుల్ గాంధీ

అందులో భాగంగా… సీడబ్ల్యూసీ భేటీ కాబోతోంది. ఢిల్లీలోని ఏఐసీసీ కార్యాలయంలో 2022, మార్చి 13వ తేదీ ఆదివారం ఈ భేటీ జరుగబోతోంది. ఈ సమావేశం హాట్ హాట్ గా కొనసాగే అవకాశం ఉంది. కానీ.. అనూహ్యంగా రాహుల్, ప్రియాంక గాంధీలు పదవులకు రాజీనామా చేస్తారనే వార్త చక్కర్లు కొడుతోంది. పార్టీ వరుసగా పరాజయం చెందుతుండడం, ఐదు రాష్ట్రాల ఎన్నికల్లో ఘోర వైఫల్యం చెందడంతో నైతిక బాధ్యత వహిస్తూ రాజీనామా చేయాలని నిర్ణయం తీసుకోనున్నట్లు సమాచారం. సీడబ్ల్యూసీ భేటీలో రాజీనామాల విషయాన్ని వారు వెల్లడించే అవకాశం ఉంది. మరి వారి రాజీనామాలను ఆమోదిస్తారా ? లేదా ? అనేది చూడాలి.

Read More : Bhagwant Mann : పంజాబ్‌లో సరికొత్త పాలన.. 122 మంది మాజీ ఎమ్మెల్యేల భద్రత తొలగింపు

కొన్ని ఏండ్ల చరిత్ర కలిగిన ఓల్డ్ పార్టీ మనుగడనే ప్రశ్నార్థంగా మారిపోయింది. కాంగ్రెస్ చేతిలో మూడు రాష్ట్రాలు మాత్రమే ఉన్నాయి. ఇప్పుడు పంజాబ్ చేజారిపోయింది. చీపురు దెబ్బకు చేయి చతికిలబడింది. కాంగ్రెస్ చరిత్రలోనే 44 లోక్ సభ స్థానాలు ఉన్నాయి. మోదీ కు ఉన్న ఛర్మిష్మా కాంగ్రెస్ పార్టీలో ఎవరికీ లేదని పేర్కొంటుంటారు. ఎలాగనా బీజేపీని ఢీకొట్టాలని ప్రయత్నించిన రాహుల్, ప్రియాంక గాంధీలు ఏ మాత్రం సఫలం కాలేదు. ప్రియాంక గాంధీ యూపీలో సుడిగాలి పర్యటనలు చేసినా ప్రజలు ఆదరించలేదు. కేవలం అక్కడ రెండు సీట్లు మాత్రమే రావడం పార్టీ పరిస్థితి ఏంటో అర్థమౌతుంది. కొంతకాలంగా పార్టీకి నాయకత్వ సమస్య వేధిస్తోందని రాజకీయ విశ్లేషకులు పేర్కొంటున్నారు. 2019లో అధ్యక్ష పగ్గాలు చేపట్టిన రాహుల్.. కొంతకాలానికే ఆ పదవి నుంచి తప్పుకున్నారు. తల్లి సోనియా ఆరోగ్యం సహకరించకపోయినా.. మళ్లీ పార్టీ పగ్గాలు ఆమె చేతుల్లోకి వెళ్లాయి. ఈ క్రమంలో పార్టీలో ఉన్న సీనియర్ నేతలు ధిక్కార స్వరం వినిపిస్తున్నారు. మరి కాంగ్రెస్ ఎలాంటి నిర్ణయం తీసుకుంటుందో చూడాలి.