Realme 10 5G Launch in India : రియల్‌మి 10 సిరీస్ 5G మిడ్-రేంజ్ స్మార్ట్ఫోన్ వచ్చేస్తోంది.. ఇండియాలో ధర ఎంత? ఏయే ఫీచర్లు ఉండొచ్చుంటే?
Realme 10 5G Launch in India : ప్రముఖ చైనా స్మార్ట్ఫోన్ తయారీదారు రియల్‌మి (Realme) నుంచి కొత్త స్మార్ట్ఫోన్ రాబోతోంది. భారత మార్కెట్లోకి Realme 10 5G స్మార్ట్ఫోన్ లాంచ్ చేసేందుకు రెడీగా ఉంది.
- Published By: 10TV Digital Team ,Published On : December 27, 2022 / 09:41 PM IST
Realme 10 Launch in India _ Realme 10 to debut in India, teased again_ What to expect
Realme 10 5G Launch in India : ప్రముఖ చైనా స్మార్ట్ఫోన్ తయారీదారు రియల్‌మి (Realme) నుంచి కొత్త స్మార్ట్ఫోన్ రాబోతోంది. భారత మార్కెట్లోకి Realme 10 5G స్మార్ట్ఫోన్ లాంచ్ చేసేందుకు రెడీగా ఉంది. కంపెనీ తన లేటెస్ట్ నంబర్ సిరీస్‌ను భారత్‌లో లాంచ్ చేయనున్నట్టు ట్విట్టర్‌లో ప్రకటన చేసింది. రియల్‌మి అధికారిక వెబ్‌సైట్‌లో స్మార్ట్ఫోన్ స్పెషల్ పేజీని రివీల్ చేసింది. రియల్‌మి 10 మిడ్-రేంజ్ స్మార్ట్‌ఫోన్‌గా వస్తుందని భావిస్తున్నారు. ఇటీవల, Realme 10 భారత మార్కెట్లోకి వస్తుందని Realme India ట్వీట్ చేసింది. అయితే, ట్వీట్‌లో ఈ హ్యాండ్‌సెట్ లాంచ్ డేట్ వెల్లడించలేదు.
అంతేకాకుండా, చైనా కంపెనీ రాబోయే స్మార్ట్ఫోన్ తన అధికారిక వెబ్‌సైట్‌లో ప్రత్యేక పేజీని ప్రారంభించింది. స్మార్ట్‌ఫోన్‌పై ఆసక్తి ఉన్న కస్టమర్‌లు ఈ డివైజ్‌లో అత్యంత లేటెస్ట్ అప్‌డేట్‌లను పొందవచ్చు. Notify Me బటన్‌పై Click చేయవచ్చు. రియల్‌మి ఫోన్(Realme 10 5G) ఇప్పుడు చైనాలో అధికారికంగా అందుబాటులో ఉంది. గ్లోబల్ వేరియంట్ మీడియాటెక్ డైమెన్సిటీ 700 ఆక్టా-కోర్ ప్రాసెసర్‌తో వస్తుంది. 6.6-అంగుళాల Full HD+ డిస్‌ప్లేతో వచ్చింది. 5,000mAh బ్యాటరీని కలిగి ఉంది. అప్పుడే, హ్యాండ్‌సెట్ రిజిన్ డౌజిన్, స్టోన్ క్రిస్టల్ బ్లాక్ కలర్ వేరియంట్‌లలో రానుంది.
Realme 10 Launch in India _ Realme 10 to debut in India, teased again_ What to expect
రియల్‌మి 10 5G అనేది మిడ్-బడ్జెట్ కేటగిరీ ఫోన్. రెండు మోడళ్లలో అందుబాటులో రానుంది. బేస్ మోడల్ 8GB RAMని 128GB స్టోరేజ్‌తో వస్తుంది. దీని ధర CNY 1,299, అంటే సుమారుగా రూ. 14,700గా ఉండనుంది. మరో మోడల్ 8GB RAM, 256GB స్టోరేజ్ కెపాసిటీని కలిగి ఉంది. CNY 1,599 ధర ట్యాగ్‌ను కలిగి ఉంది. అంటే.. సుమారుగా రూ. 18,000గా ఉండనుంది. Realme 10 5G అనేది డ్యూయల్ సిమ్ ఫోన్‌గా రానుంది. 6.6-అంగుళాల Full HD+ AMOLED స్క్రీన్‌తో వస్తుంది. డిస్ప్లే 180Hz టచ్ శాంప్లింగ్ రేట్, 1500:1 కాంట్రాస్ట్ రేషియోతో 1,080×2,408 పిక్సెల్‌ల Full-HD+ రిజల్యూషన్‌ను కలిగి ఉంది. డిస్ప్లే పైభాగంలో కార్నింగ్ గొరిల్లా గ్లాస్ 5 లేయర్ ప్రొటెక్షన్ ఉండనుంది.
ఈ స్మార్ట్ఫోన్ MediaTek Dimensity 700 5G ప్రాసెసర్‌తో వస్తుంది. Android 12 ఆపరేటింగ్ సిస్టమ్ ఆధారంగా Realme UI 3.0పై రన్ అవుతుంది. రియల్‌మి 10 5G 8GB LPDDR4X ర్యామ్‌ని కలిగి ఉంది. దీనిని వర్చువల్‌గా 14GB వరకు విస్తరించవచ్చు. ఈ ఫోన్ గరిష్టంగా 256GB UFS 2.2 ఇంటర్నల్ స్టోరేజీ సామర్థ్యాన్ని అందిస్తుంది. Realme 10 5G 5,000mAh బ్యాటరీని కలిగి ఉంది. ఈ డివైజ్ 33W ఫ్లాష్ ఛార్జింగ్‌ను అందిస్తుంది. 30 నిమిషాల్లో 0 నుంచి 50శాతం వరకు పవర్ అప్ అవుతుందని నివేదిక వెల్లడించింది.
WATCH : 10TV LIVE : “నాన్ స్టాప్ న్యూస్ అప్ డేట్స్ కోసం 10TV చూడండి”..
