Sai Pallavi : సినిమాలకి గుడ్ బై చెప్పిన తర్వాత ఆ పని చేస్తాను..

సాయి పల్లవిని సినిమాలకి గుడ్ బై చెప్పిన తర్వాత ఏం చేస్తారు అని అడగగా.. ''MBBSలో డిగ్రీ చేశాను. కానీ సినిమాల వల్ల ప్రస్తుతం మెడిసిన్‌ కొనసాగించడం లేదు. నాకు మొదట్లో.................

Sai Pallavi :  రానా, సాయి పల్లవి కలిసి నటించిన విరాటపర్వం సినిమా ఇవాళ జూన్ 17న రిలీజ్ అవుతుంది. గత కొన్ని వారాలుగా చిత్ర యూనిట్ వరుస ప్రమోషన్స్ చేశారు. దీంతో సినిమాపై మరిన్ని అంచనాలు పెరిగాయి. ఇక సాయి పల్లవి క్రేజ్ తో సినిమాకి మరింత హైప్ తెచ్చారు. ఇది గతంలో జరిగిన ఓ రియల్ కథ అని, సాయి పల్లవి అద్భుతమైన నటన చూపించిందని, సాయి పల్లవి చుట్టే కథ నడుస్తుందని పలు ప్రమోషన్స్ లో చెప్పారు.

సాయి పల్లవి కూడా విరాటపర్వం సినిమా ప్రమోషన్స్ లో వరుసగా ఇంటర్వ్యూలు ఇస్తూ పలు ఆసక్తికర విషయాలని తెలియచేసింది. ఇక సాయి పల్లవి డాక్టర్ అని అందరికి తెలిసిందే. ఇప్పటికే MBBS పూర్తి చేసింది సాయి పల్లవి. డాక్టర్ గా కెరీర్ కూడా మొదలుపెట్టేయొచ్చు. కానీ సినిమాలతో బిజీబిజీగా గడుపుతుంది. అయితే ఓ ఇంటర్వ్యూలో మాట్లాడుతూ తను సినిమాలకు స్వస్తి పలకాల్సి వస్తే డాక్టర్ గా ఆ పని చేస్తా అంటుంది.

Chandini Chowdary : ఇండస్ట్రీలో కనబడకుండా చేస్తా అని బెదిరించాడు..

సాయి పల్లవిని సినిమాలకి గుడ్ బై చెప్పిన తర్వాత ఏం చేస్తారు అని అడగగా.. ”MBBSలో డిగ్రీ చేశాను. కానీ సినిమాల వల్ల ప్రస్తుతం మెడిసిన్‌ కొనసాగించడం లేదు. నాకు మొదట్లో కార్డియాలజీపై ఆసక్తి ఉండేది. ఇప్పుడు గైనకాలజీపై ఉంది. ఎందుకంటే చాలా మంది యువతులు ఇప్పటికీ తమ సమస్యల గురించి గైనకాలజిస్ట్‌తో ఓపెన్‌గా చెప్పలేకపోవడం నేను చూస్తున్నాను. ఒక లేడీ డాక్టర్‌ మాత్రమే అలాంటి స్త్రీలను మరింత సౌకర్యవంతంగా వారి సమస్య చెప్పుకునేలా చేస్తారు అని నేను భావిస్తున్నాను. అందుకు నేను ఏదో ఒకటి చేయాలి అని అనుకుంటున్నాను. సినిమాల తర్వాత గైనకాలజిస్ట్ గా మారి మహిళలకు సపోర్ట్ గా నిలుస్తాను” అని తెలిపింది. ఇప్పటికే అందరూ సాయి పల్లవిని పొగిడేసి ఆమె అంటే ఎంతో అభిమానం చూపిస్తున్నారు. ఇక ఈ మాటలు చెప్పాక సాయి పల్లవి మరింత నచ్చేస్తుంది అందరికి.