Pushpa2: పుష్ప సీక్వెల్ విషయంలో తగ్గేదే లే అంటోన్న సుకుమార్!
స్టైలిష్ స్టార్ అల్లు అర్జున్ నటించిన రీసెంట్ మూవీ ‘పుష్ప:ది రైజ్’ బాక్సాఫీస్ వద్ద ఎలాంటి సెన్సేషన్ క్రియేట్ చేసిందో ప్రత్యేకించి చెప్పక్కర్లేదు. ఒక కమర్షియల్ సినిమా ఇలాంటి సక్సెస్‌ను...
- Published By: 10TV Digital Team ,Published On : May 19, 2022 / 03:14 PM IST
Sukumar Wants To Release Pushpa2 In December At Any Cost
Pushpa2: స్టైలిష్ స్టార్ అల్లు అర్జున్ నటించిన రీసెంట్ మూవీ ‘పుష్ప:ది రైజ్’ బాక్సాఫీస్ వద్ద ఎలాంటి సెన్సేషన్ క్రియేట్ చేసిందో ప్రత్యేకించి చెప్పక్కర్లేదు. ఒక కమర్షియల్ సినిమా ఇలాంటి సక్సెస్‌ను అందుకుంటుందా అనే రేంజ్‌లో ఈ సినిమా బాక్సాఫీస్ వద్ద తన సత్తా చాటింది. ఈ సినిమా ఇంతటి ఘనవిజయం సాధిస్తుందని చిత్ర యూనిట్ కూడా అనుకోలేదట. వారు అనుకున్న దానికంటే కూడా ఎక్కువగా ఈ సినమా బాక్సాఫీస్‌ను చెడుగుడు ఆడేసుకుంది. ముఖ్యంగా ఈ సినిమాకు బాలీవుడ్ జనాలు నీరాజనం పలికారు.
Pushpa2: పుష్ప-2పై ‘భారీ’గా వెళ్తున్న సుకుమార్..?
అక్కడ ఈ సినిమా మాసివ్ హిట్‌గా నిలవడంతో, ఇప్పుడు అందరి చూపులు ఈ సినిమా సీక్వెల్‌పైనే ఉన్నాయి. ఇక అందరి ఎదురుచూపులకు ఎక్కువ సమయాన్ని తీసుకోబోమని.. ఈ యేడాది డిసెంబర్ నాటికి పుష్ప 2 చిత్రాన్ని ఎట్టిపరిస్థితుల్లో రిలీజ్ చేసి తీరుతామని సుకుమార్ గతంలో వెల్లడించాడు. అయితే వారు పక్కా ప్రణాళికతో ఈ చిత్ర షూటింగ్‌ను ఫిబ్రవరిలో మొదలుపెట్టి, డిసెంబర్ నాటికి సినిమాను రిలీజ్ చేయాలని చూశారు. కానీ మే నెల సగం దాటినా కూడా ఇప్పటివరకు పుష్ప2 చిత్రం పట్టాలెక్కలేదు. దీంతో ఈ సినిమా రిలీజ్ ఈయేడు ఉంటుందో లేదో అనే డౌట్ ప్రేక్షకుల్లో క్రియేట్ అయ్యింది.
Pushpa2: పుష్ప-2లో మరో బాలీవుడ్ యాక్టర్.. ఎవరంటే?
అయితే ఇక్కడే సుకుమార్ తనదైన మార్క్ చూపించేందుకు రెడీ అవుతున్నాడు. స్క్రిప్టు పనుల్లో ఆలస్యం అయిన విషయం వాస్తవమే అయినా.. ఒక్కసారి షూటింగ్ మొదలుపెట్టాక ఎలాంటి గ్యాప్ లేకుండా వరుస షెడ్యూల్స్‌తో పుష్ప 2 చిత్రాన్ని పరుగులు పెట్టించేందుకు సుకుమార్ మాస్టర్ ప్లాన్ వేస్తున్నాడట. ఈ మేరకు బన్నీని కూడా ఈ సినిమా షూటింగ్‌ను అనుకున్న సమయానికంటే ముందుగానే ఫినిష్ చేయాలని కన్విన్స్ చేశాడట. ఇక వీరిద్దరు కలిసి పుష్ప 2 చిత్రాన్ని ఒక్కసారి పట్టాలెక్కించగానే ఈ సినిమా షూటింగ్ పరుగులు పెట్టనుందని చిత్ర వర్గాల్లో టాక్ జోరుగా వినిపిస్తోంది. ఈ సినిమా రిలీజ్ విషయంలో ఏమాత్రం తగ్గేదే లే.. అంటూ సుకుమార్ తన సినిమాలోని డైలాగ్‌ను పదే పదే వాడేస్తున్నాడు. మరి నిజంగానే సుకుమార్ ఈ సినిమాను డిసెంబర్ నాటికి రిలీజ్‌కు రెడీ చేస్తాడా లేడా అనేది చూడాలి.
