Acharya Pre Release Event: అన్న కోసం తమ్ముడు.. అభిమానులకు కన్నుల పండుగ!
మెగాస్టార్ చిరంజీవి, మెగా పవర్ స్టార్ రామ్ చరణ్ హీరోలుగా స్టార్ డైరెక్టర్ కొరటాల శివ రూపొందిన సినిమా ‘ఆచార్య’. ఇప్పటికే పలుమార్లు వాయిదా పడుతూ వస్తున్న ఈ సినిమాని..
Acharya Pre Release Event: మెగాస్టార్ చిరంజీవి, మెగా పవర్ స్టార్ రామ్ చరణ్ హీరోలుగా స్టార్ డైరెక్టర్ కొరటాల శివ రూపొందిన సినిమా ‘ఆచార్య’. ఇప్పటికే పలుమార్లు వాయిదా పడుతూ వస్తున్న ఈ సినిమాని ఎట్టకేలకు ఏప్రిల్ 29న ప్రపంచవ్యాప్తంగా విడుదల కానుంది. కొణిదెల ప్రొడక్షన్ కంపెనీ, మ్యాట్నీ ఎంటైర్టైన్మెంట్ నిర్మించిన ఈ సినిమాపై తెలుగు సినీ వర్గాలలో భారీ అంచనాలున్నాయి. ఫెయిల్యూర్ తెలియని దర్శకుడు కొరటాల శివ దర్శకత్వంలో మెగా హీరోలు కలిసి నటించిన ఈ సినిమాపై అటు మెగా అభిమానులు భారీ ఆశలే పెట్టుకున్నారు.
Acharya: 6 మిలియన్ వ్యూస్తో యూట్యూబ్ను షేక్ చేస్తోన్న ఆచార్య
భారీ అంచనాలున్న ఈ మోస్ట్ ప్రెస్టేజియస్ సినిమా రిలీజ్ డేట్ దగ్గర పడుతుండడంతో ప్రమోషన్స్ విషయంలో కూడా జోరు పెంచింది చిత్ర బృందం. ఇప్పటికే ట్రైలర్, టీజర్లు, సాంగ్స్ తో మెగా అభిమానులలో అటెన్షన్ క్రియేట్ చేయగా.. ఇక ఇప్పుడు ప్రీ రిలీజ్ ఈవెంట్ తో హైప్ పెంచేందుకు సిద్ధమైంది సినిమా యూనిట్. హైదరాబాద్ లోని యూసఫ్గూడ పోలీస్ గ్రౌండ్స్లో ఏప్రిల్ 23న ఈ మూవీ ప్రీ రిలీజ్ ఈవెంట్ జరగబోతున్నట్లు తెలుస్తుంది.
Acharya: చిరుతో చరణ్ మ్యాసివ్ సీన్స్.. మెగా ఫ్యాన్స్ వెయిటింగ్!
ఈ ఈవెంట్ లో మరో ట్రైలర్ కూడా విడుదల చేసే అవకాశం ఉండగా.. ఈ ఈవెంట్ కి గెస్టులుగా ఎవరు హాజరుకానున్నారన్నది హాట్ టాపిక్ గా మారింది. ఈ వేడుకకు పవర్ స్టార్ పవన్ కళ్యాణ్, తెలంగాణ ఐటీ శాఖ మంత్రి కేటీఆర్ చీఫ్ గెస్ట్ లుగా రానున్నారన్న టాక్ వినిపిస్తుంది. ఇందులో నిజమెంతన్నది తెలియదు కానీ.. అదే జరిగితే మెగా అభిమానులకు సినిమా విడుదలకు ముందే పండగ వచ్చినట్లే అవుతుంది. చాలాకాలం తర్వాత మెగా బ్రదర్స్ కలిస్తే అభిమానుల ఆనందానికి ఇక హద్దే ఉండదు.