Turkey,Syria Earthquake : భూకంప శిథిల్లాల్లో పుట్టిన పసిబిడ్డకు ‘అయా’అని పేరు పెట్టిన డాక్టర్..‘అయా’అంటే అర్థం ఎంత ‘అద్భుతం’గా ఉందో..!!

భూకంప శిథిల్లాల్లో పుట్టిన పసిబిడ్డకు ‘అయా’అని పేరు పెట్టారు ఆ పాపకు వైద్యం చేసిన డాక్టర్.. ‘అయా’అంటే అర్థం ఏంటో తెలిస్తే నిజంగా ఈ బిడ్డలాగే ‘అద్భుతం’గా ఉందే.. అని అని తీరాల్సిందే..!!

Turkey,Syria Earthquake : టర్కీ,సిరియాలను తునాతునకలు చేసేసిన భూకంపం ప్రజలకు కన్నీరు మిగిల్చింది. ఎక్కడ చూసినా శిథిలాలు కనిపిస్తున్నారు. కన్నీటి దృశ్యాలు కనిపిస్తూ మనసుల్ని కకావికం చేసేస్తున్నాయి. శిథిలాల్లో ప్రాణాలతో బయపటడుతున్న పసిబిడ్డల్ని చూస్తుంటే అంతటి ఘోర విపత్తును కూడా తట్టుకుని జీవించారని సంబరపడాలా? లేదా నా అనేవారిని కోల్పోయినందుకు బాదపడాలో కూడా అర్థంకాని అత్యంత భయానక దుస్థితులు అటు టర్కీలోను ఇటు సిరియాలోను కనిపిస్తున్నాయి. ఎక్కడ విన్నా అయిన వాళ్లను కోల్పోయిన వారి ఆక్రందనలే వినిపిస్తుననాయి. ఈ శిథిలాల్లో తమవారు ఇంకా ప్రాణాలతో ఉన్నారేమోననే వెతుక్కుంటున్నవారిని చూస్తుంటే..గుండెలు కదిలిపోయేంత వేదన కలుగుతోంది. ఎంతో మంది చిన్నారులు అనాథలుగా మిగిలిపోయారు. కొందైరే పుట్టుకతోనే కన్నతల్లిని కుటుంబాన్ని కోల్పోతున్నారు. ఓమహిళ భూకంప శిథిలాల్లోనే బిడ్డను ప్రసవించి కన్నుమూసింది.

సిరియాలోని జెండెరిస్ పట్టణంలో భూకంపం వచ్చిన కాసేపటికి ఓ మహిళకు పురిటి నొప్పులు వచ్చాయి. బహుశా భూకంప ప్రభావాన్ని మానసికంగా భరించలేక పురిటినొప్పులు వచ్చి ఉండవచ్చు. అలా అమె ఆ శిథిలాల్లోనే బిడ్డకు జన్మనిచ్చి చనిపోయింది. పుట్టిన బిడ్డను కళ్లారా చూసుకోకుండానే చనిపోయింది. పుట్టిన పసిగుడ్డు తన చిట్టి పెదవులతో అమ్మ రొమ్ముల్ని తాకకుండానే తల్లిని కోల్పోయింది. ఆ పాప తండ్రి, నలుగురు తోబుట్టువులు కూడా శిథిలాల కింద చితికిపోయి ప్రాణాలు వదిలారు.

Syria earthquake : సిరియా భూకంప శిథిల్లాల్లోనే ప్రసవం .. బిడ్డకు జన్మనిచ్చి మరణించిన మహిళ

సహాయక చర్యల్లో భాగంగా రెస్క్యూ సిబ్బంది శిథిలాలను తొలగిస్తున్న సమయంలో చిన్నారి ఏడుపు వినిపించింది. అంతే ఒక్కసారిగా ఆ పసిగుడ్డు ఏడుపు ఎక్కడినుంచి వస్తుందో అక్కడికి పరుగెత్తుకెళ్లి నెమ్మదిగా మట్టిని, రాళ్లను తొలగించి ఆ పసికందును సురక్షితంగా బయటకు తీశారు. ఓ పసి ప్రాణాల్ని రక్షించామనే ఆనందం అంతటి విషాద ఘటనల్లో కూడా ఆ రెస్క్యూ సిబ్బంది పెదాలమీద దరహాసం ఒక్కసారి వచ్చి మాయమైంది. వెంటనే ఆ పసిగుడ్డును సమీపంలోని ఆసుపత్రికి తరలించారు.

ప్రస్తుతం పసిపామ క్షేమంగా ఉందని డాక్టర్లు తెలిపారు. శిశువు ఒంటి మీద ఉన్న చిన్నపాటి గాయాలకు చికిత్స్ చేశాడు డాక్టర్లు. తీవ్రమైన చలి వల్ల పాపకు హైపోథెర్మియా వచ్చిందని తెలిపారు. దీంతో చిన్నారిని వెచ్చదనం కలుగజేసి..కాల్షియం అందించామని తెలిపాడు పాపకు చికిత్స చేసే హానీ మారూఫ్‌ అనే డాక్టర్. శిథిలాలను జయించి జీవించిన ఈ పాపకు చికిత్స చేయటమే కాదు డాక్టర్ హానీ మారూఫ్ ఆ పసిబిడ్డను తన భార్యకు అప్పగించగా ఆమె తన కన్నబిడ్డతో పాటు సమానంగా చూసుకుంటోంది. ఆ పాప భారీ విపత్తును జయించినందుకు మంచి పేరు పెట్టాలనుకున్నారు డాక్టర్ హానీ మారూఫ్ దంపతులు. అలా ఆపాపకు అయా (Aya) అని నామకరణం చేశారు.

Turkey Earthquake : టర్కీ శిథిలాల్లో గుండెల్ని బరువెక్కించే దృశ్యం..పసిప్రాణాన్ని కాపాడామనే ఆనందంతో చిన్నారిని ముద్దాడిన రెస్క్యూ టీమ్

‘అయా’ అంటే అరబిక్‌లో ‘అద్భుతం‌’ (‘miracle’)అని అర్థం. ఇంతటి ఘోరవిపత్తులో ప్రాణాలతో బయటపడినందుకు శిశువుకు ఆ పేరు పెట్టామని తెలిపారు. అయా పరిస్థితి తెలుసుకున్న చాలా మంది చిన్నారిని దత్తత తీసుకోవటానికి ముందుకొస్తున్నారని డాక్టర్ మారూఫ్‌ తెలిపారు. ఆ పాపను మేం దత్తత తీసుకుంటామంటూ చాలామంది ఫోన్లు చేస్తున్నారు. కానీ ఎవ్వరికీ ఇవ్వమని తెలిపారు. బహుశా ఆ పాప బంధువులు జీవించి ఉంటే..వారి వచ్చి పాపను అడిగితే ఏం చెబుతాం..వారు గనుక జీవించి వారు వస్తే ఓకే..లేదా ఆ పాపను మేమే పెంచుకుంటాం..మా బిడ్డతో సమానంగా పెంచుతాం అని తెలిపారు డాక్టర్ హానీ మారూఫ్. చిన్నారిని శిథిలాల కింద నుంచి తీసుకెళ్తున్న ఫోటోలు, వీడియోలు సోషల్‌ మీడియాలో వైరల్‌ అవుతున్నాయి. భూకంపాన్నితల్లి గర్భంలోనే ఎదుర్కొని జీవించిన అయా నిజంగా ‘మిరాకిల్‌’ కదా..