Ap Rains: ఏపీ ప్రజలకు అలర్ట్.. బంగాళాఖాతంలో అల్పపీడనం.. మూడు రోజులు వానలే వానలు

Amaravati Meteorological Centre stated that possibility of rain in Andhra Pradesh over next three days

• బంగాళాఖాతంలో అల్పపీడనం
• ఏపీకి భారీ వర్షాల హెచ్చరిక
• తీవ్రమైన ఈదురు గాలుల ముప్పు

Ap Rains: బంగాళాఖాతంలో ఏర్పడిన బలమైన అల్పపీడనం ప్రభావంతో ఆంధ్రప్రదేశ్‌లో రాగల మూడు రోజుల పాటు వర్షాలు కురిసే అవకాశం ఉందని అమరావతి వాతావరణ కేంద్రం తెలిపింది. వాయువ్య బంగాళాఖాతంలో కేంద్రీకృతమైన ఈ అల్పపీడనానికి తోడు, ఉపరితల ఆవర్తనం సముద్ర మట్టానికి 7.6 కి.మీ ఎత్తు వరకు విస్తరించింది. ఇది రాబోయే రెండు రోజుల్లో ఒడిశా, పశ్చిమ బెంగాల్ మీదుగా వాయువ్య దిశగా కదిలే అవకాశం ఉంది. దీని ప్రభావంతో రాష్ట్రవ్యాప్తంగా వాతావరణంలో గణనీయమైన మార్పులు రానున్నాయి.

Mantralayam Hundi: భక్తులతో పోటెత్తిన ‘మంత్రాలయం రాఘవేంద్ర మఠం’.. 22 రోజుల్లో భారీ హుండీ ఆదాయం

కోస్తాంధ్రాలో భారీ వర్షాలు, ఈదురు గాలులు:

ఉత్తర కోస్తాలో గురువారం ఒకటి లేదా రెండు చోట్ల భారీ వర్షాలు, మరికొన్ని చోట్ల ఉరుములు, మెరుపులతో కూడిన తేలికపాటి వర్షాలు కురిసే వీలుంది. శుక్ర, శనివారాల్లోనూ ఇక్కడ వర్షాలు కొనసాగుతాయి. మరోవైపు, దక్షిణ కోస్తాలో రాగల మూడు రోజులు తేలికపాటి నుండి మోస్తరు వర్షాలు(Ap Rains) కురిసే అవకాశం ఉంది. ఈ రెండు ప్రాంతాల్లో గంటకు 40 నుండి 50 కిలోమీటర్ల వేగంతో బలమైన గాలులు వీస్తాయని, కొన్నిచోట్ల వడగాలులు, ఉక్కపోతతో కూడిన అసౌకర్య వాతావరణం ఉంటుందని అధికారులు హెచ్చరించారు.

రాయలసీమలో వాతావరణం.. జల్లులు, ఉక్కపోత:

రాయలసీమ వ్యాప్తంగా గురువారం నుండి శనివారం వరకు అక్కడక్కడా తేలికపాటి నుండి మోస్తరు జల్లులు కురిసే అవకాశం ఉంది. గురువారం ఒకటి రెండు చోట్ల వడగాలులు వీచే ప్రమాదం ఉండగా, శుక్ర, శనివారాల్లో ఉష్ణోగ్రతలు పెరిగి వేడి, తేమతో కూడిన అసౌకర్య వాతావరణం ఏర్పడవచ్చు. ఈ ప్రాంతంలో గంటకు 30 నుండి 50 కిలోమీటర్ల వేగంతో బలమైన ఈదురు గాలులు వీస్తాయని వాతావరణ శాఖ అంచనా వేసింది. ప్రజలు వాతావరణ మార్పులను గమనించి తగిన జాగ్రత్తలు తీసుకోవాలని సూచించింది.