Ap Inter Supply Results: నేడే ‘ఏపీ ఇంటర్ అడ్వాన్స్డ్ సప్లిమెంటరీ’ ఫలితాలు.. మీ రిజల్ట్స్ ఇక్కడ చెక్ చేసుకోండి
ఏపీ ఇంటర్మీడియట్ అడ్వాన్స్డ్ సప్లిమెంటరీ పరీక్షల ఫలితాలు(Ap Inter Supply Results) గురువారం విడుదల కానున్నాయి.
- Published By: V Santhosh Kumar , Published On : June 18, 2026 / 06:56 AM IST
Ap inter advanced supplementary results 2026 update
- నేడే ఇంటర్ సప్లిమెంటరీ ఫలితాలు.
- వాట్సప్ ద్వారా మార్కులు తెలుసుకోవచ్చు.
- సెకండియర్కు ఇంప్రూవ్మెంట్ సదుపాయం.
Ap Inter Supply Results: ఏపీ ఇంటర్మీడియట్ ప్రథమ, ద్వితీయ సంవత్సరాల అడ్వాన్స్డ్ సప్లిమెంటరీ పరీక్షల ఫలితాలు(Ap Inter Supply Results) గురువారం మధ్యాహ్నం 12 గంటలకు విడుదల కానున్నాయి. ఈ మేరకు ఇంటర్మీడియట్ విద్యామండలి కార్యదర్శి రంజిత్ బాషా ఒక ప్రకటనలో వివరాలను వెల్లడించారు. విద్యార్థులు తమ ఫలితాలను అధికారిక వెబ్సైట్ https://resultsbie.ap.gov.in లో చూసుకోవచ్చు. అంతేకాకుండా, సాంకేతికతను జోడిస్తూ ఈసారి మనమిత్ర వాట్సప్ నంబరు 9552300009 ద్వారా కూడా ఫలితాలను పొందే సులువైన సదుపాయాన్ని విద్యామండలి కల్పించింది.
ఈ ఏడాది ఇంటర్మీడియట్ పరీక్షల్లో విద్యార్థులకు మేలు చేకూర్చేలా ఒక కీలక నిర్ణయం తీసుకున్నారు అధికారులు. సాధారణంగా మొదటి సంవత్సరం విద్యార్థులకు మాత్రమే ఉండే ఇంప్రూవ్మెంట్ (మార్కుల పెంపు) అవకాశాన్ని, ఈసారి ప్రత్యేకంగా రెండో ఏడాది విద్యార్థులకు కూడా వర్తింపజేశారు. దీనివల్ల ద్వితీయ సంవత్సరం విద్యార్థులు తమ మార్కులను మెరుగుపరుచుకుని, ఉన్నత చదువుల్లో మంచి అవకాశాలు సాధించడానికి వీలు కలుగుతుంది. సప్లిమెంటరీ రాసిన విద్యార్థులంతా ఈ సమాచారాన్ని గమనించి ఫలితాలను సరిచూసుకోవాల్సిందిగా కోరారు.
