AP EAPCET 2026: ఏపీ ఈఏపీసెట్ 2026 ఫలితాలు విడుదల.. ఫలితాలు ఇలా చెక్ చేసుకోండి
ఆంధ్రప్రదేశ్ ఈఏపీసెట్ 2026(AP EAPCET 2026) ఫలితాలు విడుదల అయ్యాయి.
- Published By: V Santhosh Kumar , Published On : July 1, 2026 / 03:32 PM IST
EAPCET 2026 AP EAMCET Results OUT Direct link cets apsche ap gov in
AP EAPCET 2026: ఆంధ్రప్రదేశ్ ఈఏపీసెట్ ఫలితాలు విడుదలైన సందర్భంగా ఉత్తీర్ణత సాధించిన విద్యార్థులందరికీ విద్యాశాఖ మంత్రి నారా లోకేష్ హృదయపూర్వక అభినందనలు తెలిపారు. ఈ ఏడాది ఇంజనీరింగ్ విభాగంలో 1,82,317 మంది (70.52%) అర్హత సాధించగా, అగ్రికల్చర్, ఫార్మసీ విభాగాల్లో రికార్డు స్థాయిలో 63,546 మంది (89.59%) ఉత్తీర్ణత సాధించారు. ఈ విజయాలు రాష్ట్ర ప్రగతికి సరికొత్త ఊతాన్నిస్తాయని ఆయన ఆకాంక్షించారు.
ఈ ఫలితాల్లో విద్యార్థినులు అద్భుత ప్రతిభ కనబరిచారు. ముఖ్యంగా ఇంజనీరింగ్ విభాగంలో ఆడబిడ్డలు 71.65 శాతం ఉత్తీర్ణతతో అబ్బాయిల కంటే ముందంజలో నిలవడం విశేషం. సాంకేతిక రంగంలో మహిళల భాగస్వామ్యం పెరుగుతుందనడానికి ఈ ఫలితాలే నిదర్శనమని మంత్రి హర్షం వ్యక్తం చేశారు. మన విద్యార్థుల నైపుణ్యాలు ఏపీ భవిష్యత్తును మరింత ఉజ్వలంగా మారుస్తాయన్నారు.
పరీక్ష(AP EAPCET 2026) రాసిన అభ్యర్థులు తమ ర్యాంక్ కార్డులను అధికారిక వెబ్సైట్ cets.apsche.ap.gov.in/EAPCET నుండి డౌన్లోడ్ చేసుకోవచ్చు. అలాగే, ఫలితాలు మరియు కౌన్సెలింగ్ వివరాల కోసం 9552300009 అనే ప్రత్యేక వాట్సాప్ నంబర్ను సంప్రదించవచ్చని అధికారులు తెలిపారు. విద్యార్థులు ఈ సమాచారాన్ని ఉపయోగించుకుని తదుపరి విద్యా ప్రణాళికలు సిద్ధం చేసుకోవాలని సూచించారు.
