Anil Chandra Punetha: బ్యాలెట్ పేపర్లతోనే ఏపీ స్థానిక పోరు.. న్యూ నోటిఫికేషన్‌కు సర్వం సిద్ధం.. ఎస్ఈసీ పునేఠా కీలక ఆదేశాలు

SEC Anil Chandra Punetha announced AP local body elections conducted in ballot paper system.

Anil Chandra Punetha: ఆంధ్రప్రదేశ్ రాజకీయంలో త్వరలోనే స్థానిక పోరు హంగామా మొదలుకానుంది. రాష్ట్రంలో స్థానిక సంస్థల ఎన్నికల నిర్వహణపై రాష్ట్ర ఎన్నికల కమిషనర్ అనిల్ చంద్ర పునేఠా (Anil Chandra Punetha)అత్యంత కీలక ప్రకటన చేశారు. విజయవాడలో పంచాయతీరాజ్, మున్సిపల్, రెవెన్యూ శాఖల ఉన్నతాధికారులతో నిర్వహించిన ఉన్నత స్థాయి సమీక్షా సమావేశంలో ఆయన ఎన్నికల కార్యాచరణను స్పష్టం చేశారు. ఈ దఫా స్థానిక సమరాన్ని ఈవీఎంలకు బదులుగా పూర్తిగా బ్యాలెట్ పేపర్ల ద్వారానే నిర్వహించనున్నట్లు ఎస్ఈసీ అధికారికంగా వెల్లడించి క్షేత్రస్థాయి యంత్రాంగాన్ని అప్రమత్తం చేశారు.

Asim Munir: పాకిస్థాన్ భౌగోళిక రాజకీయాల్లో పెను సంచలనం.. 4 రాష్ట్రాలను 15 ముక్కలుగా.. ఆర్మీ చీఫ్ అసిమ్ మునీర్ బిగ్ స్కెచ్!

2026 ఓటర్ల జాబితాలే ప్రాతిపదిక.. విడతల వారీగా ఎన్నికల నిర్వహణ:

ఈ ఎన్నికలకు సంబంధించి 2026 ఫిబ్రవరి నాటికి సిద్ధమైన తుది ఓటర్ల జాబితానే ప్రాతిపదికగా తీసుకోనున్నట్లు పునేఠా స్పష్టం చేశారు. అర్హులైన కొత్త ఓటర్లందరికీ అవకాశం కల్పిస్తూ, ఎటువంటి తప్పిదాలు లేదా డూప్లికేట్ ఎంట్రీలు లేకుండా పకడ్బందీగా లిస్టులు రూపొందించాలని జిల్లా కలెక్టర్లకు ఆదేశాలు ఇచ్చారు. శాంతిభద్రతలు, భద్రతా బలగాల మోహరింపును దృష్టిలో ఉంచుకుని పంచాయతీ, మండల, జిల్లా పరిషత్, మున్సిపల్ ఎన్నికలను ఏకకాలంలో కాకుండా విడతల వారీగా నిర్వహించేందుకు పక్కా ప్రణాళిక సిద్ధం చేస్తున్నారు.

సుప్రీంకోర్టు తీర్పు రాగానే షెడ్యూల్.. ఎన్నికల కోడ్‌పై స్పష్టమైన ఆదేశాలు:

ప్రస్తుతం స్థానిక ఎన్నికల రిజర్వేషన్లపై సుప్రీంకోర్టులో నడుస్తున్న న్యాయపరమైన ప్రక్రియను కమిషన్ నిశితంగా పరిశీలిస్తోందని తెలిపారు. సర్వోన్నత న్యాయస్థానం నుంచి స్పష్టమైన ఆదేశాలు వెలువడిన వెంటనే ఎన్నికల నోటిఫికేషన్, షెడ్యూల్‌ను ప్రకటిస్తామని ఎస్ఈసీ స్పష్టం చేశారు. ఎన్నికల కోడ్ అమలులోకి వచ్చినప్పటి నుంచి ప్రతి ప్రక్రియ చట్టబద్ధంగా, నిష్పాక్షికంగా సాగేలా గట్టి నిఘా ఉంచాలని, బ్యాలెట్ బాక్సుల భద్రత నుండి సిబ్బంది శిక్షణ వరకు అన్ని శాఖలు సమన్వయంతో సిద్ధంగా ఉండాలని ఆయన దిశానిర్దేశం చేశారు.