TTD Re Entry : శ్రీవారి భక్తులకు భారీ ఊరట.. ఇక క్యూలైన్లలో ఉండే పని లేదు.. బయటకు వెళ్లి రావొచ్చు.. 2 గంటల్లోనే దర్శనం

TTD Re Entry for Sarva Darshan free token devotees to go out queue lines

• శ్రీవారి భక్తులకు టీటీడీ శుభవార్త
• సర్వదర్శనం భక్తుల కోసం రీ ఎంట్రీ సదుపాయం
• ఇకపై క్యూలైన్లలో వేచి ఉండే పని లేదు

TTD Re Entry : వేసవి కాలం కావడంతో తిరుమల శ్రీవారిని దర్శించుకునేందుకు రెండు తెలుగు రాష్ట్రాల నుంచే కాక.. పొరుగు రాష్ట్రాల నుంచి కూడా పెద్ద సంఖ్యలో భక్తులు తరలి వస్తున్నారు. క్యూలైన్లు అన్ని భక్తులతో కిటకిటలాడుతున్నాయి. ప్రతి రోజు సుమారు 80 వేల మంది భక్తులు తిరుమల శ్రీవారిని దర్శించుకుంటున్నారు. సర్వదర్శనానికి ఏకంగా 24 గంటల సమయం పడుతుంది. దీంతో భక్తులు తీవ్రంగా ఇబ్బంది పడుతున్నారు. మరీ ముఖ్యంగా పసి పిల్లలు, వృద్ధులు గంటల తరబడి క్యూలైన్లు, కంపార్ట్‌మెంట్లలో వేచి ఉండలేక అవస్థలు పడుతున్నారు. ఈ క్రమంలో భక్తుల కష్టాలు తీర్చడానికి తిరుమల తిరుపతి దేవస్థానం కీలక निर्णयం తీసుకుంది. క్యూలైన్లలో నిరీక్షించే పని లేకుండా బయటకు వెళ్లి తిరిగి వచ్చేలా రీ ఎంట్రీ సదుపాయాన్ని తీసుకువచ్చింది.

అయితే టీటీడీ తీసుకువచ్చిన ఈ రీఎంట్రీ సదుపాయం అందరూ భక్తులకు వర్తించదు. కేవలం సర్వదర్శనం టోకెన్ కలిగిన భక్తులకు మాత్రమే ఈ సదుపాయం వర్తిస్తుంది. సర్వదర్శనం టోకెన్ కలిగిన భక్తులు.. తాత్కాలికంగా క్యూలైన్ నుంచి బయటకు వెళ్లి తిరిగి దర్శన సమయానికి క్యూలైన్లలోకి ప్రవేశించేదుకు వీలు కల్పించే సదుపాయమే ఈ రీ-ఎంట్రీ.

ఈ రీఎంట్రీ సదుపాయం పొందాలంటే..

భక్తులు ముందుగా సర్వదర్శనం క్యూలైన్లలోకి వెళ్లాలి. ఆ తర్వాత వైకుంఠం-2లో ఆధార్ కార్డు సమర్పించి టోకెన్ పొందాలి. ఇక క్యూలైన్ల నుంచి బయటకు వెళ్లాలనుకునే భక్తులకు 17వ కంపార్ట్‌మెంట్ వద్ద రీఎంట్రీ పాస్ ఇస్తారు. అక్కడే ఉన్న బయటకు వెళ్లే మార్గం ద్వారా బయటకు వెళ్లిపోవచ్చు. ఆ సమయంలో తప్పనిసరిగా టోకెన్‌ను స్కాన్ చేయించుకోవాలి. ఇలా బయటకు వచ్చిన తర్వాత భక్తులు తమ గదులకు వెళ్లి విశ్రాంతి తీసుకోవచ్చు లేదా తిరుమలలోని ఇతర ప్రదేశాలను సందర్శించవచ్చు.

తిరిగి క్యూలైన్లలోకి ఎలా వెళ్లాలి…

టీటీడీ అధికారులు క్యూలైన్లలోకి రీ ఎంట్రీ ఇవ్వడానికి కేటాయించిన సమయానికి 15-20 నిమిషాల ముందుగానే సంబంధిత కంపార్ట్‌మెంట్ వద్దకు చేరుకోవాలి. తిరిగి లోపలికి వెళ్లడానికి భక్తులు.. లడ్డూ కౌంటర్ల వైపు నుంచి కాకుండా.. మ్యూజియం పక్క నుంచి డబ్ల్యూ-4 గేట్ మీదుగా వెళ్లాల్సి ఉంటుంది. అక్కడే రీ-ఎంట్రీ కేంద్రం ఉంటుంది. చెప్పిన సమయానికి లోపలికి వెళ్లి కంపార్ట్‌మెంట్లు తెరుచుకున్న తర్వాత కేవలం 2-4 గంటల వ్యవధిలోనే స్వామివారి दर्शनం పూర్తవుతుంది.

టోకెన్ భద్రం..

ఇలాచేసి బయటకు వచ్చిన భక్తులు తిరిగి క్యూలైన్ లో ప్రవేశించాలంటే.. టోకెన్ తప్పనిసరి. అందుకే టోకెన్‌ను జాగ్రత్తగా దాచుకోవాలి. ఒకవేళ టోకెన్ పోతే ఎట్టి పరిస్థితుల్లో కూడా రీ-ఎంట్రీకి అనుమతించరు.

• చెప్పిన సమయం కంటే ముందే పాయింట్‌కు చేరుకోవాలి.
• మొబైల్ ఫోన్లు, ఇతర ఎలక్ట్రానిక్ వస్తువులను दर्शनానికి అనుమతించరు.
• కనుక వాటిని ముందుగానే గదుల్లో లేదా లగేజీ కౌంటర్లలో భద్రపరుచుకుని రావాలి.
• ఈ గేట్ పరిధిలో వస్తువులు డిపాజిట్ చేయడానికి కౌంటర్లు ఉండవు.