Today Horoscope in Telugu : రాశి ఫలాలు 28 ఏప్రిల్.. ఈ రాశి వారికి నేడు అస్సలు బాగాలేదు.. జాగ్రత్తగా లేకపోతే ఇక అంతే..!

Horoscope Today 28 April 2026 tuesday Rasi Phalalu Telugu

Today Horoscope in Telugu : ఏప్రిల్ 28, మంగళవారం నాడు పరశురామ ద్వాదశి. ఈ రోజున విష్ణు ఆరాధన చేయడం అత్యంత శుభప్రదమని భక్తుల నమ్మకం. మరి ఈ రోజున పంచాంగ విశేషాలు మరియు రాశి ఫలాలు ఎలా ఉన్నాయో చూద్దాం.

ముఖ్యమైన సమయాలు:

• వర్జ్యం: తెల్లవారుజామున 06:35 వరకు.
• దుర్ముహూర్తం: ఉదయం 08:02 – 09:03 వరకు మరియు రాత్రి 10:52 – 11:37 వరకు.
• అమృత గడియలు: మధ్యాహ్నం 03:01 – 04:42 వరకు.
• రాహుకాలం: మధ్యాహ్నం 03:11 – 04:46 వరకు.
• యమగండం: ఉదయం 08:50 – 10:25 వరకు.

ద్వాదశ రాశి ఫలాలు

మేష రాశి:

హోదా కలిగిన వ్యక్తులతో పరిచయాలు ఏర్పడతాయి. వృత్తి వ్యాపారాల్లో త్వరితగతిన లాభాలు పొందుతారు. గతంలో జరిగిన మోసాల నుండి గుణపాఠం నేర్చుకుని అభివృద్ధి చెందుతారు. ఆరోగ్య సమస్యలు తొలగుతాయి.

వృషభ రాశి:

నేడు బద్ధకం, పని వాయిదా వేసే తత్వం వల్ల ఇబ్బందులు రావచ్చు. కుటుంబ సభ్యులు, బంధువులతో కలహాలు ఏర్పడే సూచన ఉంది. అనవసర ఖర్చులు పెరుగుతాయి. సాధ్యమైనంత వరకు మౌనంగా ఉండటం శ్రేయస్కరం.

మిథున రాశి:

ఈ రోజు ప్రతికూల ఫలితాలు ఎదురవుతాయి. నమ్మిన వ్యక్తుల వల్ల మోసపోయే అవకాశం ఉంది. ప్రయాణాల్లో విలువైన వస్తువుల పట్ల జాగ్రత్త అవసరం. వృత్తిలో షూరిటీ సంతకాలు పెట్టేటప్పుడు ఆలోచించాలి. ఆటంకాలు ఎదురైనా దైవదర్శనం వల్ల ఉపశమనం లభిస్తుంది.

కర్కాటక రాశి:

గృహంలో శుభకార్యాలకు అనుకూల సమయం. పాత బాకీలు వసూలవుతాయి. గౌరవ మర్యాదలు పెరుగుతాయి. ఉద్యోగ ప్రయత్నాలు సఫలమవుతాయి. ధనయోగం పుష్కలంగా ఉంది.

సింహ రాశి:

భార్యాభర్తల మధ్య విభేదాలు రావచ్చు. చేసే పనుల్లో ఆటంకాలు, మానసిక ఆందోళన ఉంటాయి. రావలసిన బాకీలు వసూలు కాక ఇబ్బంది పడతారు. పెట్టుబడుల విషయంలో ఆచితూచి నిర్ణయం తీసుకోవాలి.

కన్య రాశి:

ఆరోగ్యం బాగుంటుంది. అన్ని రంగాల్లో అభివృద్ధి సాధిస్తారు. పిత్రార్జిత ఆస్తులు కలిసి వచ్చే అవకాశం ఉంది. నిరుద్యోగులకు ఉద్యోగ అవకాశాలు లభిస్తాయి. నూతన వస్తు ఆభరణాలు కొనుగోలు చేస్తారు.

తులా రాశి:

ప్రయాణాల్లో అజాగ్రత్త వల్ల ఇబ్బందులు రావచ్చు. ఆయుధాల వల్ల లేదా వాహనాల వల్ల స్వల్ప గాయాలయ్యే సూచన ఉంది. బంధుమిత్రులతో మనస్పర్థలు కలుగుతాయి. శారీరక నొప్పులు బాధించవచ్చు.

వృశ్చిక రాశి:

స్త్రీ మూలక ధనలాభం ఉంటుంది. అపనిందలు వచ్చే అవకాశం ఉన్నా, చివరికి విజయం మీదే. వ్యాపారంలో పెట్టిన పెట్టుబడికి పదింతల లాభం వచ్చే అవకాశం ఉంది. సంతానం వల్ల సుఖం పొందుతారు.

ధనుస్సు రాశి:

రాజకీయ వ్యవహారాల్లో విజయం లభిస్తుంది. దీర్ఘకాలిక అనారోగ్య సమస్యల నుండి ఉపశమనం పొందుతారు. వృత్తి, ఉద్యోగాల్లో మీ మాటకు విలువ పెరుగుతుంది. కమాండింగ్ పొజిషన్‌లో ఉంటారు.

మకర రాశి:

తెలియని భయం, ఆందోళన వెంటాడుతాయి. ప్రభుత్వ పనుల్లో ఆటంకాలు ఎదురవుతాయి. ఆదాయానికి సమానంగా ఖర్చులు ఉంటాయి. తండ్రిగారి ఆరోగ్య విషయంలో జాగ్రత్త అవసరం.

కుంభ రాశి:

అకారణ విరోధాలు ఏర్పడతాయి. ఉదర సంబంధిత (కడుపు) సమస్యలు రావచ్చు. భూ వివాదాలు తలెత్తే అవకాశం ఉంది. సహచరుల వల్ల వృత్తిలో కొన్ని ఇబ్బందులు ఎదురవుతాయి.

మీన రాశి:

వ్యాపారాల్లో లాభదాయక స్థితి ఉంటుంది. పెండింగ్‌లో ఉన్న పనులన్నీ పూర్తి చేస్తారు. నూతన వస్తు, వాహన ప్రాప్తి ఉంది. శత్రువులు దూరమవుతారు. అందరి మన్ననలు పొందుతారు.