Today Horoscope in Telugu: రాశి ఫలాలు ఏప్రిల్ 30.. నరసింహ జయంతి నాడు ఈ రాశి వారికి అదృష్టం.. పంట పండింది పో..!

Horoscope Today 30 April 2026 Thursday Rasi Phalalu Telugu

Today Horoscope in Telugu : ఏప్రిల్ 30, 2026, గురువారం నాడు నరసింహ జయంతి. నేడు శుక్ల పక్ష చతుర్దశి రాత్రి 9:01 వరకు ఉండి, ఆ తర్వాత పౌర్ణమి ప్రారంభమవుతుంది. చిత్తా నక్షత్రం రాత్రి 2:07 వరకు ఉంటుంది.

• అమృత గడియలు: రాత్రి 7:21 నుండి 9:05 వరకు.
• రాహుకాలం: మధ్యాహ్నం 1:48 నుండి 3:08 వరకు.

ద్వాదశ రాశి ఫలాలు

మేష రాశి:

మేష రాశి వారికి ఈరోజు ధన యోగం కలగనుంది. వంశపారంపర్య ఆస్తుల సమస్యలు పరిష్కారమవుతాయి. అధికారుల అనుగ్రహం లభిస్తుంది. అయితే, భార్య లేదా స్త్రీల వల్ల స్వల్ప ఇబ్బందులు వచ్చే అవకాశం ఉంది.

వృషభ రాశి:

నేడు వృషభ రాశి వారికి సంతాన సౌఖ్యం, ధన యోగం ఉన్నప్పటికీ, పనుల పట్ల శ్రద్ధ తగ్గడం లేదా ఆటంకాలు ఎదురుకావచ్చు. విద్యార్థులకు ఫలితాలు అంతంత మాత్రంగానే ఉంటాయి.

మిథున రాశి:

గురువారం మిథున రాశి వారికి అపనిందలు వచ్చే సూచనలు ఉన్నాయి. ఆదాయం ఉన్నా ఖర్చులు కూడా అంతే స్థాయిలో ఉంటాయి. ప్రయాణాల విషయంలో జాగ్రత్త వహించాలి.

కర్కాటక రాశి:

సమాజంలో గౌరవ మర్యాదలు పెరుగుతాయి. ఉద్యోగస్తులకు మరియు వ్యాపారస్తులకు అన్ని విధాలా అనుకూలత ఉంటుంది. వాహన సౌఖ్యం పొందుతారు.

సింహ రాశి:

గురువారం సింహ రాశి వారికి పాత బాకీలు వసూలవుతాయి. పట్టుదలతో పనులు పూర్తి చేస్తారు. అయితే ఉద్యోగంలో సహచరులతో మాట్లాడేటప్పుడు జాగ్రత్త అవసరం.

కన్యా రాశి:

కన్యా రాశి వారికి గురువారం మానసిక ప్రశాంతత లోపిస్తుంది. కంటికి మరియు మోకాళ్ళకు సంబంధించిన ఆరోగ్య సమస్యలు పీడించవచ్చు. రాత్రి ప్రయాణాలు వాయిదా వేయడం ఉత్తమం.

తులా రాశి:

తులా రాశి వారికి నేడు ఆందోళనలు, అధిక ధన వ్యయం కనిపిస్తోంది. ముఖ్యమైన పత్రాలపై సంతకాలు చేసేటప్పుడు ఒకటికి రెండుసార్లు ఆలోచించాలి.

వృశ్చిక రాశి:

వృశ్చిక రాశి వారికి నేడు మిశ్రమ ఫలితాలు ఉంటాయి. ఒక స్త్రీ సహాయంతో ఆటంకాలు తొలగి జయం లభిస్తుంది. భూసంబంధిత వ్యవహారాలు కలిసి వస్తాయి.

ధనుస్సు రాశి:

ధనస్సు రాశి వారికి గురువారం ఆర్థిక సమస్యలు, భయాందోళనలు ఎదురుకావచ్చు. విలువైన వస్తువుల విషయంలో జాగ్రత్త వహించాలి. ఎవరికీ హామీలు (షూరిటీ) ఇవ్వకూడదు.

మకర రాశి:

గురువారం మకర రాశి వారికి నూతన వస్తు, వాహన ప్రాప్తి ఉంది. వృత్తి వ్యాపారాల్లో ఉన్నత స్థితికి చేరుకుంటారు. శత్రువులపై విజయం సాధిస్తారు.

కుంభ రాశి:

నేడు కుంభ రాశి వారికి అధిక ఒత్తిడి, ఖర్చులు ఉంటాయి. ప్రభుత్వపరమైన జరిమానాలు పడే అవకాశం ఉన్నందున వాహనాలు నడిపేటప్పుడు నిబంధనలు పాటించాలి.

మీన రాశి:

ఈరోజు అత్యంత అదృష్టవంతులు మీన రాశి వారే. పాత బాకీలు వసూలవడమే కాకుండా, విద్యార్థులు చదువులో రాణిస్తారు. శత్రువుల నుండి ఉపశమనం లభిస్తుంది.

పరిహారాలు:

ప్రతికూల ఫలితాలు ఉన్నవారు దశరథ కృత శని స్తోత్రం, శనేశ్వర కవచం లేదా అమ్మవారి స్తోత్రాలను పారాయణం చేయడం వల్ల ఉపశమనం కలుగుతుందని గురూజీ వివరించారు.