December Bank Holiday : మీకు బ్యాంకులో పని ఉందా? డిసెంబర్‌లో మొత్తం 19 రోజులు బ్యాంకులకు సెలవులు.. రాష్ట్రాల వారీగా ఫుల్ లిస్ట్ ఇదిగో..!

December Bank Holiday

December Bank Holiday 2025 : డిసెంబర్ నెలలో మీకు బ్యాంకు పని ఉందా? అయితే, మీ బ్యాంకుకు సంబంధించిన ఏదైనా ముఖ్యమైన పని పెండింగ్‌లో ఉంటే ఇది మీకోసమే.. రిజర్వ్ బ్యాంక్ ఆఫ్ ఇండియా (RBI) డిసెంబర్ నెలకు బ్యాంకు సెలవుల జాబితాను విడుదల చేసింది.

ఈ జాబితా ప్రకారం.. డిసెంబర్‌లో వివిధ (December Bank Holiday) రాష్ట్రాల్లో మొత్తం 19 రోజులు బ్యాంకులు మూతపడనున్నాయి. ఇలాంటి పరిస్థితిలో మీరు జాబితాను చెక్ చేయకుండా బ్యాంకుకు వెళితే మీరు ఖాళీ చేతులతో తిరిగి రావాల్సి వస్తుంది. మీ సమయం కూడా వృధా అవుతుంది. మీరు ఇంటి నుంచి బయలుదేరే ముందు సెలవుల తేదీలను తెలుసుకుని వెళ్లండి.

వాస్తవానికి, డిసెంబర్ నెలలో సెలవులు ఎక్కువగా ఉన్నాయి. ఇందులో ప్రధానంగా వివిధ పండుగలు, వారతంపు సెలవులు ఉన్నాయి. నెలలో 4 ఆదివారాలు బ్యాంకులు మూతపడతాయి. రెండో, నాల్గో శనివారాల్లో కూడా బ్యాంకులు మూతపడతాయి. డిసెంబర్‌లో క్రిస్మస్ పండుగ సెలవులు ఉన్నాయి. ఈ రోజున దేశవ్యాప్తంగా బ్యాంకులు మూతపడతాయి. అనేక రాష్ట్రాల్లో స్థానిక పండుగలు, వార్షికోత్సవాలు కూడా ఉన్నాయి. బ్యాంకులు ఆయా రాష్ట్రాల్లో మూతపడతాయి.

Read Also : Top Electric SUV Cars : మంచి ఫ్యామిలీ కారు కావాలా? 2025లో టాప్ మోస్ట్ 7-సీటర్ ఎలక్ట్రిక్ SUV మోడల్స్.. ఫీచర్ల కోసమైన కొనేసుకోవచ్చు!

ప్రతి రాష్ట్రంలో సెలవులు వర్తించవు :
ఈ డిసెంబర్ నెలలో 19 రోజుల సెలవులు దేశవ్యాప్తంగా ఒకేసారి వర్తించవు. కొన్ని సెలవులు క్రిస్మస్ లేదా ఆదివారం వంటివి జాతీయంగా లేదా ప్రాంతీయంగా ఉంటాయి. అయితే, చాలా సెలవులు ప్రాంతీయంగా ప్రత్యేకమైనవి. ఉదాహరణకు.. ఒక రాష్ట్రంలో స్థానిక పండుగ ఉంటే అక్కడ బ్యాంకులు మూతపడతాయి. కానీ, మరొక రాష్ట్రంలో బ్యాంకులు తెరిచే ఉండవచ్చు. ఈశాన్య భారతదేశంలోని రాష్ట్రాలు సాధారణంగా క్రిస్మస్ సమయంలో ఎక్కువ సెలవులు ఉంటాయి. అయితే, ఇతర రాష్ట్రాలు తక్కువ సెలవులు ఉండవచ్చు.

డిసెంబర్ 2025లో బ్యాంకు సెలవుల పూర్తి జాబితా (తేదీ, రాష్ట్రాల వారీగా) :

• డిసెంబర్ 1 (సోమవారం): ‘స్వదేశీ విశ్వాస దినోత్సవం’ సందర్భంగా అరుణాచల్ ప్రదేశ్‌లో బ్యాంకులు మూతపడతాయి.
• డిసెంబర్ 3 (బుధవారం): ‘సెయింట్ ఫ్రాన్సిస్ జేవియర్ విందు’ రోజున గోవాలో సెలవు
• డిసెంబర్ 5 (శుక్రవారం): షేక్ అబ్దుల్లా జయంతి సందర్భంగా జమ్మూ కాశ్మీర్‌లో సెలవు
• డిసెంబర్ 7 (ఆదివారం): దేశవ్యాప్తంగా వారాంతపు సెలవు.
• డిసెంబర్ 12 (శుక్రవారం): ‘పా టోగన్ నెంగ్మింజా సంగ్మా’ దినోత్సవం సందర్భంగా మేఘాలయలో బ్యాంకులు పనిచేయవు.
• డిసెంబర్ 13 (శనివారం): ఈ నెలలో రెండో శనివారం దేశవ్యాప్తంగా బ్యాంకులు మూతపడతాయి.
• డిసెంబర్ 14 (ఆదివారం) : దేశవ్యాప్తంగా వారాంతపు సెలవు.
• డిసెంబర్ 18 (గురువారం) : ఛత్తీస్‌గఢ్‌లో గురు ఘాసిదాస్ జయంతి, మేఘాలయలో ఉ సోసో థామ్ వర్ధంతి సందర్భంగా సెలవు.
• డిసెంబర్ 19 (శుక్రవారం) : గోవా విమోచన దినోత్సవం సందర్భంగా గోవాలో బ్యాంకులు మూతపడతాయి.
• డిసెంబర్ 20 (శనివారం) : లోసూంగ్, నామ్సంగ్ పండుగ సందర్భంగా సిక్కింలో సెలవు.
• డిసెంబర్ 21 (ఆదివారం) : దేశవ్యాప్తంగా వారాంతపు సెలవు.
• డిసెంబర్ 22 (సోమవారం) : లోసూంగ్ పండుగ రోజున సిక్కింలో బ్యాంకులు మూతపడతాయి.
• డిసెంబర్ 24 (బుధవారం): క్రిస్మస్‌కు ఒక రోజు ముందు, మేఘాలయ, మిజోరంలలో సెలవు ఉంటుంది.
• డిసెంబర్ 25 (గురువారం) : క్రిస్మస్ సందర్భంగా దేశవ్యాప్తంగా బ్యాంకులు పనిచేయవు.
• డిసెంబర్ 26 (శుక్రవారం): మిజోరం, తెలంగాణ, మేఘాలయలలో క్రిస్మస్ వేడుకలు, హర్యానాలో అమరవీరుడు ఉధమ్ సింగ్ జయంతి రోజున బ్యాంకులకు సెలవు.
• డిసెంబర్ 27 (శనివారం) : ఈ నెలలో 4వ శనివారం (పంజాబ్, హర్యానాలలో గురు గోవింద్ సింగ్ జయంతి) కావడంతో దేశవ్యాప్తంగా బ్యాంకులు మూతపడతాయి.
• డిసెంబర్ 28 (ఆదివారం) : దేశవ్యాప్తంగా వారాంతపు సెలవు.
• డిసెంబర్ 30 (మంగళవారం) : మేఘాలయలోని ఉ-కియాంగ్ నంగ్బా, సిక్కింలోని తము లోసర్ రోజున బ్యాంకులకు సెలవు.
• డిసెంబర్ 31 (బుధవారం) : కొత్త సంవత్సర వేడుకల్లో మిజోరాం, మణిపూర్‌లలో ఏడాది చివరి రోజున బ్యాంకులు మూతపడతాయి.

డిజిటల్ బ్యాంకింగ్ సేవలు :
బ్యాంకు శాఖలు మూతపడినప్పటికీ కూడా వినియోగదారులు ఆందోళన చెందాల్సిన అవసరం లేదు. డిజిటల్ లావాదేవీలను ఇంటి నుంచే చేయవచ్చు. ఇంటర్నెట్ బ్యాంకింగ్, మొబైల్ బ్యాంకింగ్, యూపీఐ వంటి సర్వీసులు పనిచేస్తూనే ఉంటాయి. ఈజీగా డబ్బును ట్రాన్స్‌ఫర్ చేయవచ్చు. బిల్లులు పేమెంట్ చేయొచ్చు లేదా మీ బ్యాంక్ అకౌంట్ రీఛార్జ్ చేసుకోవచ్చు. ఏటీఎం సర్వీసులు కూడా పనిచేస్తూనే ఉంటాయి. క్యాష్ విత్‌డ్రా ఇబ్బంది ఉండదు. చెక్కు క్లియరింగ్ లేదా డ్రాఫ్ట్ జారీ కోసం బ్యాంకు వర్కింగ్ డేస్ మాత్రమే వీలుంటుంది.