Diwali Car Rush : దీపావళి 2026కి కొత్త కార్ల జాతర.. EV, SUV, ఫేస్‌లిఫ్ట్ మోడళ్లతో భారీ లాంచ్‌లు!

New models from Honda, Volvo, Tata

• దీపావళి షాపింగ్‌కు కొత్త కిక్: త్వరలో రానున్న కార్లు ఇవే!
• కార్ లవర్స్‌కు దీపావళి గిఫ్ట్.. కొత్త మోడళ్లతో వస్తున్న దిగ్గజ కంపెనీలు
• హోండా నుంచి వోల్వో వరకు దీపావళి బరిలోకి కొత్త కార్లు

Diwali Car Rush : దీపావళి పండుగ సీజన్‌కు ముందే భారత ఆటోమొబైల్ మార్కెట్‌లో కొత్త కార్ల సందడి మొదలుకానుంది. అక్టోబర్‌లో పలు ప్రముఖ కార్ల తయారీ కంపెనీలు తమ కొత్త మోడళ్లు, ఫేస్‌లిఫ్ట్ వెర్షన్లు, ఎలక్ట్రిక్ SUVలను మార్కెట్లోకి లాంచ్ చేసేందుకు రెడీ అవుతున్నాయి.

హోండా, వోల్వో, టాటా మోటార్స్, టయోటా, ఆడి, హ్యుందాయ్, JSW జెటూర్ వంటి బ్రాండ్లు ఈ లాంచ్‌ల లిస్టులో ఉన్నాయి. దాంతో పండుగ సీజన్‌లో కొత్త కారు కొనేందుకు చూస్తున్నవారికి మరిన్ని ఆప్షన్లు అందుబాటులోకి రానున్నాయి. పూర్తి లిస్టు మీకోసం..

హోండా ఎలివేట్ ఫేస్‌లిఫ్ట్ :
ఈ పండుగ సీజన్‌లో హోండా ఎలివేట్ ఫేస్‌లిఫ్ట్ లాంచ్‌ కూడా ఉండనుంది. అక్టోబర్ 6న ఈ SUV మార్కెట్లోకి వచ్చే అవకాశం ఉంది. ఇప్పటికే ఉన్న ఎలివేట్‌కు డిజైన్, ఫీచర్లు, టెక్నాలజీ పరంగా అప్‌డేట్స్ లభించనున్నట్లు ఆటో రంగంలో అంచనాలు ఉన్నాయి. ఎస్‌యూవీ సెగ్మెంట్‌లో హోండా తన స్థానాన్ని మరింత బలోపేతం చేసుకునేందుకు ఈ అప్‌డేట్ అందించనుంది.

వోల్వో EX90 :
ప్రీమియం ఎలక్ట్రిక్ ఎస్‌యూవీ విభాగంలో వోల్వో EX90 ప్రత్యేక ఆకర్షణగా నిలవనుంది. అక్టోబర్ 12న భారత మార్కెట్లో ఈ మోడల్‌ను లాంచ్ చేసేందుకు కంపెనీ రెడీ అవుతోంది. భారీ బ్యాటరీ, డ్యూయల్-మోటార్ ఆల్-వీల్ డ్రైవ్, మోడ్రాన్ సేఫ్టీ, టెక్నాలజీ ఫీచర్లతో EX90 రానుంది. భారత లగ్జరీ ఈవీ మార్కెట్లో వోల్వోకు కీలకమైన మోడల్‌గా మారనుంది.

టయోటా గ్లాంజా ఫేస్‌లిఫ్ట్ :

టయోటా గ్లాంజా కూడా పండుగ సీజన్‌లో కొత్త లుక్‌లో కనిపించనుంది. ఫేస్‌లిఫ్ట్ వెర్షన్‌లో ఎక్స్‌టీరియర్ డిజైన్‌తో పాటు కొత్త ఫీచర్లు, క్యాబిన్‌లో అప్‌డేట్స్ వచ్చే ఛాన్స్ ఉంది. మారుతి సుజుకి బాలెనో ఆధారంగా రూపొందిన గ్లాంజా, ప్రీమియం హ్యాచ్‌బ్యాక్ విభాగంలో టయోటా కీలక మోడల్‌గా కొనసాగుతోంది.

హ్యుందాయ్ బేయాన్ :
హ్యుందాయ్ బేయాన్ కూడా భారత మార్కెట్‌లోకి ఎంట్రీ ఇవ్వనుంది. ఈ కొత్త SUV లిస్టులో ఇదొకటి. యూరోపియన్ మార్కెట్లలో ఈ కాంపాక్ట్ SUVను భారత్‌కు తీసుకొస్తే హ్యుందాయ్ SUV పోర్ట్‌ఫోలియో మరింత విస్తరించనుంది. యువ కొనుగోలుదారులను దృష్టిలో పెట్టుకుని డిజైన్, టెక్నాలజీ, కనెక్టెడ్ ఫీచర్లపై ప్రధానంగా ఫోకస్ ఉండొచ్చని అంచనాలు నెలకొన్నాయి.

ఆడి క్యూ3 :
ప్రీమియం SUV కొనుగోలుదారుల కోసం ఆడి కొత్త జనరేషన్ క్యూ3ని తీసుకురానుంది. కొత్త డిజైన్, మోడ్రాన్ ఇంటీరియర్, అప్‌డేటెడ్ టెక్నాలజీతో ఈ SUV రానుంది. ఇప్పటికే భారత మార్కెట్లో క్యూ3కు ఉన్న ఐడెంటిటీని కొనసాగించనుంది. కొత్త జనరేషన్ మోడల్ ద్వారా ఆడి మరింత మోడ్రాన్ ఫీచర్లను అందించే అవకాశం ఉంది.

Read Also : iPhone 17 Pro Price : వావ్.. ఐఫోన్ 17 ప్రో ధర భారీగా తగ్గిందోచ్.. ఇలా కొన్నారంటే ఇంకా తక్కువకే..!

టాటా సఫారీ ఈవీ :
టాటా మోటార్స్ నుంచి రానున్న సఫారీ ఈవీ అనేది అత్యంత ఆసక్తికరమైన మోడళ్లలో ఒకటి. సఫారీని ఎలక్ట్రిక్ పవర్‌ట్రెయిన్‌తో టాటా ఈవీ పోర్ట్‌ఫోలియోను మరింత విస్తరించనుంది. మూడు వరుసల సీటింగ్‌తో వచ్చే ఈ ఎలక్ట్రిక్ SUV ఫ్యామిలీ కస్టమర్లకు ఆకట్టుకునేలా ఉంటుంది. బ్యాటరీ, రేంజ్, RWD, AWD వంటి వివరాలు మార్కెట్ లాంచ్ సమయంలో మరిన్ని వివరాలు రివీల్ అయ్యే అవకాశం ఉంది.

JSW జెటూర్ T2 :
జేఎస్‌డబ్ల్యూ (JSW) జెటూర్ టీ2 కూడా పండుగ సీజన్‌లో కొత్తగా అడుగుపెట్టే ఎస్‌యూవీలలో ఒకటిగా నిలవనుంది. ఈ మోడల్ పవర్‌ట్రెయిన్ విషయంలో ప్రత్యేక ఆసక్తిని కలిగిస్తోంది. ఇంటర్నల్ కంబషన్ ఇంజిన్‌తో పాటు ఎలక్ట్రిక్ మోటార్, బ్యాటరీతో PHEV టెక్నాలజీతో వచ్చే ఛాన్స్ ఉందని రిపోర్టులు పేర్కొంటున్నాయి. అయితే, ఫైనల్ ఇంజిన్, బ్యాటరీ, పవర్‌ట్రెయిన్ వివరాలను కంపెనీ అధికారికంగా ప్రకటించాల్సి ఉంది.

దీపావళికి ముందు ఆటో మార్కెట్‌లో సందడి :
దీపావళి 2026కి ముందు భారత కార్ల మార్కెట్‌లో కొత్త కారు మోడళ్ల సందడి గట్టిగానే కనిపించనుంది. ఒకవైపు హోండా, టయోటా వంటి కంపెనీలు ఫేస్‌లిఫ్ట్ మోడళ్లను తీసుకొస్తుండగా, మరోవైపు వోల్వో, టాటా వంటి కంపెనీలు ఎలక్ట్రిక్ SUVలపై ఫోకస్ పెడుతున్నాయి.

ఆడి, హ్యుందాయ్, జేఎస్‌డబ్ల్యూ జెటూర్ నుంచి వచ్చే కొత్త ఎస్‌యూవీ కూడా పండుగ సీజన్‌లో కొనుగోలుదారులకు మరిన్ని ఆప్షన్లను అందించనున్నాయి. దీంతో దీపావళి కేవలం పండుగ సందడికే కాకుండా భారత ఆటో మార్కెట్‌లో కొత్త కార్ల పండుగగా కూడా మారే అవకాశం ఉంది.