UMANG App PF Services : PF ఉన్న ఉద్యోగులకు గుడ్ న్యూస్.. ఈ ఒక్క యాప్‌తో ఇంటి నుంచే అన్ని పనులు!

UMANG App PF Services

• పీఎఫ్ బ్యాలెన్స్ చెక్ చేయాలా?  మొబైల్‌లోనే చూడండి
• పీఎఫ్ డబ్బులు అవసరమా? ఉమాంగ్ యాప్‌లోనే క్లెయిమ్ చేయొచ్చు
• మీ పీఎఫ్ క్లెయిమ్ ఏమైంది? ఇలా ఈజీగా స్టేటస్ తెలుసుకోండి

UMANG App PF Services : ప్రతి నెలా ఉద్యోగుల జీతం నుంచి ప్రావిడెంట్ ఫండ్ (PF) కోసం కొంత మొత్తం జమ అవుతుంది. అయితే పీఎఫ్ ఖాతాకు సంబంధించిన వివరాలు తెలుసుకోవడం లేదా కొన్ని సేవల కోసం ఆఫీసుల చుట్టూ తిరగాల్సిన అవసరం ఉండదు. కేంద్ర ప్రభుత్వ ఉమాంగ్ యాప్ ద్వారా పలు సేవలను సులభంగా పొందొచ్చు.

ఉమాంగ్ యాప్‌లో ఈపీఎఫ్ఓకు సంబంధించిన సేవలు అందుబాటులో ఉన్నాయి. ఉద్యోగులు తమ మొబైల్‌ నుంచే పీఎఫ్ వివరాలను పరిశీలించుకునే అవకాశం ఉంటుంది. ముఖ్యంగా పీఎఫ్ బ్యాలెన్స్, పాస్‌బుక్, క్లెయిమ్ వంటి సేవలు డిజిటల్‌గా పొందవచ్చు.

పీఎఫ్ పాస్‌బుక్ :
మీ పీఎఫ్ ఖాతాలో ఇప్పటివరకు ఎంత మొత్తం డిపాజిట్ అయిందో తెలుసుకోవాలి. ఇందుకోసం పాస్‌బుక్ సర్వీసు ఉపయోగపడుతుంది. ఉమాంగ్ యాప్‌లో సంబంధిత ఈపీఎఫ్ఓ సర్వీసును ఎంచుకుని అవసరమైన వివరాలతో లాగిన్ అయితే పీఎఫ్ ఖాతా వివరాలను చెక్ చేయొచ్చు. అందుబాటులో ఉన్న సేవల ఆధారంగా పాస్‌బుక్‌ను డౌన్‌లోడ్ చేసుకునే సదుపాయం ఉంటుంది.

Read Also : Smart Ration Card : స్మార్ట్ రేషన్ కార్డులో పేరు తప్పుగా వచ్చిందా? మీ ఫోన్‌లోనే ఇలా మార్చేయండి!

పీఎఫ్ అడ్వాన్స్ క్లెయిమ్ :
అర్హత ఉన్న సందర్భాల్లో ఉద్యోగులు పీఎఫ్ అడ్వాన్స్ కోసం ఆన్‌లైన్‌లో క్లెయిమ్ చేసుకోవచ్చు. అత్యవసర ఆర్థిక అవసరాల సమయంలో ఈ సర్వీసు ఉపయోగపడుతుంది. అయితే, అడ్వాన్స్ పొందేందుకు ఈపీఎఫ్ఓ నిబంధనలు, అర్హతలు వర్తిస్తాయి.

క్లెయిమ్ స్టేటస్ ట్రాకింగ్ :
పీఎఫ్ క్లెయిమ్ సమర్పించిన తర్వాత ప్రస్తుత పరిస్థితిని తెలుసుకునేందుకు ‘Track Claim’ వంటి సేవలను వినియోగించుకోవచ్చు. క్లెయిమ్ ప్రాసెస్ ఏ దశలో ఉందో తెలుసుకోవడం చాలా ఈజీ.

పీఎఫ్ గ్రీవియెన్స్ :
పీఎఫ్ ఖాతా లేదా సర్వీసులకు సంబంధించి సమస్య ఎదురైతే ఫిర్యాదు రిజిస్టర్ చేసుకునే అవకాశం ఉంది. సంబంధిత ఫిర్యాదు సర్వీసు ద్వారా సమస్యను ఈపీఎఫ్ఓ దృష్టికి తీసుకెళ్లవచ్చు. పీఎఫ్ ఖాతా ఉన్న ఉద్యోగులు ఉమాంగ్ యాప్‌లోని ఈపీఎఫ్ఓ సేవలను వినియోగించుకోవచ్చు.