Gold
Gold Rate: భారీ హిట్ అందుకున్న సినిమాల కలెక్షన్లకు కొన్నిరోజుల తరువాత బ్రేక్ పడుతుంది. కానీ, బంగారం ధరలు మాత్రం బ్రేకుల్లేని బుల్డోజర్లు మాదిరిగా దూసుకెళ్తున్నాయి. అంతర్జాతీయంగా చోటు చేసుకుంటున్న పరిణామాల నేపథ్యంలో బంగారం రేట్లు సరికొత్త రికార్డులను క్రియేట్ చేస్తున్నాయి. గతంలో ఎప్పుడు లేనివిధంగా.. ఎవరూ ఊహించని రీతిలో గోల్డ్ రేట్లు రయ్ రయ్ మంటూ దూసుకెళ్తున్నాయి.
అంతర్జాతీయ మార్కెట్లో ఔన్సు (31.10గ్రాముల) 24క్యారట్ల బంగారం ధర గురువారం ఉదయం 3,339 డాలర్లకు చేరింది. ఈ స్థాయి ధరలు చరిత్రలో ఇదే తొలిసారి. ఫలితంగా దేశీయ విపణిలోనూ గోల్డ్ రేటు భగ్గుమంటోంది. గురువారం ఉదయం భారతదేశంలోని ప్రధాన నగరాల్లో నమోదైన వివరాల ప్రకారం.. 10గ్రాముల 24 క్యారట్ల గోల్డ్ పై రూ. 1,140 పెరగ్గా.. 22 క్యారట్ల గోల్డ్ రేటు రూ. 1,050 పెరిగింది. తద్వారా గోల్డ్ రేటు రూ.లక్షకు చేరువైంది.
తెలుగు రాష్ట్రాల్లో ఇవాళ్టి ధరలు ..
♦ తెలుగు రాష్ట్రాల్లోని ప్రధాన నగరాలైన హైదరాబాద్, విజయవాడ, విశాఖపట్టణంతోపాటు తదితర ప్రాంతాల్లో ఇవాళ బంగారం ధర భారీగా పెరిగింది.
♦ హైదరాబాద్, విజయవాడ, విశాఖపట్నంలో.. 10 గ్రాముల 22క్యారట్ల ప‌సిడి ధర రూ.89,200 కాగా.. 24 క్యారట్ల ధర రూ.97,310కి చేరింది.
దేశంలోని పలు ప్రధాన నగరాల్లో..
♦ దేశ రాజధాని ఢిల్లీలో 22 క్యారట్ల 10 గ్రాముల బంగారం ధర రూ. 89,350 కాగా.. 24 క్యారట్ల ధర రూ.97,460కు చేరింది.
♦ ముంబై, బెంగళూరు, చెన్నై నగరాల్లో 10గ్రాముల 22 క్యారట్ల ప‌సిడి ధర రూ. 89,200 కాగా.. 24క్యారెట్ల ధర రూ.97,310 గా నమోదైంది.
వెండి ధర ఇలా..
♦ హైదరాబాద్, విజయవాడ, విశాఖపట్టణంలో ఇవాళ వెండి ధరలో ఎలాంటి మార్పులు చోటుచేసుకోలేదు. దీంతో ఆయా నగరాల్లో కిలో వెండి ధర రూ.1,10,000 వద్ద కొనసాగుతుంది.
♦ ఢిల్లీ, ముంబయి, బెంగళూరు నగరాల్లో కిలో వెండి ధర రూ.1,00,000గా నమోదైంది.
♦ చెన్నైలో కిలో వెండి ధర రూ. 1,10,000కు చేరింది.
Note: పైన పేర్కొన్న ధరలు ఉదయం 10గంటలకు నమోదైనవి. బంగారం, వెండి ధరలు రోజులో అనేక దఫాలుగా మారుతుంటాయి. ఖచ్చితమైన ధరల కోసం నగల దుకాణంలో లేదా జ్యువెలరీ షాపులో సంప్రదించండి.
