Gold And Silver Prices Today : గత పదిరోజులుగా దూసుకెళ్తున్న బంగారం ధరలకు బ్రేక్ పడింది. పదిరోజుల్లో తులం బగారం ధర సుమారు రూ. 1400 మేర పెరిగింది. దీంతో బంగారం కొనుగోలు దారులు ఆందోళనకు గురయ్యారు. అయితే, తాజాగా బంగారం ధర పెరుగుదలకు బ్రేక్ పడింది. శనివారం ఉదయం నమోదైన వివరాల ప్రకారం.. 22 క్యారెట్ల పది గ్రాముల బంగారంపై రూ. 350 తగగ్గా, 24 క్యారెట్ల 10 గ్రాముల బంగారంపై రూ. 380 తగ్గింది. వెండి ధరసైతం భారీగా తగ్గింది. కిలో వెండిపై రూ. 1200 తగ్గింది.
తెలుగు రాష్ట్రాల్లో ఇలా ..
ఏపీ, తెలంగాణ రాష్ట్రాల్లో బంగారం ధర తగ్గింది. శనివారం ఉదయం నమోదైన వివరాల ప్రకారం.. ప్రధాన నగరాలైన హైదరాబాద్, విజయవాడ, విశాఖపట్టణంలలో గోల్డ్ ధరలను పరిశీలిస్తే.. 22క్యారెట్ల 10 గ్రాముల బంగారం రూ. 58,550కు చేరింది. 24క్యారెట్ల 10గ్రాముల గోల్డ్ రూ. 63,870 వద్ద కొనసాగుతుంది.
దేశంలోని ప్రధాన నగరాల్లో ..
– దేశ రాజధాని ఢిల్లీలో 22 క్యారెట్ల 10 గ్రాముల బంగారం ధర రూ. 58,700 కాగా, 24 క్యారెట్ల 10 గ్రాములు బంగారం రూ. 63,970.
– ముంబయి, కోల్ కతా, బెంగళూరు నగరాల్లో 22క్యారెట్ల 10 గ్రాముల గోల్డ్ ధర రూ. 58,550 కాగా, 24 క్యారెట్ల బంగారం ధర రూ. 63,870 మార్క్ తాకింది.
– చెన్నైలో 22క్యారెట్ల 10గ్రాముల బంగారం ధర రూ.59,100కు చేరింది. 24క్యారెట్ల గోల్డ్ రూ.64,470గా నమోదైంది.
తగ్గిన వెండి ధర ..
దేశవ్యాప్తంగా ప్రధాన నగరాల్లో శనివారం వెండి ధర తగ్గింది. దీంతో తెలుగు రాష్ట్రాల్లోని ప్రధాన నగరాలైన హైదరాబాద్, విజయవాడ, విశాఖపట్టణంలలో కిలో వెండి రూ. 79,700 వద్ద కొనసాగుతుంది. దేశంలోని ప్రధాన నగరాల్లో ధరలను పరిశీలిస్తే.. చెన్నైలో కిలో వెండి ధర రూ. 79,700. ముంబయి, ఢిల్లీ, కోల్‌కతా ప్రాంతాల్లో కిలో వెండి రూ.78,300కు చేరింది. బెంగళూరులో కిలో వెండి రూ.76,000 వద్ద కొనసాగుతోంది.
పైన పేర్కొన్న బంగారం, వెండి ధరలు ఉదయం 6గంటలకు నమోదైనవి. బంగారం ధరల్లో ఒకేరోజులో అనేకసార్లు మార్పులు చోటుచేసుకుంటాయి. దీనికితోడు ప్రాంతాల వారిగా గోల్డ్, సిల్వర్ ధరలు మారుతుంటాయి. అందువల్ల బంగారం కొనుగోలు చేసే సమయంలో ఆ సమయానికి ప్రత్యక్ష ధరలను ట్రాక్ చేస్తే కచ్చితమైన ధర నిర్ధారణ చేసుకోవచ్చు.
