Gold-Silver Prices Today: పసిడి ప్రియులకు సూపర్ గుడ్ న్యూస్.. స్వల్పంగా తగ్గిన బంగారం ధరలు, వెండి ధర కూడా.. హైదరాబాద్ లో తులం ఎంతంటే?

Gold Silver Prices Today 22 October 2026 In Hyderabad Visakhapatnam Full Details

Gold-Silver Prices Today: వరుసగా రికార్డు స్థాయిలకు చేరుకున్న పసిడి, వెండి ధరలు బుధవారం నుంచి స్వల్పంగా తగ్గుముఖం పట్టడంతో వినియోగదారులకు, పెట్టుబడిదారులకు గొప్ప ఊరట లభించింది. అక్టోబర్ 22 నాటి గణాంకాల ప్రకారం, దేశీయ మార్కెట్‌లో 24 క్యారెట్ల 10 గ్రాముల బంగారం ధర రూ. 1,46,070 వద్ద ట్రేడవుతుండగా, ఆభరణాల తయారీకి ఉపయోగించే 22 క్యారెట్ల 10 గ్రాముల తులానికి రూ. 1,33,890 వద్ద స్థిరపడింది. మరోవైపు పరిశ్రమలు, సాధారణ వినియోగదారులకు కీలకమైన కిలో వెండి ధర రూ. 2,29,900 వద్ద కొనసాగుతోందని బులియన్ మార్కెట్ నిపుణులు వెల్లడించారు.

Read Also – Electric Fishing Boat: కాకినాడలో విప్లవాత్మక అడుగు.. దేశంలోనే తొలి ‘ఎలక్ట్రిక్ ఫిషింగ్ బోట్’.. ప్రారంభించనున్న ఎమ్మెల్యే కొండబాబు!

ఎమ్‌సిఎక్స్ ఫ్యూచర్స్ మార్కెట్ ట్రెండ్.. పడిపోయిన పసిడి, వెండి ధరలు:

మల్టీ కమోడిటీ ఎక్స్ఛేంజ్ ఫ్యూచర్స్ మార్కెట్‌లో డిసెంబర్ డెలివరీ బంగారం (Gold-Silver Prices Today)కాంట్రాక్ట్ ధర 10 గ్రాములకు రూ. 509 (0.35 శాతం) క్షీణించి రూ. 1,46,010కి చేరుకుంది. అలాగే, కిలో వెండి ఫ్యూచర్స్ ధర రూ. 2,124 మేర గణనీయంగా తగ్గి రూ. 2,09,361 వద్ద నమోదైంది. నగరాల వారీగా పరిశీలిస్తే.. హైదరాబాద్, విజయవాడ, ముంబై, బెంగళూరు, కోల్‌కతాలలో 24 క్యారెట్ల పసిడి రూ. 1,46,070గా ఉండగా, దేశ రాజధాని ఢిల్లీలో స్వల్ప వ్యత్యాసంతో రూ. 1,46,220 వద్ద విక్రయాలు సాగుతున్నాయి.

అంతర్జాతీయ విపణి ప్రభావం.. డాలర్ బలం, గ్లోబల్ డిమాండ్ సమీకరణాలు:

అంతర్జాతీయ మార్కెట్‌లో అమెరికన్ డాలర్ విలువ పుంజుకోవడం పసిడి ధరలపై నేరుగా ప్రభావం చూపింది. డాలర్ బలపడినప్పుడు ఇతర కరెన్సీల రూపంలో బంగారం కొనుగోలు చేసే పెట్టుబడిదారులకు వ్యయం పెరిగి అంతర్జాతీయంగా డిమాండ్ తగ్గుతుంది. కేవలం వడ్డీ రేట్ల అంచనాలే కాకుండా ప్రపంచస్థాయి భౌగోళిక ఉద్రిక్తతలు, విదేశీ కేంద్రీయ బ్యాంకుల భారీ కొనుగోళ్లు, పెట్టుబడిదారుల డిమాండ్, ద్రవ్యోల్బణ భయాలు రానున్న రోజుల్లో బులియన్ మార్కెట్ దిశానిర్దేశాన్ని నిర్ణయించనున్నాయి.