Google Pixel 9 Pro XL : ఈ పండక్కీ కొత్త స్మార్ట్‌ఫోన్ కొంటున్నారా? పిక్సెల్ 9 ప్రో XL ధర భారీగా తగ్గిందోచ్.. ఫ్లిప్‌కార్ట్‌లో ఇలా కొనేసుకోండి!

Google Pixel 9 Pro XL : ఈ దీపావళి పండక్కీ కొత్త స్మార్ట్‌ఫోన్ కొంటున్నారా? ప్రస్తుతం ఫ్లిప్‌కార్ట్ బిగ్ బ్యాంగ్ దీపావళి సేల్‌ సందర్భంగా అనేక స్మార్ట్‌ఫోన్‌లపై అద్భుతమైన ఆఫర్లు, డిస్కౌంట్లను అందిస్తోంది. ఈ సేల్ సమయంలో గూగుల్ పిక్సెల్ 9 ప్రో XLపై కూడా అదిరిపోయే డిస్కౌంట్ అందిస్తోంది. అసలు ధర కన్నా పిక్సెల్ 9 ప్రో ఎక్స్ఎల్ ధర భారీగా తగ్గింపు పొందింది. పిక్సెల్ 9 ప్రో ఎక్స్ఎల్ డీల్ ఎలా పొందాలో ఇప్పుడు వివరంగా తెలుసుకుందాం..

గూగుల్ పిక్సెల్ 9 ప్రో XL ఫ్లిప్‌కార్ట్ డీల్ : భారత మార్కెట్లో గూగుల్ పిక్సెల్ 9 ప్రో XL ఫోన్ రూ.1,24,999 ప్రారంభ ధరకు లాంచ్ అయింది. ఫ్లిప్‌కార్ట్‌లో ఈ పిక్సెల్ ఫోన్ ప్రస్తుతం రూ.89,999కి లిస్ట్ అయింది. ఈ-కామర్స్ దిగ్గజం పిక్సెల్ 9 ప్రో ఎక్స్‌ఎల్‌పై రూ.35వేలు ఫ్లాట్ డిస్కౌంట్‌ను అందిస్తోంది.

అంతేకాదు.. ఎస్బీఐ బ్యాంక్ క్రెడిట్ కార్డ్ ఈఎంఐ లావాదేవీలపై అదనంగా రూ.4,250 తగ్గింపు పొందవచ్చు. ఇంకా ఎక్కువ సేవింగ్ కోసం పాత స్మార్ట్‌ఫోన్‌ను కూడా ట్రేడ్ చేయవచ్చు.

గూగుల్ పిక్సెల్ 9 ప్రో XL స్పెసిఫికేషన్లు, ఫీచర్లు : గూగుల్ పిక్సెల్ 9 ప్రో XL ఫోన్ 6.7-అంగుళాల ఎల్టీపీఓ ఓఎల్ఈడీ డిస్‌ప్లేతో (1344 x 2992) పిక్సెల్స్ రిజల్యూషన్‌తో వస్తుంది. ఈ స్క్రీన్ 120Hz రిఫ్రెష్ రేట్, 3,000 నిట్స్ పీక్ బ్రైట్‌నెస్, HDR సపోర్ట్‌ను కూడా అందిస్తుంది. ఇంకా, గొరిల్లా గ్లాస్ విక్టస్ 2 ద్వారా ప్రొటెక్షన్ అందిస్తుంది.

ఆప్టిక్స్ విషయానికొస్తే.. పిక్సెల్ 9 ప్రో XL బ్యాక్ సైడ్ ట్రిపుల్ కెమెరా సెటప్‌ కలిగి ఉంది. ఇందులో OISతో కూడిన 50MP ప్రైమరీ కెమెరా, 48MP అల్ట్రావైడ్ లెన్స్, 5x వరకు ఆప్టికల్ జూమ్‌తో 48MP టెలిఫోటో సెన్సార్ ఉన్నాయి.

ఫ్రంట్ సైడ్ ఈ ఫ్లాగ్‌షిప్ ఫోన్ సెల్ఫీలు, వీడియో కాల్స్ కోసం 42MP కెమెరాను కలిగి ఉంది. గూగుల్ పిక్సెల్ 9 ప్రో XL హ్యాండ్‌సెట్‌లో టెన్సర్ G4 ప్రాసెసర్ కలిగి ఉంది. ఈ పిక్సెల్ ఫోన్ 45W ఫాస్ట్ ఛార్జింగ్ సపోర్ట్‌తో 5060mAh బ్యాటరీతో సపోర్టు ఇస్తుంది.