iPhone 16 Pro Max : ఐఫోన్ 16 ప్రో మ్యాక్స్ ధర తగ్గిందోచ్.. ఏకంగా రూ.15,700 డిస్కౌంట్.. ఇలా చేస్తే ఇంకా తక్కువ ధరకే..!
iPhone 16 Pro Max : ఆపిల్ ఐఫోన్ 16 ప్రో మ్యాక్స్ ధర తగ్గింది.. విజయ్ సేల్స్ సమయంలో ఐఫోన్ 16 ప్రో మ్యాక్స్ భారీ తగ్గింపుతో అందిస్తోంది.
- Published By: 10TV Digital Team ,Published On : May 17, 2025 / 10:18 AM IST
iPhone 16 Pro Max
iPhone 16 Pro Max : ఆపిల్ లవర్స్ కోసం అద్భుతమైన ఆఫర్.. లేటెస్ట్ ఐఫోన్‌కి అప్‌గ్రేడ్ చేయాలని చూస్తున్నారా? ఇదే సరైన సమయం. విజయ్ సేల్స్ ఐఫోన్ 16 ప్రో మాక్స్ (iPhone 16 Pro Max) పై భారీ డిస్కౌంట్ అందిస్తోంది.
ఈ డీల్‌తో మీరు రూ.15,700 వరకు తగ్గింపు పొందవచ్చు. ఈ డీల్ విజయ్ సేల్స్ అధికారిక వెబ్‌సైట్‌లో అందుబాటులో ఉంది. సాధారణంగా ఇలాంటి ఆఫర్‌లు ఎక్కువ కాలం ఉండవు. ఆఫర్ ముగిసేలోగా ఐఫోన్ 16 ప్రో మ్యాక్స్ వెంటనే కొనేసుకోండి.
ఐఫోన్ 16 ప్రో మ్యాక్స్ డీల్ :
భారత మార్కెట్లో ఐఫోన్ 16 ప్రో మాక్స్ ప్రారంభ ధర రూ.1,44,900కు లాంచ్ అయింది. ప్రస్తుతం విజయ్ సేల్స్ వెబ్‌సైట్‌లో ఈ ప్రీమియం ఫ్లాగ్‌షిప్ హ్యాండ్‌సెట్ రూ.1,33,700కు లిస్ట్ అయింది.
రిటైలర్ ఐఫోన్ 16 ప్రో మాక్స్‌పై రూ.11,200 ఫ్లాట్ డిస్కౌంట్‌ను అందిస్తోంది. అలాగే, మీరు HDFC బ్యాంక్ క్రెడిట్/డెబిట్ కార్డ్ ఈఎంఐ లావాదేవీలపై అదనంగా రూ.4,500 పొందవచ్చు.
ఐఫోన్ 16 ప్రో మాక్స్ స్పెసిఫికేషన్లు, ఫీచర్లు :
ఆపిల్ ఐఫోన్ 16 ప్రో మాక్స్ 6.9-అంగుళాల LTPO సూపర్ రెటినా XDR OLED డిస్‌ప్లేను కలిగి ఉంది. ఈ డిస్‌ప్లే 2868×1320 పిక్సెల్స్ రిజల్యూషన్, 120Hz రిఫ్రెష్ రేట్‌ను అందిస్తుంది. ఐఫోన్ 16 ప్రో మాక్స్‌లో A18 ప్రో చిప్ అమర్చి ఉంటుంది. ఈ ఫోన్ ఆపిల్ ఇంటెలిజెన్స్‌కు కూడా సపోర్టు ఇస్తుంది.
ఆప్టిక్స్ పరంగా పరిశీలిస్తే.. ఐఫోన్ 16 ప్రో మాక్స్ బ్యాక్ సైడ్ ట్రిపుల్ కెమెరా సెటప్‌ను కలిగి ఉంది. ఈ కెమెరా సెటప్‌లో 48MP మెయిన్ సెన్సార్, 5x ఆప్టికల్ జూమ్‌తో కూడిన 12MP పెరిస్కోప్ టెలిఫోటో లెన్స్, 48MP అల్ట్రావైడ్ లెన్స్ ఉన్నాయి. ఇంకా, ఈ ఫ్లాగ్‌షిప్ హ్యాండ్‌సెట్ 25W ఫాస్ట్ వైర్డ్ ఛార్జింగ్, 15W వైర్‌లెస్ ఛార్జింగ్ సపోర్ట్‌తో 4685mAh బ్యాటరీతో సపోర్టు ఇస్తుంది.
