December New Rules : బిగ్ అలర్ట్.. డిసెంబర్ 1 నుంచి కొత్త రూల్స్.. UPS, LPG, పెన్షన్లపై కీలక మార్పులివే.. మీ జేబు ఖాళీ అవ్వొచ్చు..!

December New Rules

December New Rules : నేటితో నవంబర్ నెల ముగుస్తోంది. నవంబర్ 30 (ఈరోజే) లాస్ట్ ఛాన్స్.. డిసెంబర్ రాబోతుంది. నవంబర్ 30 నాటికి పూర్తి చేయాల్సిన ముఖ్యమైన పనులను వెంటనే చేయండి. లేదంటే భారీ మూల్యం చెల్లించుకోకతప్పదు.

డిసెంబర్ 1 నుంచి దేశవ్యాప్తంగా అనేక రూల్స్ అమల్లోకి రాబోతున్నాయి. ఈ కొత్త నిబంధనలతో మీ ఆర్థిక, రోజువారీ జీవితాన్ని ప్రత్యక్షంగా ప్రభావితం చేస్తుంది. ఇందులో పెన్షన్ల నుంచి గ్యాస్ సిలిండర్ ధరల వరకు అన్ని మారనున్నాయి. ప్రభుత్వ ఆర్థిక విషయాలకు సంబంధించి కటాఫ్ తేదీ. రాబోయే 24 గంటల్లో మీరు పూర్తి చేయాల్సిన పనులను ఓసారి వివరంగా పరిశీలిద్దాం..

UPS పెన్షన్ స్కీమ్‌కు లాస్ట్ ఛాన్స్ :
కేంద్ర ప్రభుత్వ ఉద్యోగులకు ఇది చాలా ముఖ్యం. యూనిఫైడ్ పెన్షన్ స్కీమ్ (UPS)లో చేరేందుకు గడువు ముగుస్తోంది. ఉద్యోగుల ప్రయోజనం కోసమే ఈ స్కీమ్ ప్రవేశపెట్టింది. జాతీయ పెన్షన్ వ్యవస్థ (NPS) నుంచి ఈ కొత్త పథకానికి మారాలనుకునే ఉద్యోగులు నవంబర్ 30వ తేదీలోపు తమ ఆప్షన్‌ను వినియోగించుకోవాలి.

ప్రభుత్వం ఇప్పటికే ఒకసారి గడువును పొడిగించింది. డిసెంబర్ 1 తర్వాత ఈ విండో తిరిగి ఓపెన్ అవుతుందనిఅధికారులు చెబుతున్నారు. పాత సిస్టమ్ నుంచి కొత్త సిస్టమ్‌కు మారాలనుకునే ఏ ఉద్యోగి అయినా వెంటనే ప్రక్రియను పూర్తి చేయాలి.

పెన్షనర్లకు లైఫ్ సర్టిఫికెట్ తప్పనిసరి :
నవంబర్ 30 లక్షలాది మంది పెన్షనర్లకు ముఖ్యమైన సమయం. పెన్షన్‌ పొందాలంటే లైఫ్ సర్టిఫికేట్ తప్పక సమర్పించాలి. గడువు తేదీలోపు సమర్పించడంలో విఫలమైతే వారి పెన్షన్ తాత్కాలికంగా నిలిచిపోవచ్చు. అయితే, డిజిటల్ లైఫ్ సర్టిఫికేట్ సిస్టమ్ ఇప్పుడు సులభతరం అయింది. బ్యాంకులు, పోస్టాఫీసులలో సమర్పించడం చాలా సులభం కూడా. తద్వారా పెన్షన్ పేమెంట్లను సులభంగా పొందవచ్చు.

Read Also : Save Tax Money : మీ భార్య అకౌంట్‌కి మీరు డబ్బులు పంపుతున్నారా? లేదంటే.. మీ భార్యనే మీకు డబ్బులు పంపుతున్నారా? ఎవరికి బెనిఫిట్..?

ఆదాయపు పన్ను దాఖలు గడువు :

నవంబర్ 30 అనేది పన్ను చెల్లింపుదారులకు కూడా కీలకమైన గడువు. అక్టోబర్‌లో మినహాయించిన పన్ను కోసం TDS స్టేట్‌మెంట్‌లను (సెక్షన్లు 194-IA, 194-IB, 194M, 194S కింద) సమర్పించేందుకు చివరి తేదీ. అదనంగా, సెక్షన్ 92E ప్రాసెస్ చేసేందుకు ఈ తేదీలోపు పన్నుచెల్లింపుదారులు తమ రిటర్న్‌లను దాఖలు చేయాలి. భారత్‌లో పనిచేస్తున్న విదేశీ కంపెనీల అనుబంధ సంస్థలు ఫారమ్ 3CEAAను సమర్పించాలి. ఈ గడువులను దాటితే నోటీసులు, పెనాల్టీలను విధించవచ్చు.

LPG సిలిండర్ ధరలు :
చమురు మార్కెటింగ్ కంపెనీలు ప్రతి నెలా ఒకటో తేదీన ఎల్పీజీ సిలిండర్ల ధరలను సవరిస్తాయి. గత నెలలో వాణిజ్య సిలిండర్ ధరలు తగ్గినప్పటికీ డిసెంబర్ 1వ తేదీన డొమెస్టిక్ సిలిండర్ రేట్లలో ఏదైనా మార్పు వస్తుందా అని వినియోగదారులు ఆశగా ఎదురుచూస్తున్నారు. ధరలలో పెరుగుదల లేదా తగ్గుదల మీ నెలవారీ ఇంటి బడ్జెట్‌పై నేరుగా ప్రభావితం చూపొచ్చు.

5. ATF ( ఏవియేషన్ టర్బైన్ ఫ్యూయిల్) ధరలు :
డిసెంబర్ 1న ఏవియేషన్ టర్బైన్ ఫ్యూయిల్ (ATF) ధర కూడా సవరించనున్నారు. ఇంధన ధరలు పెరిగితే, డిసెంబర్‌లో విమాన ఛార్జీలు పెరగవచ్చు. రాబోయే రోజుల్లో విమాన ప్రయాణాన్ని ప్లాన్ చేసుకునే వారికి ముఖ్యమైన అప్‌డేట్.