Nirmala Sitharaman: సామాన్యులపై రూపాయి భారం పడదు.. 96 శాతం మందికి ఫ్రీ.. యూపీఐ చార్జీలపై నిర్మలా సీతారామన్ కీలక ప్రకటన

Nirmala Sitharaman clarified that there will be no MDR charges on Rs 2,000 UPI transactions

Nirmala Sitharaman: యూపీఐ లావాదేవీలపై మర్చంట్ డిస్కౌంట్ రేట్ విధింపుపై ప్రతిపక్షాలు, వ్యాపార వర్గాల నుంచి వస్తున్న విమర్శలపై కేంద్ర ఆర్థిక మంత్రి నిర్మలా సీతారామన్ (Nirmala Sitharaman)స్పందించారు. ప్రతిపాదిత రుసుములు కేవలం రూ. 2,000 కంటే ఎక్కువ ఉన్న పర్సన్-టు-మర్చంట్ యూపీఐ లావాదేవీలకు మాత్రమే వర్తిస్తాయని, సాధారణ ప్రజలపై ఎలాంటి భారం పడదని స్పష్టం చేశారు. ఈ నిర్ణయం డిజిటల్ చెల్లింపుల మౌలిక సదుపాయాలను మరింత బలోపేతం చేయడానికి, సాంకేతిక ఆవిష్కరణలను ప్రోత్సహించడానికి దోహదపడుతుందని పేర్కొంటూ వస్తున్న అనుమానాలకు పూర్తిస్థాయిలో తెరదించారు.

Jharkhand Accident: జార్ఖండ్‌లో ఘోర రోడ్డు ప్రమాదం.. ట్రక్కును ఢీకొట్టిన కారు.. మంత్రి కుమార్తె సహా నలుగురు మృతి

ఇది పన్ను కాదు – ప్రభుత్వ ఖజానాకు రూపాయి కూడా రాదు:

ఈ ఎండీఆర్ చార్జీలు పన్ను, సెస్ లేదా సర్ ఛార్జీ ఏమీ కాదని, దీని ద్వారా వచ్చే ఆదాయంలో ప్రభుత్వ ఖజానాకు ఏమీ చేరదని నిర్మలా సీతారామన్ స్పష్టం చేశారు. వసూలయ్యే మొత్తంలో 40 శాతం వినియోగదారుల బ్యాంకులకు, 30 శాతం పేమెంట్ గేట్‌వేలకు, 20 శాతం యూపీఐ యాప్‌లకు, 10 శాతం స్పాన్సర్ బ్యాంకులకు చేరుతుందని వివరించారు. ఈ రుసుమును కేవలం వ్యాపారులు మాత్రమే భరించాల్సి ఉంటుందని, క్రెడిట్, డెబిట్ కార్డులపై వ్యాపారులు ఇప్పటికే ఎండీఆర్ చెల్లిస్తున్నారని గుర్తుచేశారు.

96 శాతం లావాదేవీలు ఉచితమే – అక్టోబర్ 15 నుంచి అమలు:

సామాన్యులు చేసే లావాదేవీల్లో దాదాపు 96 శాతం రూ. 2,000 లోపే ఉంటాయని, ఇవన్నీ ఎప్పటిలాగే పూర్తిగా ఉచితంగానే కొనసాగుతాయని మంత్రి తెలిపారు. వ్యక్తి నుంచి వ్యక్తికి జరిగే బదిలీలపై ఎలాంటి చార్జీలు ఉండవని పునరుద్ఘాటించారు. అక్టోబర్ 15 నుంచి అమలులోకి రానున్న ఈ నూతన విధానం వల్ల డిజిటల్ వ్యవస్థను నిర్వహించే పేమెంట్ సర్వీస్ ప్రొవైడర్లు, బ్యాంకులకు సాంకేతిక సదుపాయాలు మెరుగుపరచడానికి అవసరమైన ఆర్థిక వెసులుబాటు లభిస్తుందని వివరించారు.