SCSS Scheme : సీనియర్ సిటిజన్లకు సూపర్ స్కీమ్.. ఇలా పెట్టుబడి పెడితే కేవలం వడ్డీనే రూ. 12 లక్షలు సంపాదించవచ్చు!
Senior Citizens : రిటైర్మెంట్ తర్వాత మీ డబ్బును సీనియర్ సిటిజన్ సేవింగ్స్ స్కీమ్‌‌లో పెట్టుబడి పెట్టండి. రిస్క్ లేకుండా రూ. 12 లక్షలు సంపాదించవచ్చు.
- Published By: 10TV Digital Team ,Published On : May 23, 2025 / 12:28 PM IST
SCSS Scheme
SCSS Scheme : సీనియర్ సిటిజన్ల కోసం అద్భుతమైన ప్రభుత్వ పథకం.. రిటైర్మెంట్ తర్వాత (SCSS Scheme) చాలా మంది వృద్ధులు తమ ఆదాయాన్ని ఫిక్స్‌డ్ డిపాజిట్ల (FD)లో పెట్టుబడి పెడుతుంటారు. మరికొంతమంది దాచుకున్న మొత్తాన్ని ఏదైనా బ్యాంకు ఖాతాల్లో ఉంచుతారు.
Read Also : PAN Card 2.0 : కొత్త పాన్ కార్డు 2.0 తీసుకున్నారా? ఎలా అప్లయ్ చేయాలి? ఇదిగో స్టెప్ బై స్టెప్ ప్రాసెస్..!
తద్వారా ఆ డబ్బుపై వడ్డీని కూడా పొందవచ్చు. అయితే, సేవింగ్స్ అకౌంట్లలో డబ్బు డిపాజిట్ చేసే బదులు సీనియర్ సిటిజన్ల కోసం ప్రభుత్వం అందించే పథకంలో డబ్బును పెట్టుబడి పెడితే అద్భుతమైన రాబడిని పొందొచ్చు.
ఇలా చేస్తే.. కేవలం వడ్డీనే రూ. 12 లక్షలు :
అదే.. సీనియర్ సిటిజన్ సేవింగ్స్ స్కీమ్ (Senior citizens savings scheme). ఇందులో 5 ఏళ్ల పాటు డబ్బు డిపాజిట్ చేయడం ద్వారా 8.2శాతం వడ్డీ పొందవచ్చు. ఈ పథకంలో వడ్డీ ద్వారా డబ్బు పెట్టుబడితో రూ. 12లక్షల వరకు సంపాదించవచ్చు. సీనియర్ సిటిజన్లు రూ. 30లక్షల వరకు పెట్టుబడి పెట్టవచ్చు.
కనీస పెట్టుబడి పరిమితి రూ. 1000. ఈ పథకంలో రూ. 30 లక్షలు డిపాజిట్ చేస్తే.. 8.2శాతం చొప్పున వడ్డీగా రూ. 12,30,000 సంపాదించవచ్చు. ప్రతి త్రైమాసికంలో రూ. 61,500 వడ్డీని పొందొచ్చు.
5 ఏళ్ల తర్వాత రూ. 30 లక్షలు మెచ్యూరిటీతో రూ. 42,30,000 అవుతుంది. రూ. 30 లక్షలు డిపాజిట్ వద్దంటే.. 5 ఏళ్ల పాటు రూ. 15 లక్షలు డిపాజిట్ చేయండి. భారీ మొత్తంలో వడ్డీ వస్తుంది.
రూ. 15 లక్షలు డిపాజిట్ చేస్తే.. 8.2 శాతం రేటుతో 5 ఏళ్లలో రూ. 6,15,000 వడ్డీ మాత్రమే వస్తుంది. అయితే, ఈ వడ్డీని త్రైమాసిక ప్రాతిపదికన లెక్కిస్తే.. రూ.30,750 అవుతుంది. రూ. 15లక్షలతో మొత్తంగా రూ.6,15,000 వడ్డీ మొత్తాన్ని కలిపితే మొత్తంగా రూ. 21,15,000 మెచ్యూరిటీగా అందుతుంది.
స్కీమ్ పొడిగింపు ఇలా :
SCSS స్కీమ్ 5 ఏళ్ల తర్వాత మెచ్యూరిటీ ఉంటుంది. 5 ఏళ్ల తర్వాత కూడా ఈ స్కీమ్ బెనిఫిట్స్ కావాలంటే డిపాజిట్ మొత్తం మెచ్యూరిటీ తర్వాత అకౌంట్ వ్యవధిని 3 ఏళ్లు పొడిగించవచ్చు.
మెచ్యూరిటీ నుంచి ఒక ఏడాది లోపు పొడిగించవచ్చు. ఇలా పొడిగించిన అకౌంట్లు మెచ్యూరిటీ తేదీ నుంచి వడ్డీని పొందుతాయి. సీనియర్ సిటిజన్లు SCSS సెక్షన్ 80C కింద పన్ను మినహాయింపు కూడా పొందొచ్చు.
ఎవరు ఇన్వెస్ట్ చేయొచ్చు? :
60 ఏళ్లు లేదా అంతకంటే ఎక్కువ వయస్సు ఉన్న వారు పెట్టుబడి పెట్టవచ్చు. VRS తీసుకునే పౌర రంగ ప్రభుత్వ ఉద్యోగులు, రక్షణ శాఖ నుంచి రిటైర్మెంట్ పొందిన వారు షరతులతో వయోపరిమితిలో సడలింపు పొందవచ్చు.
