Pension Deadlines
Pension Deadlines : కేంద్ర ప్రభుత్వ ఉద్యోగులు, పెన్షనర్లకు బిగ్ అలర్ట్.. లైఫ్ సర్టిఫికేట్ డెడ్‌లైన్ దగ్గరపడింది. ఇంకా ఒక్కరోజు మాత్రమే సమయం మిగిలి ఉంది. నవంబర్ 30 లాస్ట్ డేట్.. ఈ తేదీలోగా మీ లైఫ్ సర్టిఫికేట్ దాఖలు చేయకపోతే మీకు రావాల్సిన పెన్షన్ డబ్బులు ఆపేస్తారు జాగ్రత్త.. ప్రభుత్వం అందించే పెన్షన్ పొందాలంటే పెన్షన్‌దారులు తప్పనిసరిగా తమ లైఫ్ సర్టిఫికేట్ సబ్మిట్ చేయాల్సి ఉంటుంది.
ఇందుకోసం రెండు పనులు (Pension Deadlines) చేయాల్సి ఉంటుంది. అందులో ఒకటి యూనిఫైడ్ పెన్షన్ స్కీమ్ (UPS) ఎంచుకోవాలి? అలాగే ఈ ఏడాది డిజిటల్ లైఫ్ సర్టిఫికేట్ (DLC) దాఖలు చేయాలి. పెన్షన్ లబ్దిదారులు తప్పనిసరిగా ఈ రెండు పనులను పూర్తి చేయడం తప్పనిసరి. లేదంటే కట్-ఆఫ్‌ను కోల్పోతారు. అలాగే పెన్షన్ బెనిఫిట్స్ కూడా కోల్పోతారు. ఒక్క మాటలో చెప్పాలంటే భవిష్యత్తులో యూపీఎస్ పథకం అర్హత కోల్పోతారు. మీకు రావాల్సిన పెన్షన్ కూడా పొందలేరు.
కేంద్ర ప్రభుత్వ ఉద్యోగులు UPS ఆప్షన్ ఎంచుకోవడానికి నవంబర్ 30 వరకు మాత్రమే సమయం ఉంది. ఏప్రిల్ 1, 2025 నాటికి జాతీయ పెన్షన్ వ్యవస్థ (NPS) పరిధిలో అర్హత కలిగిన కేంద్ర ప్రభుత్వ ఉద్యోగులు, రిటైర్మెంట్ పొందిన ఉద్యోగులు లేదా మరణించిన ఉద్యోగులు, చట్టబద్ధంగా పెళ్లి చేసుకున్న జీవిత భాగస్వాములు నవంబర్ 30 నాటికి యూనిఫైడ్ పెన్షన్ పథకానికి మారాలా వద్దా అనేది ఎంచుకోవాలి.
ఏప్రిల్ 1, 2025 తర్వాత ప్రభుత్వ సర్వీసులో చేరిన వారు చేరిన 30 రోజులలోపు NPS లేదా UPS మధ్య ఏదైనా ఎంచుకోవాలి. రిటైర్ అయిన వ్యక్తులు లేదా సర్వీసు నుంచి తొలగించిన ఉద్యోగులు ఈ పథకాలను ఎంచుకోవడానికి అర్హులు కాదు.
ప్రోటీన్ CRA పోర్టల్‌లోని ఫారమ్ A2 ఉపయోగించి అప్లయ్ చేయాలి. ఈ ఫారమ్‌ను ఆన్‌లైన్‌లో సబ్మిట్ చేయవచ్చు లేదా డ్రాయింగ్, డిస్బర్సింగ్ ఆఫీసర్ లేదా ఆఫీస్ హెడ్‌కు సహాయక డాక్యుమెంట్లను ఫిజికల్‌గా సమర్పించవచ్చు. కనీసం పదేళ్ల సర్వీస్ ఉన్న పదవీ విరమణ చేసినవారు, చట్టబద్ధంగా వివాహం చేసుకున్న జీవిత భాగస్వాములు కూడా ఇదే దరఖాస్తు పద్ధతిని ఫాలో అవ్వొచ్చు.
పెన్షనర్లు నవంబర్ 30 లోపు లైఫ్ సర్టిఫికేట్ సమర్పించాలి. పెన్షన్ చెల్లింపుల కోసం అన్ని కేంద్ర ప్రభుత్వ పెన్షనర్లు నవంబర్ 30 లోపు తమ వార్షిక లైఫ్ సర్టిఫికేట్ డాక్యుమెంట్లను సమర్పించాలి. 80 ఏళ్లు లేదా అంతకంటే ఎక్కువ వయస్సు ఉన్న పెన్షనర్లు అక్టోబర్ 1 నుంచి తమ సర్టిఫికెట్‌లను దాఖలు చేసేందుకు అనుమతి ఉంటుంది. తద్వారా వారికి అదనపు సమయం ఉంటుంది. లైఫ్ సర్టిఫికెట్‌ను బ్యాంకు శాఖలు, డోర్‌స్టెప్ బ్యాంకింగ్ సర్వీసులు లేదా జీవన్ ప్రమాణ్ యాప్‌ని ఉపయోగించి డిజిటల్‌గా సమర్పించవచ్చు.
ఇండియా పోస్ట్ పేమెంట్స్ బ్యాంక్ ఆధార్-ఎనేబుల్డ్ బయోమెట్రిక్ అథెంటికేషన్ ఉపయోగించి డోర్‌స్టెప్ డిజిటల్ లైఫ్ సర్టిఫికెట్ సేవలను అందిస్తూనే ఉంది. సర్టిఫికెట్‌లను CSC, బ్యాంకులు, ప్రభుత్వ కార్యాలయాలలో లేదా PC, మొబైల్ ఫోన్ లేదా టాబ్లెట్‌లో జీవన్ ప్రమాణ్ అప్లికేషన్ ద్వారా కూడా జనరేట్ చేయొచ్చు. లైఫ్ సర్టిఫికెట్‌ను సకాలంలో సమర్పించకపోతే పెన్షన్ కూడా నిలిచిపోతుంది. సెంట్రల్ పెన్షన్ ప్రాసెసింగ్ సెంటర్‌లు స్వీకరించిన తర్వాత ప్రాసెస్ చేసిన తర్వాత మాత్రమే తిరిగి పెన్షన్ ప్రారంభమవుతుంది.
ఈ నెల 30 లోపు లైఫ్ సర్టిఫికేట్ సమర్పించకపోతే ఏమవుతుంది? :
నవంబర్ 30వ తేదీలోపు మీ లైఫ్ సర్టిఫికేట్ సమర్పించకపోతే పెన్షన్ తాత్కాలికంగా నిలిచిపోతుంది. ఒకసారి సర్టిఫికేట్ సమర్పించిన తర్వాత మీ పెన్షన్ తిరిగి ప్రారంభమవుతుంది. ఆన్‌లైన్‌లో సమర్పించిన సర్టిఫికెట్ల స్టేటస్ జీవన్ ప్రమాణ్ పోర్టల్‌లో చెక్ చేయవచ్చు, అయితే, ఆఫ్‌లైన్ సమర్పణలకు బ్యాంకు నుంచి కన్ఫార్మేషన్ అవసరం. సకాలంలో పెన్షన్ చెల్లించేలా ప్రతి పెన్షనర్ ఏటా ఈ సర్టిఫికేట్‌ను సమర్పించాల్సి ఉంటుంది.
ఆఫ్‌లైన్, ఆన్‌లైన్‌లో లైఫ్ సర్టిఫికేట్లను రెండు విధాలుగా సమర్పించవచ్చు. ఆఫ్‌లైన్‌లో పెన్షనర్ తమ బ్యాంకు లేదా పెన్షన్ పంపిణీ ఆఫీసును సందర్శించి వారి గుర్తింపు, పెన్షన్ సంబంధిత డాక్యుమెంట్లను సమర్పించాలి. కొన్ని బ్యాంకులు పాస్‌పోర్ట్ సైజు ఫొటోను కూడా అడుగుతాయి. ఆన్‌లైన్ సమర్పణ కోసం, జీవన్ ప్రమాణ్ పోర్టల్‌ను విజిట్ చేయడం ద్వారా ఆధార్ ద్వారా బయోమెట్రిక్ వెరిఫికేషన్ పూర్తి చేయొచ్చుర. ఆ తర్వాత డిజిటల్ లైఫ్ సర్టిఫికేట్ నేరుగా పెన్షన్ సెక్షన్‌కు పంపుతారు.
ఈ డాక్యమెంట్లు తప్పనిసరి :
జీవిత ధృవీకరణ పత్రాన్ని సమర్పించడానికి ఆధార్, పెన్షన్ ఐడి లేదా బ్యాంక్ పాస్‌బుక్ వంటి గుర్తింపు పత్రాలు అవసరం. లైఫ్ సర్టిఫికేట్ ఫీచర్ ప్లాట్‌ఫామ్‌లో పెన్షన్ అథారిటీ (PSA) నమోదు చేసుకున్న పెన్షనర్లకు మాత్రమే అందుబాటులో ఉంటుంది. పదవీ విరమణ తర్వాత ఉద్యోగం చేస్తున్న లేదా తిరిగి వివాహం చేసుకున్న పెన్షనర్లు ఈ సేవకు అర్హులు కారు.
పెన్షనర్ స్వయంగా లైఫ్ సర్టిఫికేట్ డాక్యుమెంట్ సమర్పించాలి. కుటుంబ సభ్యుడు వాని తరపున ఈ సర్టిఫికేట్ సమర్పించలేరు. అయితే, ఆన్‌లైన్ మెథడ్ వృద్ధులు ఇంటి నుంచే సర్టిఫికేట్‌ను సమర్పించవచ్చు. అనుకోకుండా పెన్షన్‌ను అధికంగా చెల్లించకుండా కుటుంబ పెన్షన్ పొందేవారు ఇప్పుడు తల్లిదండ్రులిద్దరి నుంచి లైఫ్ సర్టిఫికేట్ డాక్యుమెంట్లను సమర్పించాల్సి ఉంటుంది.
పెన్షనర్లు డిలే, టెక్నికల్ ఇష్యూ వస్తే ఏం చేయాలి?
పెన్షన్ పంపిణీ బ్యాంకు బ్రాంచ్‌ను సంప్రదించవచ్చు. సమస్యలు పరిష్కారం కాకపోతే బ్యాంకింగ్ అంబుడ్స్‌మన్‌ను సంప్రదించవచ్చు. తప్పు వివరాలు లేదా బయోమెట్రిక్ లోపాల కారణంగా లైఫ్ సర్టిఫికేట్ తిరస్కరించిన సందర్భాల్లో పెన్షన్ డిస్బర్సింగ్ ఏజెన్సీ అసిస్టెన్స్‌తో లోపాలను సరిచేసిన తర్వాత సర్టిఫికేట్‌ను తిరిగి పొందవచ్చు.
