Top 5 Powerful Bikes
Top 5 Powerful Bikes : కొత్త బైక్ కొనేందుకు చూస్తున్నారా? భారత మార్కెట్లో 100CC బైకుల్లో సరసమైన ధర, అద్భుతమైన మైలేజ్ అందించే అనేక బైకులు లభ్యమవుతున్నాయి. తక్కువ మెయింట్‌నెన్స్ కారణంగా చాలా పాపులర్ అయ్యాయి. కొనుగోలుదారులు ఎంతో ఇష్టపడే బైకులలో మొదటి 5 మోడళ్లు అత్యంత పాపులర్ కూడా. అందులో హీరో స్ప్లెండర్ ప్లస్, HF డీలక్స్, హోండా షైన్ 100, బజాజ్ ప్లాటినా 100 హీరో ప్యాషన్ ప్లస్ బైకులు ఉన్నాయి.
పవర్‌ఫుల్ ఇంజిన్లు, ఇతర ఫీచర్లలో ఇంధన (Top 5 Powerfull Bikes) సామర్థ్యాన్ని అందిస్తాయి. రోజువారీ రైడర్లకు, ఫస్ట్ టైమ్ కొనుగోలు చేసేవారికి అద్భుతమైన బైకులుగా చెప్పొచ్చు. మీరు కూడా 100cc బైకులను కొనేందుకు చూస్తుంటే ఇది మీకోసమే.. రూ. 80వేల లపు ధరలో టాప్ 5 బైకులను అందిస్తున్నాం.. మీ బడ్జెట్ ధరలో ఏది కొంటారో కొనేసుకోండి.
1. హీరో స్ప్లెండర్ ప్లస్ :
హీరో స్ప్లెండర్ ప్లస్ భారత మోటార్ సైకిల్ మార్కెట్లో అత్యంత పాపులర్ 100cc బైక్‌లలో ఒకటి. 97.2cc ఇంజిన్, 70kmpl మైలేజ్ కలిగి ఉంది. దేశంలో అత్యధికంగా అమ్ముడవుతున్న బైక్‌లలో ఒకటిగా చెప్పవచ్చు. హీరో i3S టెక్నాలజీ (ఐడల్ స్టార్ట్-స్టాప్) ట్రాఫిక్‌లో ఫ్యూయల్ ఆదా చేయగలదు. హీరో స్ప్లెండర్ ప్లస్ బైక్ అత్యంత సమర్థవంతమైనది. ఈ బైక్ ధర రూ. 73,764 (ఎక్స్-షోరూమ్) నుంచి ప్రారంభమవుతుంది.
2. హీరో HF డీలక్స్ :
హీరో HF డీలక్స్ బైక్ చాలా మన్నికైనది. ఆర్థికంగా చాలా సేవ్ చేస్తుంది. 97.2cc ఇంజిన్ కలిగి ఉంది. 70 kmpl మైలేజీని అందిస్తుంది. కానీ, రూ. 58,020 (ఎక్స్-షోరూమ్) ప్రారంభ ధరతో మరింత సరసమైన బైకు కూడా. అదనపు ఫీచర్లు లేనప్పటికీ చాలామంది రైడర్లు ఎక్కువగా ఈ బైక్ ఇష్టపడతారు.
3. హోండా షైన్ 100 :
హోండా షైన్ 100తో 100cc విభాగంలోకి ప్రవేశించింది. 98.98cc ఇంజిన్ సున్నితమైన రైడింగ్ ఎక్స్‌పీరియన్స్ ద్వారా అందరి దృష్టిని ఆకర్షించింది. షైన్ 100 హోండా సిగ్నేచర్ ఇంజిన్ కలిగి ఉంది. లీటరుకు 65 కి.మీ. మైలేజీని అందిస్తుంది. ధర రూ. 63,441 (ఎక్స్-షోరూమ్) నుంచి ప్రారంభమవుతుంది.
4. బజాజ్ ప్లాటినా 100 :
బజాజ్ ప్లాటినా 100 బైక్ 75kmpl మైలేజ్ అందిస్తుంది. భారత మార్కెట్లో అత్యంత పవర్‌ఫుల్ బైక్‌లలో ఒకటిగా నిలిచింది. కంఫోర్టెక్ సస్పెన్షన్ రైడ్‌ను అందిస్తుంది. లాంగ్ డ్రైవ్ ప్రయాణాలకు లేదా అసమాన రోడ్లకు బెటర్ బైక్. ఈ బైక్ ప్రారంభ ధర రూ. 67,808 (ఎక్స్-షోరూమ్) నుంచి అందుబాటులో ఉంది.
5. హీరో ప్యాషన్ ప్లస్ :
ఈ బైకు స్టైల్‌తో పాటు ప్రాక్టికాలిటీని కోరుకునే రైడర్లకు అద్భుతంగా ఉంటుంది. హీరో ప్యాషన్ ప్లస్ 100cc విభాగంలో గట్టి పోటీనిస్తోంది. 97.2cc ఇంజిన్‌తో వస్తుంది. అయితే సెమీ-డిజిటల్ కన్సోల్ USB ఛార్జర్ వంటి అదనపు ఫీచర్లను అందిస్తుంది. దాదాపు 60kmpl మైలేజీని ఇస్తుంది. ధర విషయానికి వస్తే.. రూ. 76,636 (ఎక్స్-షోరూమ్) నుంచి ప్రారంభమవుతుంది.
