65M/123 రూట్ నంబర్ ఆర్టీసీ బస్సులో కండక్టర్ చేతిలో వేధింపులకు గురైన హైదరాబాద్‌ అమ్మాయి

బస్సులో ప్రయాణికులు అధికంగా ఉండడంతో ఇదే అదనుగా భావించి యువతితో కండక్టర్..

రంగారెడ్డి జిల్లా మణికొండ నుంచి మెహిదీపట్నం వైపు వెళ్తున్న బస్సులో ఓ యువతిపై కండక్టర్ అసభ్యంగా ప్రవర్తించాడు. బస్సులో యువతి ప్రైవేటు పార్ట్స్‌ను తాకాడు. దీంతో అతడిపై చర్యలు తీసుకోవాలని సీఎం రేవంత్ రెడ్డి, మాజీ మంత్రి కేటీఆర్‌తో పాటు షీ టీమ్స్‌కు బాధిత యువతి ట్విట్టర్‌లో ఫిర్యాదు చేసింది.

మంగళవారం ఉదయం 8 గంటలకు పుప్పాలగూడ నుంచి బయలుదేరిన బాధిత యువతి ఆధార్ కార్డు మర్చిపోవడంతో 30 రూపాయలు ఇచ్చి కండక్టర్ వద్ద టికెట్ తీసుకుంది. బస్సులో ప్రయాణికులు అధికంగా ఉండడంతో ఇదే అదనుగా భావించి యువతితో కండక్టర్ అసభ్యంగా ప్రవర్తించాడు. ఆమె ప్రైవేటు పార్ట్స్‌ను తాకాడు.

దీంతో షాక్‌కు గురైన యువతి అంకుల్ ఏం చేస్తున్నారంటూ కేకలు వేసింది. దీంతో భయపడి వెంటనే అతడు అక్కడి నుంచి గబగబా వెళ్లిపోయాడు. యువతితో అలా ప్రవర్తించిన కండక్టర్ పై చర్యలు తీసుకోవాలని నెటిజన్లు కోరుతున్నారు. రద్దీగా ఉండే బస్సుల్లో ఆకతాయిలు ప్రతిరోజు ఇలాగే ప్రవర్తిస్తుంటారని, అమ్మాయిలను ఉద్దేశపూర్వకంగా తాకుతూ వెళ్తుంటారని అంటున్నారు.

Also Read: ప్రతి ఆదివారం అక్కడి నుంచే భోజనం తెప్పించుకుంటున్న అంబానీ కుటుంబం.. అందుకే ఇలా..