Raids on dhabas
Dhabas : జాతీయ రహదారులపై ఉన్న దాబాల్లో అక్రమ కార్యకలాపాలు యథేచ్ఛగా సాగుతున్నాయి. ఉత్తరప్రదేశ్ రాష్ట్రంలోని భదోహి జిల్లాలో జాతీయ రహదారి వెంబడి ఉన్న నాలుగు దాబాల వద్ద పోలీసులు జరిపిన దాడుల్లో వ్యభిచారం గుట్టు రట్టు అయింది. (Raids on dhabas) దాబాలు కేంద్రాలుగా మహిళల అక్రమ రవాణ సాగుతోందని పోలీసుల దర్యాప్తులో తేలింది.
Zomato Now Charging : జోమాటో ప్రతీ ఆర్డరుపై రూ.2 అదనపు చార్జీ
దీంతో మానవ అక్రమ రవాణా నిరోధక విభాగం, గోపిగంజ్ పోలీస్ స్టేషన్లోని క్రైమ్ బ్రాంచ్ భాదోహిలోని జాతీయ రహదారి వెంబడి ఉన్న నాలుగు దాబాల్లో జరిపిన దాడుల్లో ఐదుగురు మహిళలతో సహా ఏడుగురిని అరెస్టు చేసినట్లు పోలీసులు తెలిపారు. (national highway in UP) మహిళలపై జరుగుతున్న నేరాలను అరికట్టేందుకు కొత్త పోలీసు సూపరింటెండెంట్ మీనాక్షి కాత్యాయన్ ఆదివారం కఠినమైన ఆదేశాలు ఇచ్చారు. ఆ తర్వాత దాడులు నిర్వహించామని అదనపు పోలీసు సూపరింటెండెంట్ రాజేష్ భారతి తెలిపారు.
Patancheru Mokila : ఒక్క గజం ధర లక్ష రూపాయలు.. హాట్ కేకుల్లా అమ్ముడుపోయిన మోకిలా ప్లాట్లు
దాబాల వద్ద నిర్మించిన గదుల్లో రూ.27 వేల నగదు, బీరు సీసాలు, పెద్దమొత్తంలో అభ్యంతరకర వస్తువులను స్వాధీనం చేసుకున్నట్లు ఆమె తెలిపారు. అరెస్టయిన వారిలో ఒక మహిళ నేపాల్, ఒకరు బీహార్, ఇద్దరు భాదోహి, మరొకరు మీర్జాపూర్కు చెందిన వారని భారతి తెలిపారు. ఒక దాబా యజమాని మరో వ్యక్తిని అరెస్టు చేశామని, ఇద్దరూ భదోహికి చెందినవారని ఆయన చెప్పారు. దాడుల సమయంలో ఐదుగురు వ్యక్తులు పారిపోయారని, వారిని పట్టుకునేందుకు ప్రయత్నాలు కొనసాగుతున్నాయని పోలీసు అధికారి తెలిపారు. కేసు నమోదు చేసి తదుపరి చర్యలు తీసుకుంటున్నట్లు పోలీసులు వివరించారు.