lift plunges several floors
Noida – Uttar Pradesh: ఓ హౌసింగ్ కాంప్లెక్స్‌లో 73 ఏళ్ల ఓ వృద్ధురాలు లిఫ్టు ఎక్కింది. లిఫ్టు పైకి వెళ్తున్న సమయంలో దాని కేబుల్ ఒక్కసారిగా తెగిపోయింది. ఫోర్ల మధ్య పడి లిఫ్టు ఇరుక్కుపోయింది. దీంతో అందులోని వృద్ధురాలికి భయంతో కార్డియాక్ అరెస్ట్ (Cardiac Arrest ) సంభవించి ప్రాణాలు కోల్పోయింది.
ఈ ఘటన ఉత్తరప్రదేశ్ లోని నోయిడాలో చోటుచేసుకుంది. బహుళ అంతస్తుల భవనంలోని ఓ అంతస్తు వద్ద లిఫ్టు ఇరుక్కుపోయిందని, కేబుల్ తెగినా అది జారి గ్రౌండ్ ఫ్లోర్ లో పడిపోలేదని స్థానికులు తెలిపారు. ఈ ఘటనపై పోలీసులు విచారణ ప్రారంభించారు. లిఫ్టులో తలెత్తిన లోపం స్థానికులను భయాందోళనలకు గురిచేస్తోంది.
లిఫ్టులో సమస్య తలెత్తిన సమయంలో ఆ వృద్ధురాలు మాత్రమే అందులో ఉందని అధికారులు తెలిపారు. నోయిడాలోని సెక్టార్ 142 ప్రాంత పోలీస్ స్టేషన్ పరిధిలోని సెక్టార్ 137లో పారాస్ టియెర్రా సొసైటీలో ఈ ఘటన చోటుచేసుకుందని వివరించారు. లిఫ్టు నుంచి వృద్ధురాలిని బయటకు తీసి ఆసుపత్రికి తరలించారని, ఆమె చికిత్స పొందుతూ కన్నుమూశారని అన్నారు.
ఆమె నడుము, తల, మోచేతులపై గాయాలు కూడా కనిపించాయని వివరించారు. ఈ ఘటనతో ఆ హౌసింగ్ కాంప్లెక్స్ వాసులు ఆందోళనకు దిగారు. సరైన మెయింటనెన్స్ లేకపోవడంతో ప్రమాదాలు జరుగుతున్నాయని అన్నారు.
Rare And Strange fruits : పోషకాల మెండు .. ప్రపపంచలోనే విచిత్రమైన,ఆశ్చర్యపరిచే పండ్లు,వాటి విశేషాలు
