England : వేలంలో నిమ్మకాయ.. ధర రూ.1.5 లక్షలు..అంత ప్రత్యేకత ఏంటి?
ఎండిన నిమ్మకాయ వేలంలో రూ.1.5 లక్షల ధర పలికింది. ఆ నిమ్మకాయలో అంత ప్రత్యేకత ఏముంది అనుకుంటున్నారా? చదవండి.
- Published By: 10TV Digital Team ,Published On : February 2, 2024 / 02:49 PM IST
England
England : పురాతన కాలం నాటి కొన్ని వస్తువులు వేలం వేయడం గురించి విన్నాం. కానీ 285 సంవత్సరాల నాటి నిమ్మకాయను వేలం వేయడం వింతగా ఉంది. పైగా దానికి రూ.1.5 లక్షలు ధర పలకడం మరింత ఆశ్చర్యానికి గురి చేస్తోంది. ఏంటి దీని ప్రత్యేకత అంటారా? చదవండి.
చరిత్రకు సంబంధించిన కొన్ని కళాఖండాలు, వస్తువులు, ఆభరణాలు, పెయింటింగ్స్ వంటివి వేలంలో రికార్డు స్ధాయిలో ధర పలకడం.. కొనుగోలు చేయడం విన్నాము. అయితే 19వ శతాబ్దం నాటి నిమ్మకాయ ఒకటి వేలానికి రావడం ఆశ్చర్యానికి గురిచేస్తోంది. ఇంగ్లాండ్‌లోని ఒక కుటుంబానికి ఒక విచిత్రమైన వస్తువు కంటపడింది. అది అప్పట్లో మంత్రివర్గంలో ఉన్న వారి మేనమామదట. దానిపై ఒక ప్రత్యేక సందేశం కూడా ఉందట. దానిని తీసుకుని ఆ కుటుంబం UK లోని ష్రాప్‌షైర్‌లో బ్రెట్టెల్స్ వేలం పాటదారులను కలిసిందట. 2 అంగుళాల వెడల్పుతో గోధుమ రంగులో ఉన్న ఆ ఎండిన నిమ్మకాయపై చెక్కిన సందేశం ప్రకారం 1739 నాటిదని తెలుస్తోంది. దానిపై ‘మిస్టర్ పి లూ ఫ్రాంచినీ నవంబర్ 3, 1739 మిస్ ఇ బాక్స్ టర్‌కి అందించారు’ అని రాసి ఉంది.
Napoleon Bonaparte : నెపోలియన్‌ టోపీ ధర ఎంతో తెలుసా..?! వేలంలో సరికొత్త రికార్డు
ఈ నిమ్మకాయ లోపల ఏముందో తెలుసుకోవాలని కూడా చాలామంది ఆసక్తి చూపించారు. కాగా ఈ నిమ్మకాయ £40–£60 (సుమారు రూ. 4,000–రూ. 6,000) వేలం పలుకుతుందని ఊహించారు. కానీ, అందరినీ షాక్‌కి గురిచేస్తూ, నిమ్మకాయ £1,416 (సుమారు రూ. 1.48 లక్షలు) భారీ ధర పలికింది. మీరు విన్నది నిజమే. బ్రెట్టెల్స్ వేలం పాటల యజమాని డేవిడ్ బ్రెట్టెల్ నిమ్మకాయను వినోదం కోసం విక్రయించాలని అనుకుంటే ఊహించని ధరకు అమ్ముడు పోయిందట. బ్రెట్టెల్స్ ఆక్షన్ హౌస్ ఈ విషయాన్ని సోషల్ మీడియా ఖాతాలో పోస్టు చేసింది. కొన్ని వస్తువులు అవసరం లేకపోయినా.. వాటి వెనుక ఏదైనా చరిత్ర ఉంటే చాలు ఇలాగే అమ్ముడుపోతాయంతే.
View this post on Instagram
