Donald Trump: మంగళవారం నేను అరెస్ట్ అవుతా.. అమెరికా మాజీ అధ్యక్షుడు డొనాల్డ్ ట్రంప్

Former President Donald Trump says he’ll be arrested on Tuesday

Donald Trump: ఒక పోర్న్ స్టార్‭కు భారీగా నగదు ఇచ్చి ఒప్పందం చేసుకున్నాడన్న ఆరోపణల నేపథ్యంలో అమెరికా మాజీ అధ్యక్షుడు డొనాల్డ్ ట్రంప్ అరెస్ట్ అయ్యే అవకాశాలు కనిపిస్తున్నాయి. అయితే తన అరెస్ట్ గురించి, అది ఎప్పుడు జరుగుతుందని ట్రంపే స్వయంగా ప్రకటించడం గమనార్హం. ఈ మంగళవారం తాను అరెస్ట్ అవుతానని ట్రంప్ అన్నారు. ఈ అరెస్ట్‭కు సంబంధించి మాన్ హట్టన్ జిల్లా అటార్నీ కార్యాలయం నుంచి స్పష్టమైన సంకేతాలు అందినట్లు ఆయన వెల్లడించారు.

Bengaluru-Mysuru Highway: ప్రారంభించి 6 రోజులు కాలేదు, అప్పుడే చెరువును తలపిస్తున్న ఎక్స్‭ప్రెస్‭వే.. ప్రధానిపై విమర్శలు

2016 ఎన్నికలకు ముందు ఒక పోర్న్ స్టార్‭కు భారీగా నగదు ఇచ్చి ఒప్పందం చేసుకున్నాడన్న ఆరోపణలపై ఇప్పటికే దర్యాప్తు సంస్థల విచారణ కొనసాగుతోంది. ఈ విషయంలోనే ఆయన అరెస్ట్ కానున్నారు. అయితే ట్రంప్ అరెస్ట్‭కు వ్యతిరేకంగా ఆయన మద్దతుదారులు నిరసన చేపట్టనున్నట్లు ప్రకటించారు. తనతో ఉన్న సంబంధాన్ని బహిరంగపర్చకుండా ఉండేందుకు పోర్న్ స్టార్‭తో ఒప్పందం చేసుకున్నారట. ఇందుకు గాను ఆమెకు 1.30 లక్షల అమెరికా డాలర్లు ట్రంప్ ముట్టజెప్పినట్లు తెలుస్తోంది.

Amit Shah On Rahul Gandhi: రాహుల్ వ్యాఖ్యలపై మాజీ ప్రధాని ఇందిరాను ప్రస్తావించిన అమిత్ షా

అయితే ఈ సంబంధం గురించి సదరు పోర్న్ స్టారే కోర్టుకెక్కడం గమనార్హం. ట్రంప్‭తో తనకు శారీరక సంబంధం ఉందని, తమ మధ్య జరిగిన నాన్ డిస్‭క్లోజర్ ఒప్పందాన్ని రద్దు చేయాలంటూ లాస్ ఏంజెల్స్‭లోని కోర్టులో ఆమె దావా వేసింది. అయితే ఈ కేసులో ట్రంప్ మీద కేసు మోపాలా లేదా అని ప్రాసిక్యూటర్లు ఆలోచిస్తున్నట్లు సమాచారం. కానీ ఈలోపే ఆయన అరెస్ట్ కు రంగం సిద్ధమైనట్లు తెలుస్తోంది. ఇదే కనుక జరిగితే నేరారోపణలు ఎదుర్కొన్న మొదటి అమెరికా అధ్యక్షుడిగా ట్రంప్ చరిత్రకెక్కుతారు.