గ్లోబల్ యాక్ససిబిలిటీ అవేర్నెస్ డే.. సందర్భంగా ప్రముఖ సెర్చ్ ఇంజిన్ దిగ్గజం గూగుల్ కొన్ని కొత్త యాక్సెసిబిలిటీ మైండెడ్ ఫీచర్లను రిలీజ్ చేస్తున్నట్టు ప్రకటించింది. అవే.. ‘Action Blocks’, కొత్త యాక్సెసిబిలిటీ ఫీచర్లు.. Live Transcribe, Sound Amplifier, Google Maps కోసం ఈ యాక్సెసిబిలిటీ ఫీచర్లను అందుబాటులోకి తీసుకొచ్చింది. అవేంటో ఓసారి లుక్కేయండి..
1. యాక్షన్ బ్లాక్స్ (Action Blocks):
గత ఏడాదిలోనే గూగుల్ యాక్షన్ బ్లాక్స్ ఫీచర్ ప్రవేశపెట్టింది. ఈ యాప్ ద్వారా హోం స్ర్కీన్ పై బటన్లను క్రియేట్ చేసుకోవచ్చు. గూగుల్ అసిస్టెంట్ కమాండ్లను వినియోగించేందుకు ఈ బటన్లను వాడొచ్చు. అభిజ్ఞా వైకల్యం యూజర్లు తమ వాయిస్ లేదా టెక్స్ట్ ద్వారా ఈజీగా కనెక్ట్ అవ్వొచ్చు. ఇందులోని యాక్ససిబిలిటీ టూల్ ద్వారా ప్రతిఒక్కరూ ఫంక్షనాల్టీని వాడుకునేలా యాక్షన్ బ్లాక్స్ డిజైన్ చేశారు. మీ హోంలో గూగుల్ అసిస్టెంట్ మాక్రోస్ క్రియేట్ చేసుకోవచ్చు. హోం స్ర్కీన్ పై బ్లాక్స్ రిసైజ్ చేసుకోవచ్చు. ఫొటోలను కస్టమైజ్ కూడా చేసుకోవచ్చు. బ్లాక్ ట్యాప్ కమాండ్ ద్వారా ఈజీగా గూగుల్ అసిస్టెంట్ ఓపెన్ చేసుకోవచ్చు.
2. లైవ్ ట్రాన్సస్ర్కైబ్ (Live Transcribe ):
గూగుల్ I/O 2019లో గూగుల్ ప్రత్యేకించి Live Transcribe టూల్ ప్రవేశపెట్టింది. ఈ టూల్ ద్వారా ఆటోమాటిక్ గా మల్టీపుల్ లాంగ్వేజీ స్పీచ్లను ట్రాన్సస్రైబ్ చేస్తుంది. దీనికి గూగుల్ గుర్తించలేని కొన్ని ప్రత్యేకమైన పదాలను ఇప్పుడు చేర్చుతుంది. డిక్షనరీలో కనిపించని పేర్లను జత చేస్తుంది. కీవర్డుల ద్వారా యూజర్లు తమ సెర్చ్ ట్రాన్సక్రిప్షన్ సేవ్ చేసుకోవచ్చు. లైవ్ ట్రాన్సస్ర్కైబ్ కోసం రిలీజ్ చేసిన కొత్త ఫీచర్ ఎంతో ఆసక్తికరంగా ఉంటుంది. మీకు దగ్గరలో మీ పేరును ఎవరైతే చెబుతారో వెంటనే గుర్తిస్తుంది. యూజర్లు తమ పేరును ఫోన్లో కీవర్డుగా సెట్ చేసుకోవచ్చు. పేరును గుర్తించడగానే ఫోన్ వైబ్రేట్ అవుతుంది. ప్రత్యేకించి వినికిడి సమస్య ఉన్న యూజర్లకు ఈ టూల్ అద్భుతంగా పనికివస్తుంది. లైవ్ ట్రాన్సస్ర్కైబ్ ఫీచర్ లో Albanian, Burmese, Estonian, Macedonian, Mongolian, Punjabi, and Uzbek భాషలను కూడా గూగుల్ జత చేసింది.
3. సౌండ్ అంప్లిఫైయర్ (Sound Amplifier) :
మాట్లాడే ధ్వని ద్వారా సౌండ్ అంప్లిఫైయర్ టూల్ పనిచేస్తుంది. Live Transcribe టూల్ తో పాటు గూగుల్ ఈ ఫీచర్ కూడా ప్రవేశపెట్టింది. ఇప్పుడు సౌండ్ అంప్లిఫైయర్.. బ్లూటూత్ హెడ్ ఫోన్లలో పనిచేస్తుంది. తమ పరిసర ప్రాంతాల్లో వాల్యుమ్ను సౌండ్ అంప్లిఫైయర్ ద్వారా అవసరమైనంతగా పెంచుకోవచ్చు. బ్లూటూత్ ద్వారా కూడా సౌండ్ పెంచుకోవచ్చు. గూగుల్ పిక్సల్ డివైజ్ ల్లో ఆడియో మీడియా ఫైల్స్ సులభంగా ప్లే చేయొచ్చు.
4. గూగుల్ మ్యాప్స్ (Google Maps) :
గూగుల్ మ్యాప్స్ టూల్లో చివరిగా వీల్ చైర్ యాక్సస్ చేసుకోవచ్చు. దీనికి సంబంధించి సమాచారం గూగుల్ మ్యాప్స్ లో అందుబాటులో ఉంది. కానీ, లొకేషన్ వివరాలను లోపలే దాచేస్తుంది. ఇప్పుడు ఆ సమాచారం మీకు కావాలంటే ‘Accessible Places’ ఆప్షన్ ఎంపిక చేసుకోవాలి. సెర్చ్ రిజల్ట్స్ లో కుడివైపు భాగంలో కనిపిస్తుంది. ఇప్పుడు Australia, Japan, the United Kingdom, the United States దేశాల్లో కూడా యాక్ససబుల్ ప్లేసెస్ ప్రవేశపెట్టింది గూగుల్.