Viral Video: చిన్నపిల్లలు స్కూల్ కి వెళ్ళమంటే కొందరు చాలా రకాల డ్రామాలు మొదలుపెట్టి చివరికి పేరెంట్స్ చేతనే వద్దులే ఇంట్లోనే ఉండు అనేలా చేస్తుంటారు. మరి కొందరు పెద్దవాళ్ళు కూడా బస్సులు, ట్రైన్లలో సీట్ల కోసం ఎన్నో అబద్దాలు చెప్తుంటారు. కానీ ఓ యువకుడైతే మెట్రోలో సీట్ కోసం ఆస్కార్ రేంజ్ యాక్టింగ్ చేశాడు. తనకేదో ఫిట్స్ వచ్చినట్లు.. కరెంట్ షాక్ కొట్టినట్లు గిలగిలా కొట్టుకున్నాడు. అది నిజమే అని నమ్మిన ఓ యువతి లేచి సీటిచ్చింది.
కానీ ఆ యువకుడు సీట్లో కూర్చున్న తర్వాత కూడా మళ్ళీ అలానే ప్రవర్తించాడు. దీంతో మిగతా ప్రయాణికులకు అనుమానం వచ్చింది. ఇది కేవలం సీటు కోసం ఆ యువకుడు ఆడిన నాటకంలా కనిపించింది. ఈ తతంగమంతా ఎవరో వీడియో తీసి సోషల్ మీడియాలో పోస్ట్ చేశారు. ఈ వీడియోను చూస్తే ఇది కావాలనే చేసి వీడియో షూట్ చేసి సోషల్ మీడియాలో పోస్ట్ చేశారనిపిస్తుంది.
ఇది ఎక్కడ జరిగిందో ఎవరికి తెలియదు కానీ ప్రస్తుతం ఈ వీడియో మాత్రం సోషల్ మీడియాలో వైరల్ అవుతుండగా నెటిజన్లు ఆ యువకుడిపై రకరకాల కామెంట్లు పెడుతున్నారు. జస్ట్ సీటు కోసం ఆస్కార్ రేంజ్ యాక్టింగ్ చేసిన ఈ యువకుడిని హాలీవుడ్ కి పంపాలని కొందరు అంటుంటే.. ఫ్రాంక్ వీడియోల కోసం ఇలా చేసే వారిని పోలీసు కేసులు పెట్టి జైల్లో పెట్టాలని మరికొందరు డిమాండ్ చేస్తున్నారు.
