Blueberries 10
Blueberries : బ్లూ బెర్రీ.. ఇది ముదురు నీలి రంగులో ఉంటాయి. బ్లూ బెర్రీస్ లో చాలా రకాల పోషకాలు ఉన్నాయని శాస్త్రజ్ఞులు తెలియజేస్తున్నారు. సాధారణంగా ఇతర పండ్లతో పోలిస్తే బ్లూ బెర్రీస్ లో ఎన్నో మెడిసినల్ వ్యాల్యూస్ ఉన్నాయి. ఈ విషయం చాలా మందికి తెలియక పోవచ్చు. బ్లూ బెర్రీస్ తినడం వల్ల జ్ఞాపకశక్తి బాగా పెరుగుతుంది. అంతేకాకుండా ఇంకా అనేక రకాల ఆరోగ్య ప్రయోజనాలు కూడా ఉన్నాయి. బ్లూ బెర్రీస్ తినడం వల్ల శక్తి లభిస్తుంది. మెదడు చురుగ్గా పని చేయడానికి సహాయపడతాయి. రోగ నిరోధక శక్తి పెరిగేలా చేస్తాయి.
మన మెదడుకు కావలసిన అన్ని పోషకాలు బ్లూ బెర్రీస్ లో ఉంటాయి. జీర్ణ వ్యవస్ధ పనితీరులో మార్పు కనిపిస్తుంది. యూరినరీ ఇన్ఫెక్షన్స్ రాకుండా చేస్తుంది. కాన్సర్ వంటి వ్యాధి కారకాలను నిరోధిస్తుంది. కంటి రెటీనా ఆరోగ్యాన్ని కాపాడటంలో బాగా పనిచేస్తుంది. అందుకే బ్లూ బెర్రీస్ తినడం వల్ల జ్ఞాపక శక్తి మెరుగుపడుతుంది. బ్లూ బెర్రీస్ లో ఆక్సిడేటివ్ ఫైటో కెమికల్స్ ఉండడం వల్ల జ్ఞాపకశక్తి పెరుగుతుందని జర్నల్ ఆఫ్ అగ్రికల్చరల్ అండ్ ఫుడ్ కెమిస్ట్రీలో చిత్రమైన వ్యాసంలో శాస్త్రజ్ఞులు తెలియజేశారు. వయోజనుల జ్ఞాపకశక్తి పెరగడానికి బ్లూ బెర్రీస్ ఎంతగానో తోడ్పడతాయని అధ్యయన కర్త రాబర్ట్ క్రికొరియన్ తెలియజేస్తున్నారు.
బ్లూ బెర్రీస్ లో బీటా కెరోటిన్, లూటిన్, అనే కెరోటినాయిడ్స్, ఆంథో సియాసిన్ అనే ఫ్లేవనాయిడ్స్, ఎలాజిక్ అనే పోలిఫినైల్, విటమిన్ సి, ఫోలేట్, కాల్షియం, మెగ్నీషియం, పొటాషియం, మరియు పీచు పదార్థం పుష్కలంగా ఉంటాయి. ఇందులో ఫైబర్ అధిక మోతాదులో లభిస్తుంది. బ్లూ బెర్రీస్ లో ఫ్లెవనాయిడ్స్ పుష్కలంగా ఉండటం వల్ల మెదడు కణాలు పాడైపోకుండా కాపాడుతుంది. మతిమరుపు రాకుండా అడ్గుకునే ఫోటో కెమికల్స్ వీటిలో ఉంటాయి. 70 సంవత్సరాల వయసుపైబడిన వృద్ధులు మీద బ్లూ బెర్రీస్ జ్యూస్ బాగా పనిచేస్తుందని పరిశోధనలో తేలింది. రోజు రెండు కప్పుల జ్యూస్ తాగడం వల్ల జ్ఞాపకశక్తి బాగా పెరిగినట్లు తేలింది.
కొవ్వు కలిగిన ఆహారాన్ని సైతం తేలిగ్గా కరిగించేందుకు బ్లూ బెర్రీస్ బాగా ఉపయోగపడతాయని పరిశోధనల్లో తేలింది. అధిక రక్తపోటుని తగ్గిస్తుంది. చర్మంపైన ముడతలను, స్పాట్స్ ని తగ్గించి చర్మ ఆరోగ్యాన్ని కాపాడుతుంది. కేశ సంరక్షణకు మంచి ఆహారంగా చెప్పవచ్చు. దంతక్షయాన్ని తగ్గించుకోవటానికి వీటిని అల్పాహారంలో తీసుకోవచ్చు.
