Insomnia : పోషకాహారం లోపిస్తే నిద్రలేమి సమస్య వస్తుందా?

Insomnia

Insomnia : రాత్రిపూట చాలా మందికి సరిగా నిద్రపట్టదు. నిద్రలేకపోవడం అనేది చాలామందిలో ఒక సాధారణ సమస్య. పని ఒత్తిడితోపాటు అనేక ఇతర కారణాల వల్ల నిద్రలేమి సమస్యను ఎదుర్కొంటారు. వీటితోపాటు పోషకాహార లోపం కూడా నిద్రలేమి సమస్యకు కారణమవుతుందని నిపుణులు చెబుతున్నారు. విటమిన్లు, మినరల్స్, ప్రొటీన్లు, పిండి పదార్థాలతో కూడిన సమతుల ఆహారం శరీరానికి ప్రతిరోజు అందించాలి. పోషకాలతో కూడిన ఆహారం తీసుకోవటం వల్ల అనారోగ్య సమస్యలు దరిచేరవు. గుండె జబ్బులు, మధుమేహం మరియు జీవక్రియ రుగ్మతలు వంటి దీర్ఘకాలిక వ్యాధులు దూరంగా ఉంటాయి.

కొన్నిరకాల విటమిన్లు లోపిస్తే నిద్రలేమి సమస్య ఎదుర్కోవాల్సి వస్తుంది. విటమిన్ సి లోపిస్తే నిద్రలేమి సమస్య ఎదురవుతుంది. సిట్రస్ పండ్లలో విటమిన్ సి లభిస్తుంది. ఇది యాంటీఆక్సిడెంట్ల పవర్‌హౌస్, ఇది వాపును తొలగించడం, రోగనిరోధక వ్యవస్థ, ఎముకలు మరియు దంతాలను బలోపేతం చేయడం. నారింజ, బెర్రీలు, మిరియాలు, బ్రోకలీ, నిమ్మకాయలను ఆహారంలో చేర్చుకోవటం ద్వారా నిద్రను మెరుగుపరుచుకోవచ్చు.

విటమిన్ ఇ లోపిస్తే నిద్రలేమి సమస్య వచ్చే అవకాశం ఉంటుంది. నిద్ర లేమిని నివారించటంలో విటమిన్ ఇ సహాయపడుతుంది, ఈ విటమిన్ లోపిస్తే జ్ఞాపకశక్తి కోల్పోయేందుకు అవకాశం ఉంటుంది. బాదం, పొద్దుతిరుగుడు నూనె మరియు గింజలు, గుమ్మడికాయ, బచ్చలికూర వంటి విటమిన్ ఇ ఆహారాన్నితీసుకోవటం వల్ల నిద్రలేమి సమస్యను తొలగించుకోవచ్చు. విటమిన్ B6 తగినంత అందనప్పుడు, శరీరం నిద్రను ప్రేరేపించే కణాలను ఉత్పత్తి చేయడాన్ని ఆపివేస్తుంది. ఇది నిద్రలేమికి దారితీస్తుంది. ప్రశాంతంగా నిద్రపోవడానికి, అరటిపండ్లు, వేరుశెనగలు, ఓట్స్, పంది మాంసం, చికెన్, చేపలు తీసుకోవటం
మంచిది.

విటమిన్ డి మానసిక స్థితిని నియంత్రించడంలో సహాయపడుతుంది. వాపును నివారిస్తుంది. విటమిన్ డి నిద్రను నియంత్రించే కణాలను ప్రేరేపించడానికి దారితీస్తుంది. విటమిన్ డికోసం పుట్టగొడుగులు, సాల్మన్, సార్డినెస్, గుడ్డు పచ్చసొన వంటి బలవర్థకమైన ఆహారాలు తీసుకోవాలి. నిద్రలేమి సమస్యతో బాధపడుతున్నవారిలో మానసిక కల్లోలం, హైపర్ టెన్షన్ , మధుమేహం, బరువు పెరుగటం వంటి సమస్యలు ఎదుర్కోవాల్సి వస్తుంది.