Vitamin E
Vitamin E : మనిషి శరీరానికి విటమిన్ ఇ చాలా అవసరం. వ్యాధినిరోధక శక్తి పెరగాలన్నా, మతిమరుపు దరిచేరకుండా ఉండాలన్నా, జుట్టు రాలకుండా ఉండేందుకు, ముఖ్యంగా వయస్సు పెరుగుతున్న వారిలో వృద్ధాప్య ఛాయలు దరి చేరకుండా ఉండాలంటే శరీరంలో తగినంత మోతాదులో విటమిన్ ఇ అవసరం. ప్రతిరోజు పదిహేను గ్రాముల విటమిన్ ఇ తీసుకుంటే మంచిదని నిపుణులు సూచిస్తున్నారు. వివిధ రకాల ఆహారాలను తీసుకోవటం ద్వారా శరీరానికి కావాల్సిన రోజు వారి విటమిన్ ఇ అందుతుంది. విటమిన్ ఇ లభించే ఆహారాలేంటో తెలుసుకునే ప్రయత్నం చేద్దాం…
పొద్దు తిరుగుడు గింజలు ; పొద్దు తిరుగుడు గింజల్లో విటమిన్ ఇ పుష్కలంగా ఉంటుంది. ఇందులో దొరికినంత విటమిన్ ఇ మరెందులోనూ దొరకడు. ప్రతి రోజు ఇరవై గ్రాముల పొద్దు తిరుగుడు విత్తనాలను తింటే రోజుకు శరీరానికి కావాల్సిన విటమిన్ ఇ నలభై శాతం అందుతుంది. గింజలు విడిగా తినటం, లేదంటే నూనె రూపంలో వాడటం మంచిదే.
పాలకూర ; ఆకు కూరల్లో పోషక విలువల గురించి చేప్పాల్సిన పనిలోదు, ఎందుకంటే ప్రతిరోజు ఏదో ఒక రూపంలో తాజా ఆకుకూరలను తినడం అలవాటు చేసుకోవాలి. ఆకు కూర అనగానే పప్పులోనో, కూరల్లోనో వేసుకుని మాత్రమే తినటం కాదు, ఒట్టి ఆకుకూరతో రకరకాల కూరల్ని వండుకుని తినాలి. అన్నింటికంటే పాలకూరలో విటమిన్ ఇ పుష్కలంగా లభిస్తుంది. దీనిని వారానికి రెండు సార్లు తింటే విటమిన్ ఇ లభిస్తుంది.
బాదం గింజలు ; ప్రతిరోజు రాత్రి పూట బాదం గింజలను నీళ్లలో నానబెట్టుకోవాలి. వీటిని పొద్దున్నే తింటే మంచిది. రోజుకు పది పప్పుల్ని తినటం వల్ల విటమిన్ ఇ శరీరానికి లభిస్తుంది. వీటిని తినటం వల్ల చర్మం ముడుతలు పడవు. వయసుతోపాటు వచ్చే వృద్ధాప్య ఛాయలు దరిచేరవు. చర్మం కాంతివంతంగా మారుతుంది.
వెజిటెబుల్ ఆయిల్స్ ; ఆహారంలో వెజిటెబుల్ ఆయిల్స్ వాడుతుంటారు. అయితే వీటిని మారుస్తూ ఉపయోగించాలి. ఒక నెలలో ఒక అయిల్ వాడితే మరో నెలలో మరో ఆయిల్ వాడుకోవటం చేయాలి. ఇలా చేయటం వల్ల వెజిటేబుల్ అయిల్స్ నుండి విటమిన్ ఇ పుష్కలంగా శరీరానికి అందుతుంది. పొద్దు తిరుగుడు నూనె, ఆలివ్ అయిల్, కనోలా అయిల్ వంటి వాటితో బహుళ ప్రయోజనాలు శరీరానికి కలుగుతాయి.
