Walnut Oil
Walnut Oil : వాల్నట్ నూనెలో కూడా మంచి పోషకాలు,యాంటీ ఆక్సిడెంట్ల ఉంటాయి, దీనిలో ఆల్ఫా-లినోలెనిక్ ఆమ్లం అని పిలువబడే ఒమేగా -3 కొవ్వు ఆమ్లం ఉంటుంది. దీనిని మంచి కొవ్వుగా పరిగణిస్తారు. చెడు కొలెస్ట్రాల్ ను తగ్గించటంలో సహాయపడుతుంది. వాల్నట్ అయిల్ ను మీ రోజువారీ ఆహారంలో భాగంగా చూసుకుంటే గుండె జబ్బులు వచ్చే ప్రమాదాన్ని తగ్గించుకోవచ్చు. కూరల్లో వాల్నట్ నూనె వాడితే రుచి చేదుగా ఉంటుంది. వంటల్లో కాకుండా సలాడ్లలో దీనిని వాడుకోవచ్చు.
శరీరాన్ని ఆరోగ్యంగా ఉంచడానికి, రక్త ప్రసరణ సక్రమంగా ఉండటానికి, వాల్నట్ నూనె వాడకం ప్రయోజనకరంగా ఉంటుంది. రక్తపోటును నియంత్రించి, రక్త ప్రవాహాన్ని మెరుగుపరచడంలో సహాయపడుతుంది బరువును నియంత్రించడంలో వాల్నట్ నూనె దోహదపడుతుంది. వాల్నట్ నూనె లో ఉన్నా పాలీ అన్‌శాచురేటెడ్ కొవ్వు ఆమ్లాలు మరియు ఆల్ఫా-లినోలెనిక్ ఆమ్లాలు రక్తంలో చక్కెర స్థాయిలను తగ్గించడంలో సహాయపడతాయి. అంతేకాకుండా రక్తంలో చక్కెర స్థాయిలు పెరగడం వల్ల వచ్చే గుండె జబ్బుల ప్రమాదాన్ని తగ్గిస్తుంది.
వాల్‌నట్స్‌లో లినోలెయిక్ ఆమ్లం ఉంటుంది, వాల్నట్ నూనె తీసుకోవడం వలన ఇందులో ఉండే ఒమేగా -3 శరీర కొవ్వును తగ్గించటానికి సహాయపడుతుంది. చర్మానికి వాల్నట్ ఆయిల్ అనేక ప్రయోజనాలు కలిగిస్తుంది. ముడతలను తగ్గిస్తుంది. వాల్నట్ నూనెతో చర్మం మసాజ్ చేస్తే చర్మం మృధువుగా మారుతుంది. ముఖానికి రాసుకుని వేళ్ల సహాయంతో మసాజ్ చేసుకోవటం మంచిది. కొబ్బరి నూనెలో కొద్దిమొత్తంలో కలుపుకుని జుట్టుకు రాసుకోవచ్చు.
చర్మం తేమను నిలుపుకునే సామర్థ్యాన్ని కలిగేలా చేస్తుంది. యాంటీఆజింగ్ మరియు యాంటీ ముడతలు తగ్గించడానికి తోడ్పడుతుంది. పెరుగులో తేనె కలిపి అందులో నాలుగు ఐదు చుక్కల వాల్నట్ నూనె వేసి మొహానికి రాసుకుని ఒక అరగంట తర్వాత గోరు వెచ్చని నీటితో ముఖాన్ని శుభ్రం చేసుకుంటే మొహం కాంతివంతంగా కనిపిస్తుంది. వాల్నట్ ఆయిల్ అనేక రకాల ఇన్ఫెక్షన్ల నుండి ఉపశమనం పొందటానికి ఉపయోగపడుతుంది, ఎందుకంటే ఇది ఆరు రకాల బ్యాక్టీరియాను చంపడానికి సహాయపడుతుంది. జుట్టు రాలటం వంటి సమస్యలను నివారిస్తుంది. చుండ్రు సమస్యను పోగొడుతుంది. తలస్నానం చేసే అరగంట ముందు వాల్నట్ నూనెను మరియు కొబ్బరి నూనె కలుపుకుని తలకు రాసుకుని తల స్నానం చేస్తే చుండ్రు తగ్గుతుంది.
కొందమందిలో మాత్రం వాల్నట్ అయిల్ దుష్ప్రభావలను చూపిస్తుంది. పడకపోతే చర్మంపై దద్దుర్లు, పెదవుల వాపు, స్కిన్ రాష్, దురుద, గొంతుమంట, తిమ్మిరి, వాంతులు వంటి సమస్యలు వచ్చే అవకాశం ఉంటుంది. కొన్ని సార్లు దీర్ఘకాలిక జలుపు, శ్వాస తీసుకోవటంలో ఇబ్బందులు కలిగే అవకాశాలు ఉంటాయి. కొన్ని దుష్ప్రభావాలు ఉండే అవకాశం ఉన్నందున ముందస్తుగా వాల్నట్ అయిల్ ఒంటికి సరిపడుతుందా లేదా అన్నది పరీక్షించటం మంచిది.
