rolugunta suri movie review
Rolugunta Suri Movie Review: తెలుగు తెరపై చాలా అరుదుగా రియలిస్టిక్ సినిమాలు, విలేజ్ ఎమోషనల్ డ్రామా సినిమాలు వస్తూ ఉంటాయి. అలా వచ్చిన మరో సినిమానే ‘రోలుగుంట సూరి’. ఈ సినిమా ఇటీవల ప్రేక్షకుల ముందుకు వచ్చింది. అనిల్ కుమార్ పల్లా దర్శకత్వం వహించిన ఈ సినిమాలో నాగార్జున పల్లా, ఆధ్యారెడ్డి, భావన నీలప్ హీరో–హీరోయిన్లుగా నటించారు. తపస్వీ ఆర్ట్ క్రియేషన్స్ బ్యానర్‌పై సౌమ్య చాందిని పల్లా ఈ(Rolugunta Suri Movie Review) సినిమాను నిర్మించారు. మరి ఈ సినిమా ఎలా ఉంది, ఆడియన్స్ ను ఏమేరకు మెప్పించింది అనేది ఈ రివ్యూలో తెలుసుకుందాం.
కథ: రోలుగుంట గ్రామంలో జరిగిన కథ. సూరి.. జైలు నుండి తిరిగి వచ్చిన తక్కువ కులానికి చెందిన యువకుడు. గ్రామంలో తన కష్టంతో, నిజాయితీతో గౌరవం సంపాదించుకుంటాడు. కమల అనే అమ్మాయిని మొదటిచూపులోనే ప్రేమలోపడతాడు. ఒకరోజు ఆ ఊరిలో జరిగిన కబడ్డీ మ్యాచ్‌ నుంచి గొడవలు మొదలవుతాయి. పైవర్గానికి చెందిన ప్రెసిడెంట్, కాషి, అతడి గ్యాంగ్‌కి నచ్చదు. కులం, క్లాస్‌, విలేజ్ ప్రైడ్ అన్నీ కలిసిపోతూ చిన్న గొడవలు కాస్త పెద్ద గొడవలుగా మారతాయి. సూరిపై అవమానాలు, దాడులు పెరుగుతాయి. చివరికి ప్రెసిడెంట్ మనుషులు సూరి తల్లిదండ్రులను ఇంటితో సహా తగలబెట్టేస్తాడు. ఆ తరువాత ఎం జరిగింది? ఈ సంఘటనల వెనుకున్న నిజం ఏమిటి? సూరి తన పగను తీర్చుకున్నాడా? అనేది తెలుసుకోవాలంటే థియేటర్ కు వెళ్లి సినిమా చూడాల్సిందే.
Trisha: అసహ్యం వేయడం లేదా.. స్నేహితులతో లింక్ పెడతారా.. ఇకనైనా కొంచం..
విశ్లేషణ: గ్రామీణ వాతావరణం, కుల వ్యవస్థలు, అణచివేత ఈ నేపధ్యంలో ఇప్పటికే చాలా సినిమాలు వచ్చాయి. ఇలాంటి సినిమాల్లో ఎమోషన్ కి ఆడియన్ కనెక్ట్ అయితే హిట్టు గ్యారంటీ. డైరెక్టర్ అనిల్ కుమార్ పల్లా కూడా అదే ఫార్మాట్ లో ఈ సినిమాను తెరకెక్కించాడు. ఆ ప్రయత్నం కూడా చాలా నిజాయితీగా చేశాడు. ఆ విషయం సినిమా చూస్తే క్లియర్ గా అర్థమవుతుంది. సినిమాను చాలా హృద్యంగా నడిపించాడు. సూరి తల్లిదండ్రుల మీద దాడి సీన్ హృదయాన్ని కదిలించేలా ఉంటుంది. కొన్ని సన్నివేశాలు గూస్‌బంప్స్ తెప్పించడం ఖాయం. ఫైట్స్ చాలా రియలిస్టిక్ గా చేశారు. రోమాంటిక్ సీన్స్ కూడా యూత్‌ను బాగా ఆకట్టుకుంటాయి. తెలుగు సినిమాల్లో అరుదుగా కనిపించేంత బోల్డ్‌గా, నేచురల్‌గా శృంగారం సీన్లు తెరకెక్కించారు. గ్రామీణ వాతావరణం, కలర్ టోన్, లోకేషన్స్ వంటివి సినిమాను పూర్తిగా రియల్ విలేజ్ ఫీల్ తెప్పించాయి.
నటీనటులు: సూరి పాత్రలో నాగార్జున పల్లా ఒదిగిపోయాడు అనే చెప్పాలి. గ్రామీణ యువకుడి భాష, బాడీ లాంగ్వేజ్ చాలా నేచురల్‌గా చేశాడు. హీరోయిన్ గా ఆధ్యా రెడ్డి కూడా సాఫ్ట్‌గా, మర్యాదగా ఉండే గ్రామీణ అమ్మాయి పాత్రలో బాగా చేసింది. భావోద్వేగ సీన్లలో ఆమె నటన ప్రత్యేకంగా నిలుస్తుంది. భావన నీలప్ సైతం మంచి టైమింగ్ తో నటించి మెప్పించింది. తన పాత్రకు న్యాయం చేసింది. ఇక విలన్ పాత్రలో బ్రహ్మనందరెడ్డి పవర్‌ఫుల్‌గా నటించాడు. అతడి బాడీ లాంగ్వేజ్, డైలోగ్ డెలివరీ సన్నివేశాలను మరింత హైలైట్ చేశాయి. సత్యనారాయణ, అయూషా, జ్యోతి, మహర్షి రమణ.. ప్రతి ఒక్కరూ తమ పాత్రల మేర నటించి మెప్పించారు.
టెక్నికల్ విభాగం: గ్రామీణ నేపథ్యంలో రియలిస్టిక్ సినిమా తీయడం అంత ఈజీ కాదు. కానీ దర్శకుడు అనిల్ కుమార్ పల్లా చాలా నమ్మకంగా ఈ సినిమాను తెరకెక్కించారు. కథనం ఎక్కడా బోర్ కొట్టకుండా బాగా నడిపించాడు. డైరెక్టర్ స్వయంగా అందించిన కెమెరా వర్క్ అద్భుతంగా ఉంది. సినిమాను మరో స్థాయికి తీసుకెళ్లింది. ఇక సుభాష్ ఆనంద్ అందించిన సంగీతం కూడా చాలా సహజంగా ఉంది. రస్టిక్, నేటివ్ ఫ్లేవర్ తో కూడిన బ్యాక్‌గ్రౌండ్ స్కోర్ సినిమాను మరో స్థాయికి తీసుకెళ్లాయి. ‘నిన్న.. మొన్న..’ అంటూ రామారావు మాతుమూరు రాసిన సాంగ్ సినిమాకు ఆత్మగా నిలిచింది. సందీప్ చక్రవర్తి అందించిన బ్యాక్‌ గ్రౌండ్ మ్యూజిక్ కూడా సన్నివేశాల టెన్షన్, ఎమోషన్, ఇంటెన్సిటీని అద్భుతంగా పెంచారు. ఇక ఆవుల వెంకటేష్ అందించిన ఎడిటింగ్ లో పేసింగ్ బాగుంది. ఫ్లాష్‌ బ్యాక్‌, హై వోల్టేజ్ సీన్లు బాగా కట్ చేశారు. కొన్ని సీన్స్ ని ఇంకా ట్రిమ్ చేయాల్సింది. మహ్మద్ సాయి అందించిన కథ, గ్రామీణ మాటలు సినిమాకు బలాన్ని ఇచ్చాయి. డైలాగ్స్ చాలా నేటివ్‌గా ఉన్నాయి.
ఫైనల్ గా చెప్పాలంటే.. ‘రోలుగుంట సూరి’ ఒక రియలిస్టిక్ విలేజ్ ఎమోషనల్ డ్రామా. కులం, ప్రేమ, ప్రతీకారం, గ్రామీణ సత్యాలు అన్నీ మిళితమైన సినిమా. రియలిజం, ఎమోషన్, ఇంటెన్సిటీకి ప్రాధాన్యత ఇస్తూ ప్రేక్షకులను తప్పకుండా మెప్పిస్తుంది. ఈ సినిమాకు రేటింగ్: 2.75 / 5 ఇవ్వొచ్చు.
