Balakrishna donates 1 crore to Telugu states cm's relief funds
రెండు తెలుగు రాష్ట్రాల్లో గ‌త కొన్ని రోజులుగా భారీ వ‌ర్షాలు కురుస్తున్నాయి. ఈ క్ర‌మంలో ప‌లు ప్రాంతాలను వ‌ర‌ద‌లు ముంచెత్తాయి. దీంతో ప్ర‌జ‌లు తీవ్ర ఇబ్బందుల‌ను ఎదుర్కొంటున్నారు. ఈ నేప‌థ్యంలో వరద బాధితుల‌ను ఆదుకునేందుకు సినీ, రాజ‌కీయ ప్రముఖులు ముందుకు వ‌స్తున్నాయి. రెండు తెలుగు రాష్ట్రాల ముఖ్య‌మంత్రుల సహాయ నిధికి త‌మ వంతు సాయం చేస్తున్నారు. ఇప్పటికే ఆయ్ మూవీ యూనిట్, కల్కి నిర్మాతలు, ఎన్టీఆర్, విశ్వక్ సేన్, ద‌ర్శ‌కుడు త్రివిక్రమ్.. పలువురు సినీ ప్రముఖులు సాయం అందించారు.
తాజాగా.. ఇప్పుడు నందమూరి బాలకృష్ణ సైతం భారీ విరాళాన్ని ప్రకటించారు. రెండు తెలుగు రాష్ట్రాలకు రూ.50ల‌క్ష‌ల చొప్పున విరాళం ప్రకటించారు.
“50 ఏళ్ళ క్రితం మా నాన్నగారు నా నుదుటిన దిద్దిన తిలకం ఇంకా మెరుస్తూనే ఉంది, 50 ఏళ్ల నుంచి నా నట ప్రస్థానం సాగుతూనే ఉంది- వెలుగుతూనే ఉంది. తెలుగు భాష ఆశీస్సులతో, తెలుగుజాతి అభిమాన నీరాజనాలతో పెనవేసుకున్న బంధం ఇది. ఈ రుణం తీరనిది. ఈ జన్మ మీకోసం.. మీ ఆనందం కోసం. నా ఈ ప్రయాణంలో సహకరించిన అందరికీ కృతజ్ఞతలు తెలియజేసుకుంటున్నాను. ప్రస్తుతం తెలుగు నేలను వరద ముంచెత్తుతోంది. ఈ విపత్కర పరిస్థితుల్లో బాధాతప్త హృదయంతో ఆంధ్ర ప్రదేశ్ ముఖ్యమంత్రి సహాయ నిధికి రూ.50 లక్షలు., తెలంగాణ ముఖ్యమంత్రి సహాయ నిధికి రూ.50 లక్షలు నా బాధ్యతగా బాధిత ప్రజల సహాయార్థం విరాళంగా అందిస్తున్నాను అని ప్రకటించారు. రెండు రాష్ట్రాలలో మళ్ళీ అతి త్వరలోనే సాధారణ పరిస్థితులు నెలకొనాలని ఆ భగవంతుడిని ప్రార్థిస్తున్నాను.” అని బాలకృష్ణ తెలిపారు.
Trivikram – Naga Vamsi : తెలుగు రాష్ట్రాలకు త్రివిక్రమ్, పవన్ నిర్మాతలు సాయం.. ఎంతంటే..?
